ప్రజెంట్ గేమ్ చేంజర్ పనుల్లో ఉన్న రామ్ చరణ్, ప్యారలల్‌గా నెక్ట్స్ మూవీ ప్రీ ప్రొడక్షన్ వర్క్ కూడా కంప్లీట్ చేస్తున్నారు. ఉప్పెన ఫేం బుచ్చిబాబు దర్శకత్వంలో తెరకెక్కుతున్న ఈ సినిమా కోసం హిట్ సెంటిమెంట్స్‌ను రిపీట్ చేస్తున్నారు.
ఫస్ట్ మూవీతోనే 100 కోట్ల క్లబ్‌లోకి ఎంట్రీ ఇచ్చిన బుచ్చిబాబు, రెండో సినిమానే పాన్ ఇండియా స్టార్ రామ్ చరణ్ హీరోగా రూపొందిస్తున్నారు. పీరియాడిక్ స్పోర్ట్స్ డ్రామాగా తెరకెక్కుతున్న ఈ సినిమా తన కెరీర్‌లో మరో మైల్‌ స్టోన్ అంటున్నారు చెర్రీ. అందుకే ఈ సినిమా కోసం ఓ హిట్ స్టార్‌ను రంగంలోకి దించారు.
కన్నడ స్టార్ హీరో శివరాజ్‌కుమార్ సౌత్ సినిమాలకు సూపర్ హిట్ గెస్ట్‌గా మారారు. ఆయన మరో హీరో సినిమాలో కనిపిస్తే చాలు ఆ సినిమా బ్లాక్ బస్టర్ కావటం పక్కా అన్న టాక్ వినిపిస్తోంది. గతంలో బాలకృస్ణ హీరోగా తెరకెక్కిన గౌతమీ పుత్ర శాతకర్ణి సినిమాలో స్పెషల్ సాంగ్‌లో కనిపించిన శివరాజ్‌కుమార్. ఆ సినిమా మంచి విజయం సాధించింది.
రజనీకాంత్ జైలర్ సినిమాలోనూ గెస్ట్ రోల్ చేశారు శివన్న. ఈ మూవీ అయితే ఆల్ టైమ్ రికార్డ్స్‌ను బ్రేక్ చేసింది. హీరోగా రజనీ ఎంతగా మెప్పించారు, జస్ట్ కొన్ని నిమిషాల స్క్రీన్ ప్రెజెన్స్‌తోనే శివన్న కూడా అదే స్థాయిలో మెప్పించారు
రీసెంట్‌గా ధనుష్ హీరోగా తెరకెక్కిన కెప్టెన్ మిల్లర్‌ సక్సెస్‌లోనూ శివరాజ్‌కుమార్ క్యారెక్టర్‌ కీ రోల్ ప్లే చేసింది. పీరియాడిక్ యాక్షన్ డ్రామాగా తెరకెక్కిన ఈ సినిమాలో ఉద్యమ కారుడిగా శివన్న నటనకు ఆడియన్స్‌ ఫిదా అయ్యారు. ఇప్పుడు ఆయన రామ్ చరణ్ మూవీలోనూ నటిస్తుండటంతో ఈ సినిమా కూడా బ్లాక్ బస్టర్ అవ్వటం పక్కా అంటున్నారు ఫ్యాన్స్.
