Pakkaanews

బాలీవుడ్ నటుడు రాజ్‌కుమార్ రావ్ నటించిన సినిమా శ్రీకాంత్. తెలుగు రాష్ట్రాలకు చెందిన ప్రముఖ పారిశ్రామికవేత్త, బొల్లాంట్‌ ఇండస్ట్రీస్‌ వ్యవస్థాపకుడు శ్రీకాంత్‌ బొల్లా జీవితం ఆధారంగా ఈ చిత్రాన్ని తెరకెక్కించారు. తుషార్ హీరానందానీ తెరకెక్కించిన ఈ బయోపిక్ లో సీనియర్ నటి జ్యోతిక, అలయా ఎఫ్, శరద్ కేల్కర్ కూడా ముఖ్యమైన పాత్రలు పోషించారు. సుమారు రెండు నెలల క్రితం థియేటర్లలో ( మే10) రిలీజైన ఈ మూవీ విమర్శకుల ప్రశంసలు అందుకుంది. ముఖ్యంగా దృష్టి లోపం కారణంగా ఎన్నో సవాళ్లను ఎదుర్కొని తన కలల్ని సాకారం చేసుకున్న శ్రీకాంత్ బొల్లా పాత్రలో రాజ్ కుమార్ రావ్ నటించాడనే బదులు జీవించాడనే చెప్పుకోవచ్చు. రేటింగ్‌ పరంగా కూడా ఈ సినిమాకు భారీగా రెస్పాన్స్‌ వచ్చింది. IMDb 7.9 రేటింగ్‌తో ఈ చిత్రం సెన్సేషన్ క్రియేట్‌ చేసింది. బాలీవుడ్ బాక్సాఫీస్ వద్ద ఓ మోస్తరు వసూళ్లను సాధించిన ఈ సినిమా ఇప్పుడు ఓటీటీలోకి రానుంది. శ్రీకాంత్ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. ఈ నేపథ్యంలో శుక్రవారం (జులై 5) నుంచి ఈ బయోపిక్ స్ట్రీమింగ్ కానుంది. అంటే మరికొన్ని గంటల్లోనే శ్రీకాంత్ సినిమా ఓటీటీలోకి రాబోతోంది. ఈ విషయాన్ని నెట్‌ ఫ్లిక్స్ సంస్థ అధికారికంగా ప్రకటించింది.

భూషణ్‌ కుమార్‌, నిధి పర్మార్‌ సంయుక్తంగా శ్రీకాంత్ నిర్మించారు. ఇక సినిమా కథ విషయానికి వస్తే.. బొల్లాంట్‌ ఇండస్ట్రీస్‌ వ్యవస్థాపకుడు శ్రీకాంత్‌ బొల్లా జీవిత కథను కళ్లకు కట్టినట్లు ఈ సినిమాలో చూపించారు. మచిలీపట్నం దగ్గర సీతారామపురంలో పుట్టి పెరిగిన శ్రీకాంత్ చిన్నప్పుడే కంటిచూపు కోల్పోయారు. స్కూల్ డేస్ నుంచి అవమానాలను ఎదుర్కొన్న శ్రీకాంత్ అమెరికాలోని MIT నుంచి గ్రాడ్యుయేషన్ పూర్తిచేసిన తొలి అంతర్జాతీయ అంధ విద్యార్థిగా చరిత్రకెక్కాడు. తన చదువుకు తగ్గట్టుగా అమెరికా లాంటి అగ్ర దేశాల్లో ఉద్యోగవకాశం వచ్చినా తన సొంత గడ్డపైనే ఆవిష్కరణలు చేయాలని నిర్ణయించుకున్నారు. ఇందులో భాగంగా 2012లో శ్రీకాంత్ పర్యావరణహిత వస్తువులు తయారు చేసే బొల్లాంట్ ఇండస్ట్రీస్ స్థాపించారు. థియేటర్లలో శ్రీకాంత్ సినిమాను మిస్ అయ్యారా? అయితే ఎంచెక్కా ఓటీటీలో చూసి ఎంజాయ్ చేయండి

నెట్ ఫ్లిక్స్ లో స్ట్రీమింగ్..

