ఇప్పుడు ‘టాక్సీవాలా’ ఫేమ్ రాహుల్ సాంకృత్యాన్ కొత్త సినిమా కోసం సిద్ధమవుతున్నాడు. ఈ సినిమాలో రష్మిక మందన్న, విజయ్ లను హీరో, హీరోయిన్లుగా తీసుకోవాలని భావిస్తున్నాడట.

నజ్రియా నజీమ్.. సౌత్ ఇండస్ట్రీలో క్రేజీ హీరోయిన్ అని చెప్పవచ్చు. మలయాళం భాషలో ఎన్నో సినిమాల్లో నటించి మెప్పించిన ఈ బ్యూటీ.. ఇటు తెలుగులోనూ మంచి ఫాలోయింగ్ సొంతం చేసుకుంది. దక్షిణాది అడియన్స్ అభిమాన హీరోయిన్ ఈ ముద్దుగుమ్మ. ఆర్య నటించిన రాజా రాణి సినిమాతో ఒక్కసారిగా ఫేమస్ అయ్యింది నజ్రియా. ఈ మూవీతో యువతకు ఫేవరేట్ కథానాయికగా మారింది. భాషతో సంబంధం లేకుండా వరుస సినిమాలు చేస్తున్న నజ్రియా.. న్యాచురల్ స్టార్ నాని నటించిన అంటే సుందరానికి సినిమాలో కనిపించింది. ఆ తర్వాత మరో ప్రాజెక్ట్ అనౌన్స్ చేయలేదు. కానీ సోషల్ మీడియాలో చాలా యాక్టివ్ గా ఉంటుంది. నిత్యం ఏదోక ఫోటోస్ షేర్ చేస్తూ అభిమానులను ఆకట్టుకుంటుంది. ఇదిలా ఉంటే.. ఇప్పుడు నజ్రియాకు సంబంధించిన ఓ క్రేజీ న్యూస్ నెట్టింట వైరలవుతుంది.

జై బోలో తెలంగాణ సినిమాతో తెలుగు ప్రేక్షకులకు పరిచయమైన మలయాళీ హీరోయిన్ మీరా నందన్ ఇటీవల పెళ్లి చేసుకున్న సంగతి తెలిసిందే. ఈ వేడుకలో మలయాళీ ఇండస్ట్రీలో చాలా మంది నటీనటులు పాల్గొన్నారు. మీరా నందన్ పెళ్లిలో నజ్రియా స్పెషల్ అట్రాక్షన్ అయ్యింది. తన భర్త నటుడు ఫహద్ ఫాజిల్ తో కలిసి అందరి దృష్టిని ఆకర్షించింది. లేత గులాబీ రంగు చీరలో సింపుల్ లుక్ లో మరింత అందంగా కనిపించింది నజ్రియా. అయితే ఈ వేడుకలో నజ్రియా ధరించిన లగ్జరీ వాచ్ నెటిజన్స్ దృష్టిని ఆకర్షించింది.

ఇంకేముంది.. నజ్రియా ధరించిన వాచ్ ధర తెలుసుకోవడానికి నెట్టింట సెర్చింగ్ స్టార్ట్ చేశారు. నజ్రియా రోలెక్స్ డేట్‌జస్ట్ 36 మోడల్ వాచ్‌ని ధరించింది. వాచ్‌లో పాలిష్ చేసిన ఓస్టెర్‌స్టీల్ స్టెయిన్‌లెస్ స్టీల్ కేస్ 18K పసుపు బంగారంలో బ్రాస్‌లెట్ ఉన్నాయి. వాచ్‌లో వైట్ మదర్-ఆఫ్-పెర్ల్ డయల్ కూడా ఉంది. ఈ లగ్జరీ రోలెక్స్ వాచ్ ధర రూ.11,84,419 అని తెలుస్తోంది. పెళ్లి తర్వాత నజ్రియా చాలా తక్కువ సినిమాల్లోనే నటించింది. నటిగానే కాకుండా నిర్మాతగాను కొనసాగుతుంది.

మరిన్ని సినిమా వార్తల కోసం ఇక్కడ క్లిక్ చేయండి.

