ఐ హ్యావ్‌ ఒన్‌ సజెషన్‌ ఫర్‌ యు… అని సిద్ధు జొన్నలగడ్డ చెప్పిన మాటలను సీరియస్‌గా తీసుకున్నారు నటి పూజా హెగ్డే. అయితే సిద్ధు ఆ సజెషన్‌ ఇచ్చినప్పుడు అక్కడెక్కడో మంచు కొండల్లో ఉన్నారు.
కానీ తానెక్కడుంటే అక్కడే ఆ మాటను ఇంప్లిమెంట్‌ చేస్తున్నారు నటి పూజా హెగ్డే. ఇంతకీ సిద్ధు ఏమన్నారు? పూజా ఏం చేస్తున్నారు? విన్నారుగా అదీ సంగతి… అలా వెళ్లి చిల్‌ అవ్వండి అని.
అయితే ఈ వెర్షన్‌నే తనదైన స్టైల్‌లో ఇంప్లిమెంట్‌ చేసేస్తున్నారు బ్యూటీఫుల్‌ పూజా హెగ్డే. నచ్చినంత సేపు పడుకోవడం, ఉన్న చోట గెంతులేయడం, సినిమాటోగ్రాఫర్‌ చెయిర్‌ని కబ్జా చేయడం..
ఒకటేంటీ? పూజా అల్లరిని చూసి ఫిదా అవుతున్నారు నెటిజన్లు. చోటా చోటా సరదాలు లేకుంటే లైఫ్‌ ఏం బావుంటుందంటూ కొంటెగా కన్నుగీటుతున్నారు మిస్‌ హెగ్డే.
తాను ఎక్కడుంటే అక్కడ మోత మోగిపోవాల్సిందేనని అంటున్నారు ఈ భామ. అంతెందుకు ఆమె సెట్లో ఉంటే ప్లే లిస్ట్ నాన్‌స్టాప్‌గా సౌండ్‌ చేస్తూనే ఉంటుందట.
అంతగా మ్యూజిక్‌ని ఇష్టపడతానంటున్నారు మేడమ్‌ పూజా. ప్రస్తుతం తమిళ్‌లో సూర్యతో ఓ సినిమా చేస్తున్నారు పూజా హెగ్డే. నార్త్ లోనూ కొన్ని సినిమాలున్నాయి. త్వరలోనే నాగచైతన్యతో ఓ సినిమా చేయడానికి కమిట్‌ అయ్యారు.
కెరీర్‌లో సక్సెస్‌ కొత్తగాదు, గ్యాప్‌ కొత్తగాదు, ఫెయిల్యూర్స్ కొత్త కాదు. అలాగని డీలా పడితే ఎలా? రేపు బావుంటుందనే నమ్మకంతో మన పని మనం చేసుకుపోవడమే నాకు తెలిసిన పని అని అంటున్నారు మేడమ్‌ పూజ.