Witness a vision that defied limitations. Srikanth, the extraordinary true story, arriving on Netflix tomorrow!#SrikanthOnNetflix pic.twitter.com/Vti3IcWtFM

— Netflix India (@NetflixIndia) July 4, 2024

మరిన్ని సినిమా వార్తల కోసం ఇక్కడ క్లిక్ చేయండి.

తెలుగు ప్రేక్షకులకు సుపరిచితమైన హీరోయిన్ అతుల్య రవి. యంగ్ హీరో కిరణ్ అబ్బవరం నటించిన మీటర్ సినిమాతో టాలీవుడ్ కు పరిచయమైన ఈ బ్యూటీ ఆ తర్వాత మరో ప్రాజెక్ట్ అనౌన్స్ చేయలేదు. 2017లో కాదల్ ఖాన్ కటుటే సినిమాతో సినీరంగంలోకి అడుగుపెట్టింది. ఆ తర్వాత ఏమాలి, నాదోడిది 2 వంటి పలు సినిమాల్లో నటించి మంచి గుర్తింపు తెచ్చుకుంది. అయితే అందం, అభినయంతో ఆకట్టుకున్న అతుల్య రవికి అంతగా అవకాశాలు మాత్రం రావడం లేదు. మీటర్ సినిమా బాక్సాఫీస్ వద్ద నిరాశపరచడంతో తెలుగులో మరో ఆఫర్ అందుకోలేదు. ప్రస్తుతం అతుల్య రవి తన తల్లి విజయలక్ష్మితో కలిసి కోయంబత్తూరులోని వాడవల్లి మారుతం రోడ్డులో నివసిస్తుంది. తాజాగా ఈ హీరోయి ఇంట్లో చోరీ జరిగినట్లు సమాచారం. కొద్దిరోజుల క్రితం హీరోయిన్ పాస్ పోర్టుతోపాటు రూ.2000 దొంగిలించినట్లు తెలుస్తోంది. చాలా రోజులుగా ఇంట్లో తన పాస్ పోర్టుతోపాటు డబ్బులు కూడా కనిపించడం లేదంటూ పోలీసులను ఆశ్రయించారు.

అతుల్య రవి తల్లి విజయలక్ష్మి వాడవల్లి పోలీస్ స్టేషన్ లో ఫిర్యాదు చేసింది. ఈ మేరకు కేసు నమోదు చేసుకున్న పోలీసులు దర్యాప్తు చేపట్టగా.. ఇంట్లో పనిచేసే పనిమనిషి చోరికి పాల్పడినట్లు తెలిసింది. తొండముత్తూరు పక్కనే ఉన్న కులత్తుపాలేనికి చెందిన మహిళ(46) కొన్నాళ్లుగా అతుల్య రవి ఇంట్లో పనిచేస్తున్నారు. ఇంట్లో చోరీ జరిగినట్లు అతుల్య రవి తల్లి ఫిర్యాదు చేయడంతో దర్యాప్తు స్టార్ట్ చేసిన పోలీసులు పనిమనిషిపై అనుమానం వ్యక్తం చేశారు. దీంతో సదరు మహిళను విచారించగా అసలు విషయం బయటకు వచ్చింది.

తన స్నేహితురాలు సెల్వి, సుభాషిణితో కలిసి హీరోయిన్ ఇంట్లో దొంగతనం చేశామని.. డబ్బు, పాస్ పోర్టు దొంగించినట్లు తెలిపారు. పనిమనిషితోపాటు మరో ఇద్దరిని అదుపులోకి తీసుకున్న పోలీసులు వారి వద్ద నుంచి రూ.1500 స్వాధీనం చేసుకున్నారు. ఇంకా పాస్ పోర్టు ఎక్కడ దాచిపెట్టారు అనే విషయాలు తెలియరాలేదు.

మరిన్ని సినిమా వార్తల కోసం ఇక్కడ క్లిక్ చేయండి.