మక్కల్ సెల్వన్ సినిమాలకు పెద్దగా ప్రచారం అవసరం లేదు. ఎలాంటి హడావిడి లేకుండా సైలెంట్‏గా థియేటర్లలో విడుదలై సంచలనం సృష్టిస్తాయి. హీరోయిజం కాకుండా కంటెంట్ ప్రాధాన్యతను బట్టి సినిమాలను ఎంచుకుంటూ బాక్సాఫీస్ వద్ద వసూళ్ల వర్షం కురిపిస్తున్నాడు మక్కల్ సెల్వన్ విజయ్ సేతుపతి. ఈ హీరో చిత్రాలు థియేటర్లలో భారీ విజయాన్ని అందుకుంటూ సెన్సెషన్ క్రియేట్ చేస్తాయి. ప్రస్తుతం విజయ్ సేతుపతి నటించిన మహారాజా కూడా బాక్సాఫీస్ వద్ద విధ్వంసమే సృష్టిస్తుంది. డైరెక్టర్ నితిలన్ సామినాథన్ తెరకెక్కించిన ఈ చిత్రం విజయవంతంగా దూసుకుపోతుంది. మక్కల్ సెల్వన్ కెరీర్ లో 50వ సినిమాగా వచ్చిన మహారాజా చిత్రానికి అడియన్స్ బ్రహ్మరథం పట్టారు. ఓవైపు పాన్ ఇండియా బాక్సాఫీస్ ను కల్కి చిత్రం ఏలేస్తున్న తమిళనాడులో మాత్రం మహారాజా సినిమా గట్టి పోటినిస్తుంది.

ఈ సినిమాలో విజయ్ సేతుపతితో పాటు మమతా మోహన్‌దాస్, అభిరామి, దివ్య భారతి, అనురాగ్ కశ్యప్, సింగం పులి, నట్టి, మునీస్కాంత్, బాయ్జ్ మణికందన్ తదితరులు నటించారు. సమాజంలో అమ్మాయిలపై లైంగిక వేధింపుల సంఘటనలను ఆధారంగా చేసుకుని ఈ చిత్రాన్ని రూపొందించారు. ఇందులో మరోసారి తన నటనతో కట్టిపడేశాడు విజయ్ సేతుపతి. విడుదలైన మొదటి పది రోజుల్లోనే రూ.81 కోట్లు వసూలు చేసింది. త్వరలోనే ఈ సినిమా రూ.100 కోట్ల గ్రాస్ దాటే అవకాశం లేకపోలేదు. ప్రస్తుతం తమిళనాడులో ఈ సినిమా థియేటర్లను షేక్ చేస్తుంది.

ఇదిలా ఉంటే.. ప్రస్తుతం థియేటర్లలో విజయవంతంగా దూసుకుపోతున్న ఈ సూపర్ హిట్ మూవీ ఎప్పుడెప్పుడు ఓటీటీలోకి వస్తుందా అని ఆసక్తిగా ఎదురుచూస్తున్నారు ఫ్యాన్స్. ఇప్పటివరకు మహారాజా ఓటీటీ స్ట్రీమింగ్ పై అనేక రూమర్స్ సోషల్ మీడియాలో చక్కర్లు కొట్టాయి. కానీ అధికారికంగా ఎలాంటి అప్డేట్ రాలేదు. తాజాగా ఫిల్మ్ వర్గాల్లో మహారాజా ఓటీటీ విడుదల గురించి ఓ ఆసక్తికర న్యూస్ వైరలవుతుంది. అసలు విషయమేంటంటే.. తాజాగా వినిపిస్తున్న సమాచారం ప్రకారం మహారాజా చిత్రం ఈ నెల 19న ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో స్ట్రీమింగ్ కానుందట. ఈ విషయంపై ఇంకా అఫీషియల్ ప్రకటన రాలేదు.

మరిన్ని సినిమా వార్తల కోసం ఇక్కడ క్లిక్ చేయండి.

ఆంధ్రప్రదేశ్ ఉప ముఖ్యమంత్రి పవన్ కళ్యాణ్ ఈరోజు కాకినాడ జిల్లా ఉప్పాడ తీరప్రాంతంలో పర్యటించారు. పవన్‏కు స్థానికులు, అధికారులు స్వాగతం పలికారు. అనంతరం అక్కడి పరిస్థితుల గురించి అటవీశాఖ అధికారులను అడిగి తెలుసుకున్నారు. ఉప్పాడలోని మత్స్యకార కుటుంబాల సమస్యలు పరిష్కరిస్తానని వారికి హామీ ఇచ్చారు. ఆ తర్వాత సాయంత్రం పిఠాపురంలో నిర్వహించిన వారాహి సభలో పాల్గొన్నారు. ఈ సందర్భంగా సినిమాలపై స్పందించాలని అభిమానులు కోరగా కీలక కామెంట్స్ చేశారు. సినిమాల్లో నటించడంపై పవన్ కళ్యాణ్ మాట్లాడుతూ.. ఇక పై మూడు నెలలపాటు సినిమా చిత్రీకరణలకు దూరంగా ఉంటానని అన్నారు. వీలున్పప్పుడు ఒకట్రెండు రోజులు షూటింగ్‏కు కేటాయిస్తానని అన్నారు.

