లేటెస్ట్ సెన్సేషన్ గా పేరు తెచ్చుకుంది అందాల భామ శ్రీలీల. పెళ్ళిసందడి సినిమాతో హీరోయిన్ గా తెలుగు ప్రేక్షకులకు పరిచయం అయ్యింది ఈ ముద్దుగుమ్మ. తక్కువ సమయంలోనే ఈ అమ్మడు మంచి క్రేజ్ ను సొంతం చేసుకుంది.
పెళ్లి సందడి సినిమా తర్వాత మాస్ రాజా రవితేజతో కలిసి ధమాకా హిట్ అందుకుంది. దాంతో యంగ్ హీరోలందరూ ఈ అమ్మడి పైనే కన్నేశారు. దాంతో వరుసగా అవకాశాలు అందుకుంది శ్రీలీల. వరుసగా అరడజనుకు పైగా సినిమాలు చేసింది శ్రీలీల.
అంతే కాదు సూపర్ స్టార్ మహేష్ బాబుతో గుంటూరు కారం సినిమాలో నటించింది.ఇక ఇప్పుడు పవర్ స్టార్ పవన్ కళ్యాణ్ నటిస్తున్న ఉస్తాద్ భగత్ సింగ్ సినిమాలోనూ నటిస్తుంది శ్రీలీల. అలాగే టాలీవుడ్ లో మరికొన్ని సినిమాలు కూడా ఈ అమ్మడి చేతిలో ఉన్నాయి.
ఇక ఇప్పుడు శ్రీలీల బాలీవుడ్ లోకి ఎంట్రీ ఇవ్వనుందని తెలుస్తోంది. అక్కడ యంగ్ హీరో వ‌రుణ్ ధావ‌న్ తో శ్రీలీల డెబ్యూ మూవీ ఉంటుందని టాక్ వినిపిస్తుంది. శ్రీలీల బాలీవుడ్ డెబ్యూ కోసం అంతా సిద్ధం అయ్యిందని తెలుస్తోంది. అయితే ఇప్పుడు ఊహించని ట్విస్ట్ వచ్చింది.
బాలీవుడ్ లో ఈ అమ్మడి ఆఫర్ ను ఓ ముద్దుగుమ్మ లాగేసుకుందని టాక్ వినిపిస్తుంది. అవునుక ఇదే సినిమా కోసం అనన్య పాండే కూడా పోటీపడుతుందని అంటున్నారు. లోకల్ బ్యూటీ కాబట్టి ఆ అమ్మడికే ఎక్కువ అవకాశాలు కనిపిస్తున్నాయి. మరి శ్రీలీలకు లైన్ క్లియర్ అవుతుందో లేదో చూడాలి.