బుల్లితెరపై అత్యంత క్రేజ్ ఉన్న రియాల్టీ షో బిగ్‏బాస్. భాషతో సంబంధం లేకుండా అన్ని భాషల్లోనూ ఈ షో విజయవంతంగా రన్ అవుతుంది. హిందీ, తమిళం, తెలుగు, కన్నడ, మలయాళం భాషలలో ఈ షోకు ప్రత్యేక అభిమానులు ఉన్నారు. దాదాపు మూడు నెలలపాటు నడిచే ఈ రియాల్టీ షో గురించి నిత్యం ఏదోక న్యూస్ నెట్టింట వైరలవుతుంటుంది. ఇక ఇందులోకి ఎంటరయ్యే పోటీదారుల గురించి తెలుసుకోవడానికి నెటిజన్స్ తెగ ఆసక్తి చూపిస్తుంటారు. హిందీలో ప్రస్తుతం బిగ్‏బాస్ ఓటీటీ సీజన్ 3 నడుస్తుండగా.. త్వరలోనే తెలుగులో సీజన్ 8 స్టార్ట్ కానుంది. ఇప్పటివరకు తెలుగులో నడిచిన అన్ని సీజన్లలో ది వరస్ట్ సీజన్ అంటే బిగ్‏బాస్ సీజన్ 6. జనాలకు ముక్కు మొఖం తెలియని కంటెస్టెంట్స్ తీసుకువచ్చి తలకు చేతులుకు పెట్టుకున్నారు మేకర్స్. సీజన్ 6 అట్టర్ ప్లాప్ కావడంతో సీజన్ 7 మరింత ఫోకస్ పెట్టి కంటెస్టెంట్స్ ఎంపిక చేయగా.. సూపర్ సక్సెస్ అయ్యింది.

బిగ్‏బాస్ కంటెస్టెంట్స్‌కు విపరీతమైన అభిమానులు ఉంటారు. గతంలో ఒకరి ఫ్యాన్స్ ఒకరిపై దాడికి పాల్పడిన సందర్భాలు ఉన్నాయి. అలాగే బిగ్‏బాస్ విజేతపై పలు కేసులు కూడా నమోదయ్యాయి. ఇదంతా పక్కన పెడితే ఇప్పుడు బిగ్‏బాస్ సీజన్ 8 రాబోతుంది. ఈసారి ఈ షోను కాస్త ముందుగానే ప్రారంభించేందుకు రెడీ అయ్యారు మేకర్స్. తాజా సమాచారం ప్రకారం ఆగస్ట్ 4న బిగ్‏బాస్ సీజన్8 స్టార్ట్ కానుందని తెలుస్తోంది. అలాగే ఈసారి షోలో అడుగుపెట్టే కంటెస్టెంట్స్ కూడా ఫిక్స్ అయ్యారని తెలుస్తోంది.

కుమారి ఆంటీతోపాటు సోషల్ మీడియాలో ఫేమస్ అయిన బర్రెలక్క, అమృత ప్రణయ్, అలాగే యూట్యూబర్ నేత్ర, మోటివేషనల్ స్పికర్ వంశీ బిగ్‏బాస్ హౌస్ లో అడుగుపెట్టనున్నట్లు తెలుస్తోంది. అలాగే బుల్లితెరపై సీరియల్స్ ద్వారా ఫేమస్ అయిన నటీనటులు కూడా ఉండనున్నట్లు తెలుస్తోంది. బ్రహ్మమూడి ఫేమ్ కావ్య కూడా ఈ సారి హౌస్ లోకి రానుంది.

మరిన్ని సినిమా వార్తల కోసం ఇక్కడ క్లిక్ చేయండి.