ఇదిలా ఉంటే.. ప్రస్తుతం పవన్ కళ్యాణ్ చేతిలో నాలుగైదు చిత్రాలు ఉన్న సంగతి తెలిసిందే. డైరెక్టర్ సుజిత్ దర్శకత్వంలో ఓజీ.. క్రిష్ తెరకెక్కిస్తున్న హరిహర వీరమల్లు, డైరెక్టర్ హరీష్ శంకర్ దర్శకత్వంలో ఉస్తాద్ భగత్ సింగ్ చిత్రాల్లో పవన్ నటిస్తున్నారు. ఈ సినిమాలు చాలా రోజులుగా షూటింగ్ జరుపుకుంటుండగా.. ఇటు రాజకీయాల్లో పవన్ బిజీ కావడంతో ఈ సినిమా షూటింగ్స్ తాత్కలికంగా బ్రేక్ పడింది. ఏపీ అసెంబ్లీ ఎన్నికల సమయంలో ఈ మూవీస్ నుంచి పవన్ పోస్టర్స్ రిలీజ్ చేస్తూ అభిమానుల్లో ఉత్సాహం నింపారు మేకర్స్. ఈచిత్రాల గురించి పవన్ అభిమానులు ఎంతో ఆసక్తిగా ఎదురుచూస్తున్నారు.

ఎన్నికల నోటిఫికేషన్ విడుదలకంటే ముందు నుంచి పవన్ సినిమా చిత్రీకరణలకు బ్రేక్ ఇచ్చాడు. ఏపీ ఎన్నికల్లో పిఠాపురం నుంచి భారీ మెజారిటీతో గెలుపొందిన పవన్.. ప్రస్తుతం ఏపీ డిప్యూటీ సీఎంగా విధులు నిర్వహిస్తున్నారు. సినిమాల్లో నటిస్తానని పవన్ చెప్పడంతో అభిమానులు ఆనందం వ్యక్తం చేస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి.

టాలీవుడ్ లవర్ బాయ్ సిద్ధార్థ్ నటించిన సూపర్ హిట్ చిత్రాల్లో ఓయ్ ఒకటి. డైరెక్టర్ ఆనంద్ రంగా దర్శకత్వం వహించిన ఈ సినిమా థియేటర్లలో మిశ్రమ స్పందన అందుకుంది. అప్పట్లో ఈ మూవీ స్టోరీ జనాలకు అంతగా కనెక్ట్ కాలేదు. కానీ మ్యూజిక్ పరంగా హిట్ అయ్యింది. ఈ సినిమాలోని ప్రతి సాంగ్ మంచి రెస్పాన్స్ అందుకున్నాయి. ఇప్పటికీ ఎక్కడో ఒక చోట ఓయ్ మూవీ సాంగ్స్ వినిపిస్తుంటాయి. గతంలో బాక్సా్‌ఫీస్ వద్ద పరాజయమైన ఈ సినిమా ఇటీవల రీరిలీజ్ చేయగా భారీ విజయాన్ని అందుకుంది. ఈ ఏడాది వాలెంటైన్స్ డే సందర్భంగా మళ్లీ విడుదల చేస్తే థియేటర్స్ నిండిపోయాయి. అంతేకాదు యూత్ నుంచి ఈ సినిమాకు ఓ రేంజ్ రెస్పాన్స్ వచ్చింది. సిద్ధార్థ్, షామిలి నటనకు అడియన్స్ ఫిదా అయ్యారు. ఇక ఓయ్ సినిమా పాటలతో థియటర్లలో జోష్ నెలకొంది. ఈ సినిమా విడుదలై నేటికి పదిహేళ్లు అవుతుంది.

