టాలీవుడ్ హరోయిన్ రకుల్ ప్రీత్ సింగ్ ఇటీవలే పెళ్లి పీటలెక్కింది. ప్రముఖ బాలీవుడ్ నటుడు-నిర్మాత జాకీ భగ్నానిని రకుల్ వివాహం చేసుకుంది. వీరిద్దరి పెళ్లికి సంబంధించిన ఫోటోలు, వీడియోలు కూడా సోషల్ మీడియాలో వైరల్ అయ్యాయి. పెళ్లి తర్వాత గ్యాప్ తీసుకున్న ఈ ముద్దుగుమ్మ భారతీయుడు 2 సినిమాతో మళ్లీ మన ముందుకు రానుంది
భారతీయుడు 2తో దాదాపు మూడేళ్ల గ్యాప్ తర్వాత తెలుగు ప్రేక్ష‌కుల ముందుకొస్తోంది రకుల్ ప్రీత్‌సింగ్‌. కమల్ హాసన్, సిద్ధార్థ్, కాజల్ తదితరులు ఈ సినిమాలో నటిస్తున్నారు.
కాగా సినిమాలతో పాటు సోషల్ మీడియాలోనూ రకుల్ ఫుల్ యాక్టివ్ గా ఉంటుంది. ముఖ్యంగా నెట్టింట ఆమెకు భారీగా ఫాలోవర్లు ఉన్నారు.
తాజాగా సోషల్ మీడియాలో కొన్ని అందమైన ఫోటోలను పోస్ట్ చేసింది రకుల్ ప్రీత్ సింగ్ . ఇవి ఇప్పుడు నెట్టింట తెగ వైరల్ గా మారాయి.
ఇందులో లెహంగాలో ఎంతో గ్లామరస్ గా కనిపించింది రకుల్. నటి ఫోటోలు చూసిన తర్వాత, నెటిజన్లు లైక్‌లు, కామెంట్‌లతో పోటెత్తారు
అంతేకాదు పెళ్లి తర్వాత రకుల్ అందం మరింత పెరిగిపోయిందని అభిమానులు కూడా అంటున్నారు. కాగా జులై 12న రిలీజ్ కానున్న భారతీయుడు 2 సినిమాలో దిశా పాత్రలో రకుల్ కనిపించనుంది.