తెలుగు ప్రేక్షకులకు ఒక్కసారి ఇష్టపడ్డారంటే గుండెల్లో పెట్టుకుని ఆరాధిస్తుంటారు. ఒక్క సినిమాతో టాలీవుడ్ ఇండస్ట్రీలో క్లిక్ అయితే చాలా సోషల్ మీడియాలో ఫాలోయింగ్ అమాంతం పెరిగిపోతుంది. తొలి సినిమాతోనే ఫుల్ క్రేజ్ సొంతం చేసుకుని.. అందం, అభినయంతో యూత్ ఫేవరేట్ హీరోయిన్ గా నిలిచిపోతారు. సినిమాలు తగ్గినా ఆ హీరోయిన్ క్రేజ్ మాత్రం అస్సలు తగ్గదు. అందులోనూ ఈ అమ్మాయి ఒకరు. తొలి సినిమాతోనే సూపర్ హిట్ అందుకుంది. ఇప్పుడిప్పుడే టాలీవుడ్ ఇండస్ట్రీలో స్టార్ డమ్ అడుగులు వేస్తున్న హీరోయిన్. ప్రస్తుతం ఈ బ్యూటీకి సంబంధించిన స్కూల్ డేస్ ఫోటో ఒకటి సోషల్ మీడియాలో వైరలవుతుంది. పైన ఫోటోను చూస్తున్నారు కదా.. అందులో కనిపిస్తున్న ఆ అమ్మాయి ఇప్పుడు టాలీవుడ్ క్రేజీ హీరోయిన్. ఒక్క సినిమాతో ఓ రేంజ్ ఫాలోయింగ్ అందుకుంది. తెలుగు ప్రేక్షకులకు చాలా ఇష్టమైన కేరళ కుట్టి. యాక్టింగ్ మాత్రమే కాకుండా నాట్యమయూరి కూడా. ఇక ఇన్ స్టాలో ఈ అమ్మాడి క్రేజ్ చూస్తే మతిపోవాల్సిందే. ఆమె మరెవరో కాదండి.. హీరోయిన్ అనంతిక సనీల్ కుమార్.

2022లో టాలీవుడ్ ఇండస్ట్రీలోకి అడుగుపెట్టింది. రాజమండ్రి రోజ్ మిల్క్ సినిమాతో తెలుగు తెరకు పరిచయమైంది. ఈ మూవీ అంతగా హిట్ కాలేదు. అనంతికకు గుర్తింపు కూడా రాలేదు. కానీ ఇటీవల సూపర్ హిట్ అయిన మ్యాడ్ మూవీతో ఈ అమ్మాడి క్రేజ్ ఒక్కసారిగా మారిపోయింది. ఈ సినిమాలో అందం, అభినయంతో యువతను కట్టిపడేసింది. దీంతో యూత్ లో మంచి ఫాలోయింగ్ వచ్చింది. ముఖ్యంగా అబ్బాయిల హృదయాల్లో స్థానం సంపాదించుకుంది. ఇక ఆ తర్వాత రజినీకాంత్ నటించిన లాల్ సలామ్ మూవీలో కనిపించింది. ఇందులో ఆమె విష్ణు విశాల్ జోడిగా కనిపించింది.

ప్రస్తుతం డైరెక్టర్ ఫణింద్ర నర్సెట్టి రూపొందిస్తున్న 8 వసంతాలు చిత్రంలో నటిస్తుంది. ఇప్పటికే రిలీజ్ చేసిన ఫస్ట్ లుక్ పోస్టర్ ఆకట్టుకుంటుంది. అనంతిక సనీల్ కుమార్ 2000లో జన్మించింది. విక్రమ్ ప్రభు తెరకెక్కించిన రైడ్ సినిమాతో కెరీర్ ప్రారంభించింది. ప్రస్తుతం అనంతికకు ఇన్ స్టాలో 857K ఫాలోవర్స్ ఉన్నారు.

మరిన్ని సినిమా వార్తల కోసం ఇక్కడ క్లిక్ చేయండి.

