అది అదే.. ఇది ఇదే అంటూ తెలుగులో ఓ మంచి పాట ఉంది కదా..! ఇప్పుడది చేసి చూపిస్తున్నారు శ్రీలీల. ఓ వైపు సినిమాలు చేస్తూనే.. మరోవైపు ఫోటోషూట్స్ కూడా చేసుకుంటూ మళ్లీ బిజీ అవ్వాలని చూస్తున్నారు ఈ బ్యూటీ.
దశ తిరిగేవరకు.. ఫోటోషూట్స్‌తో కాలం గడిపేయాలని ఫిక్సయ్యారు శ్రీలీల. తాజాగా శారీ ఫోటోషూట్‌తో పిచ్చెక్కించారు ఈ భామ. టైమ్ ఎప్పుడూ ఒకేలా ఉండదు కదా.. అందుకే గతేడాది వరకు ఖాళీ లేకుండా ఉన్న శ్రీలీల.. ఇప్పుడు బాగా ఖాళీ అయిపోయారు.
ప్రస్తుతానికి ఈమె చేతిలో రెండు సినిమాలున్నాయి. నితిన్ రాబిన్ హుడ్‌తో పాటు రవితేజ 75వ సినిమాలో నటిస్తున్నారు శ్రీలీల. ఈ ఇద్దరితోనూ రెండోసారి జోడీ కడుతున్నారు ఈ భామ.
ఖాళీ టైమ్‌ను సినిమాలతో పాటు ఫోటోషూట్స్‌కు యూజ్ చేసుకుంటున్నారు. పవన్ కళ్యాణ్ ఉస్తాద్ భగత్ సింగ్ సినిమా మొదలవ్వడానికి ఇంకా టైమ్ ఉంది.
విజయ్ దేవరకొండ సినిమా నుంచి తప్పుకున్నారు ఈ బ్యూటీ. అందుకే నితిన్, రవితేజ సినిమాలపైనే శ్రీలీల కెరీర్ ఆధారపడి ఉందిప్పుడు. ఈ గ్యాప్‌లో కోలీవుడ్‌పై కూడా కన్నేస్తున్నారు శ్రీలీల.
అజిత్ సినిమాలో ఈమె పేరు పరిశీలిస్తున్నారు. మరోవైపు విజయ్‌తో కూడా శ్రీలీల నటించబోతున్నారని తెలుస్తుంది. రెండేళ్లుగా బ్రేక్ లేకుండా పని చేస్తున్న శ్రీలీల.. ఇప్పుడు దొరికిన కాస్త ఖాళీ టైమ్ ఎంజాయ్ చేస్తున్నారు.
తాజాగా ఈమె శారీ ఫోటోషూట్ సోషల్ మీడియాలో వైరల్ అవుతుంది. చీరకట్టులో అమ్మడు మతులు చెడగొడుతున్నారు. మరోవైపు హిందీలోనూ శ్రీలీలకు ఆఫర్స్ వస్తున్నాయి. అక్కడ రెండు సినిమాలు సైన్ చేసారు ఈ బ్యూటీ. మొత్తానికి అన్ని ఇండస్ట్రీలు కవర్ చేస్తున్నారు ఈ ముద్దుగుమ్మ.