ఇక ఇదే విషయాన్ని చెబుతూ తన సంతోషాన్ని బయటపెట్టాడు డైరెక్టర్ ఆనంద్ రంగా. ఓయ్ విడుదలై నేటికి పదిహేనేళ్లు అంటూ ట్వీట్ చేయగా.. నెటిజన్స్ భిన్నంగా రియాక్ట్ అయ్యారు. ఓయ్ సినిమాకు సీక్వెల్ తీయమని ఓ నెటిజన్ అడగ్గా.. ఎవరు యాక్ట్ చేస్తారు..? ఎవరు నిర్మిస్తారు..? అని రిటర్న్ క్వశ్చన్ అడిగాడు. అలాగే మళ్లీ ఓయ్ సినిమాను రీరిలీజ్ చేయాలని మరో నెటిజన్ అడగ్గా.. ఎలాంటి ఆన్సర్ ఇవ్వకుండా సింపుల్ గా దండం పెట్టేశాడు.

ఓయ్ సినిమా వంటి మంచి సినిమాను మళ్లీ తీయాలని మరో నెటిజన్ అడగ్దా.. తప్పకుండా అంటూ రిప్లై ఇచ్చాడు. సినిమాను వైజాగ్ లో ఎందుకు షూట్ చేశారని అడగ్గా.. తనకు వైజాగ్ అంటే చాలా ఇష్టమని అందుకే చేశానని అన్నారు. ఇటీవల ఓయ్ రీరిలీజ్ సందర్భంగా ఓ నెటిజన్ ఇంత మంచి సినిమా తీసి ఎక్కడికిపోయావ్.. గుండు నాయాలా అంటూ మాట్లాడితే లైట్ తీసుకున్నాడు ఆనంద్ రంగా. నిజమే నాది గుంటూ అంటూ ఫన్నీగా ఆన్సర్ ఇవ్వడంతో వెంటనే సదరు నెటిజన్ సారీ చెప్పేశాడు. ఇక ఇప్పుడు మరోసారి నెట్టింట అభిమానులతో ముచ్చటించాడు ఆనంద్ రంగా.

🙏🏽

— anand ranga (@AnandRanga) July 3, 2024

Who will produce? Who will act?

— anand ranga (@AnandRanga) July 3, 2024

మరిన్ని సినిమా వార్తల కోసం ఇక్కడ క్లిక్ చేయండి.

నందమూరి బాలకృష్ణ వారసుడిగా మోక్షజ్ఞ సినీ ఎంట్రీ గురించి గత కొన్నేళ్లుగా చర్చలు జరుగుతూనే ఉన్నాయి. లెజెండ్ సినిమా నుంచే మోక్షజ్ఞ హీరోగా ఎంట్రీ ఇస్తాడని నందమూరి అభిమానులు ఆసక్తిగా ఎదురుచూస్తున్నారు. అయితే అదేమీ జరగలేదు. దీనికి తోడు మోక్షజ్ఞ కాస్త బొద్దుగా మారడంతో అసలు సినిమాల్లోకి వస్తాడా? అని కొందరు అనుమానాలు వ్యక్తంచేశారు. అయితే వీటన్నింటికి తెరదించుతూ ఇండస్డ్రీలోకి వస్తున్నానంటూ మోక్షజ్ఞనే స్వయంగా ప్రకటించారు. అంతేకాదు స్లిమ్ గా , స్టైలిష్ గా మారిన ఫొటోలను సోషల్ మీడియాలో షేర్ చేశాడు. వీటిని చూసిన నందమూరి ఫ్యాన్స్ ఫుల్ ఖుషి అవుతున్నారు. అయితే ఏ డైరెక్టర్‌తో మోక్షజ్ఞని లాంఛ్ చేస్తారా అని అభిమానులు కూడా ఎదురుచూస్తున్నారు. తాజాగా దీనిపై ఒక ఆసక్తికర వార్త వెలుగులోకి వచ్చింది. అదేంటంటే..మోక్షజ్ఞ డెబ్యూ చిత్రాన్ని హనుమాన్ డైరెక్టర్ ప్రశాంత్ వర్మ తెరకెక్కిస్తారట. హనుమాన్ తో పాన్ ఇండియా రేంజ్ లో ఫేమస్ అయిన ప్రశాంత్ వర్మ చేతుల మీదుగా మోక్షజ్ఞ ఎంట్రీ ఇస్తేనే బావుంటుందని బాలయ్య భావిస్తున్నారట.