ప్రముఖ సినీ గేయ రచయిత కనుకుంట్ల సుభాస్ చంద్రబోస్ గొప్ప మనసును చాటుకున్నారు. గతంలో తాను ఇచ్చిన ఇచ్చిన మాటను నిలబెట్టుకుంటూ తన సొంతూరులో ఓ మంచి పని చేసి అందరి మన్ననలు అందుకుంటున్నారు. అదేంటంటే.. తన సాహిత్యంతో తెలుగు సినిమా ఇండస్ట్రీపై చెరగని ముద్ర వేసిన చంద్రబోస్ ఆర్ఆర్ఆర్ మూవీలో ఆయన రాసిన నాటు నాటు పాటకు ఆస్కార్ పురస్కారం అందుకున్నారు. ఈ ప్రతిష్ఠాత్మక అవార్డు వచ్చిన సమయంలో చంద్ర బోస్ తన సొంతూరు అయిన జయశంకర్ భూపాల పల్లి జిల్లా చిట్యాల మండలం చల్లగరిగెలోని గ్రామ ప్రజలు ఆయనను ఘనంగా సన్మానించారు. చల్లగరిగె ప్రజలు తనపై చూపిన ప్రేమాభిమానాలకు ముగ్ధుడైన ఆయన అక్కడ ఆస్కార్ గ్రంథాలయం ఏర్పాటు చేస్తామని మాటిచ్చాడు. ఇప్పుడు ఆ మాటను నిలబెట్టుకున్నారాయన. గ్రామంలో ఇది వరకు ఉన్న పాత గ్రంథాలయాన్ని తొలగించి రూ.36 లక్షలతో కొత్త భవనాన్ని చంద్రబోస్ నిర్మించారు. గురువారం (జులై 04)న ఈ ఆస్కార్ గ్రంథాయాన్ని ప్రారంభించనున్నారు. భూపాలపల్ల ఎమ్మెల్యే గండ్ర త్యనారాయణరావు, చంద్రబోస్‌ చేతుల మీదుగా ఈ కార్యక్రమం జరగనుంది.

కాగా మొత్తం రెండు అంతస్థులతో సకల సౌకర్యాలతో ఆస్కార్ గ్రంథాయలయాన్ని నిర్మించారు చంద్ర బోస్. పోటీ పరీక్షలకు సిద్ధమయ్యే విద్యార్థులకు అవసరమయ్యే అన్ని రకాల పుస్తకాలను ఈ గ్రంథాలయంలో ఏర్పాటు చేయనున్నారు. ‘చల్ల గరిగె గ్రామస్థులకు ఇచ్చిన మాట ప్రకారం సరస్వతి గుడిని నిర్మించాను. ఇప్పుడు చాలా సంతోషంగా ఉంది. నేను చల్లగరిగలోని నా ఇంటి పక్కన ఉన్న గ్రంథాలయంలో ఎన్నో సాహిత్య పుస్తకాలు చదివాను. వాటి వల్లే నేను ఉన్నతస్థాయికి ఎదిగాను’ అని ఈ సందర్భంగా చెప్పుకొచ్చారు చంద్ర బోస్. కాగా తన సాహిత్యంతో తెలుగు సినిమా ఇండస్ట్రీకి సుమారు 30 ఏళ్లుగా సేవలందిస్తున్నారాయన. ఇప్పటివరకు సుమారు 860 సినిమాల్లో 3600కి పాటలు రాశారు. ఆర్‌ఆర్‌ఆర్‌లోని నాటు నాటు పాటకు ఏకంగా ఆస్కార్ పురస్కారం అందుకున్నారు. అంతకు ముందు కొండ పొలం సినిమాలోని ధమ్ ధమ్ ధమ్ పాటకు ఉత్తమ గీత రచయితగా జాతీయ అవార్డును అందుకున్నారు.

ఆస్కార్ అవార్డుతో చంద్ర బోస్..

సైమా ఉత్సవాల్లో..

మరిన్ని సినిమా వార్తల కోసం ఇక్కడ క్లిక్ చేయండి.

చెన్నై, హైదరాబాద్‌ గుర్తుకురాగానే దోశ కీమా, దోశ చికెన్‌ కర్రీ, దోశ మటన్‌ కర్రీ గుర్తుకొస్తుందని, నార్త్ కి వెళ్లినప్పుడు ఈ డిషెస్‌ని మిస్‌ అవుతానని అన్నారు చైతన్య. ఎన్ని మిస్‌ అయినా సరే, రిటైర్‌ అయ్యాక మాత్రం గోవాలోనే సెటిల్‌ అవుతానని అంటున్నారు మిస్టర్‌ చైతూ అక్కినేని.