అనుకునే చేసినా, అనుకోకుండా అలా జరిగిపోయినా డార్లింగ్ ఖాతాలో రికార్డులు మాత్రం అలా వచ్చి పడిపోతున్నాయంతే. సినిమా రిలీజు కన్నా, కంటెంట్‌ ఎలా ఉందనే టాపిక్‌కన్నా, రికార్డుల మీదే ఫోకస్‌ ఎక్కువగా ఉంటున్న ఈ టైమ్‌లో… డార్లింగ్ లేటెస్ట్ గా ఏం రికార్డు సృష్టించారు? అని అనుకుంటున్నారా? కమాన్‌ లెట్స్ వాచ్‌…
పోస్ట్ కోవిడ్‌ వరుసగా నాలుగు ప్యాన్‌ ఇండియా సినిమాలను రిలీజ్‌ చేసుకున్న స్టార్‌ హీరోగా రికార్డు క్రియేట్‌ చేశారు ప్రభాస్. ఇప్పుడు డార్లింగ్ ఫ్యాన్స్ ఇష్టంగా వైరల్‌ చేసుకుంటున్న టాపిక్‌ ఇదే.
మిగిలిన హీరోలు సినిమాలు చేసినా, అవి రీజినల్‌కే పరిమితం కావడం వంటి వాటితో ఈ రికార్డు ప్రభాస్‌ని రీచ్‌ అయింది. సినిమా జయాపజయాలను పక్కన పెడితే ఎక్కడా స్పీడ్‌ తగ్గట్లేదు ప్రభాస్. ఒక్కసారి కెప్టెన్‌ని నమ్మి సెట్లో అడుగుపెడితే వారు చెప్పింది చేసుకుంటూ ముందుకెళ్తున్నారు.
రాధేశ్యామ్‌ ఫ్లాప్‌ అయినా, ఆదిపురుష్‌ అస్సాం పోయినా పట్టించుకోలేదు డార్లింగ్. చేస్తున్న పని ఆత్మసంతృప్తినిస్తే చాలనే పంథాతో ముందుకు సాగుతున్నారు. లేటెస్ట్ గా ఆయన నటించిన కల్కి సెలబ్రిటీల ప్రశంసలు పొందుతోంది.
కల్కి యూనివర్శ్‌లో భాగమైనందుకు విజయ్‌ దేవరకొండ ఆనందాన్ని వ్యక్తం చేశారు. నెక్స్ట్ కల్కి యూనివర్శ్‌ ఎలా ఉండబోతుందా? అంటూ రకరకాల వార్తలు వినిపిస్తూనే ఉన్నాయి. ఎవరి అంచనాలు ఎలా ఉన్నా… ప్రభాస్ మాత్రం ప్రస్తుతం రాజా సాబ్‌, స్పిరిట్‌ మూవీస్‌ మీదే నా ఫుల్‌ ఫోకస్‌ అంటున్నారు.