ఆహా అన్ స్టాపబుల్ షోలో ప్రశాంత్ వర్మ- బాలయ్య కలిసే పని చేశారు. అప్పటి నుంచే వీరిద్దరి మధ్య మంచి అనుబంధం ఏర్పడింది. అందుకే తన ‘హనుమాన్’ విడుదలయిన తర్వాత బాలయ్య కోసం ఒక స్పెషల్ స్క్రీనింగ్‌ను ఏర్పాటు చేశారు ప్రశాంత్ వర్మ. దీనిని చూసిన బాలయ్య యంగ్ డైరెక్టర్ ట్యాలెంట్ పై ప్రశంసల వర్షం కురిపించారు. ఇప్పుడు మోక్షజ్ఞను కూడా ప్రశాంత్ వర్మ చేతుల మీదుగానే లాంచ్ చేయిస్తే బాగుంటుందని నందమూరి నట సింహం భావిస్తున్నారట. అంతేకాదు మోక్షజ్ఞ మూవీలో బాలయ్య కూడా ఒక స్పెషల్ రోల్ చేయనున్నట్లు సోషల్ మీడియాలో చర్చ జరుగుతోంది. అయితే ప్రస్తుతానికి ఇవన్నీ కేవల రూమర్లు మాత్రమే. ఒకవేళ ఇదే నిజమైతే మాత్రం నందమూరి అభిమానులకు పండగే.

నందమూరి  మోక్షజ్ఞ ట్వీట్.. ఇదిగో..

వస్తున్నా……♥️👍
Need All Your Blessings 🙏 #DebutOfMokshagnaTeja #NBK #balayya #NandamuriBalakrishna pic.twitter.com/Fbe8qr2ECV

— Nandamuri Mokshagna Teja (@Mokshagna_Offl) July 1, 2024

నందమూరి బాలకృష్ణతో ప్రశాంత్ వర్మ..

Wishing the God Of Masses #NandamuriBalakrishna garu a very Happy Birthday! 🥳#HappyBirthdayNBK #JaiBalayya pic.twitter.com/VUVYoj8Ymg

— Prasanth Varma (@PrasanthVarma) June 10, 2024

పారిపోండ్రో 🤫……..🔥
నందమూరి వారసుడు వస్తున్నాడు 💛🦁👑#NandamuriMokshagna #NandamuriBalaKrishna #NBK109 #YoungLion #TollyWood #JaiBalayya pic.twitter.com/SWBJZrZj7F

— చిలకలూరిపేట రెడ్డి కులం 😎 (@CHILAKALURIPET_) July 1, 2024

మరిన్ని సినిమా వార్తల కోసం ఇక్కడ క్లిక్ చేయండి.

సూపర్ స్టార్ మహేష్ బాబు సినిమా కోసం అభిమానులు ఈగర్ గా ఎదురుచూస్తున్నారు. మహేష్ బాబు నటించిన గుంటూరు కారం సినిమా ఓ మోస్తరు విజయం సాధించడంతో మహేష్ బాబు అభిమానులు నిరాశపడ్డారు. స్టార్ హీరోలంతా బడా సినిమాలు చేస్తూ పాన్ ఇండియా లెవల్ లో హిట్స్ కొడుతుంటే మహేష్ బాబు మాత్రం లోకల్ గానే సినిమాలు చేస్తున్నారంటూ కాస్త నిరాశ చెందారు. కరెక్ట్ గా అదే టైంలో ఎంట్రీ ఇచ్చారు రాజమౌళి. ఆర్ఆర్ఆర్ సినిమాతో సంచలన విజయం సాధించిన ఆయన ఇప్పుడు మహేష్ తో ఏకంగా పాన్ వరల్డ్ సినిమా చేయడానికి రెడీ అయ్యారు. మహేష్ బాబు రాజమౌళి కాంబోలో సినిమా అని అనౌన్స్ చేసిన దగ్గర నుంచి అభిమానుల్లో ఆసక్తి రెట్టింపు అయ్యింది. ఇక ఇప్పుడు ఈ సినిమా పనులు శరవేగంగా జరుగుతున్నాయి. ఈ సినిమా కోసం మహేష్ లుక్ మారుస్తున్నారు. ఈ సినిమాలో బీస్ట్ లుక్ లో మహేష్ కనిపిస్తారని అంటున్నారు. ఇదిలా ఉంటే ఈ సినిమాలో విలన్ ఎవరనే విషయం గురించి రకరకాల వార్తలు వినిపిస్తున్నాయి.

రాజమౌళి సినిమాల్లో విలన్‌లకు కూడా చాలా ప్రాధాన్యత ఉంటుంది. విలన్‌లను చాలా పవర్ ఫుల్ గా ఇంట్రెస్టింగ్ గా చూపిస్తాడు జక్కన్న. ‘ఈగ’ సినిమాలో సుదీప్, ‘బాహుబలి’ సినిమాలో రానా దగ్గుబాటి ఇలా చాలా పవర్ ఫుల్ గా చూపించారు. ఆయన సినిమాల్లో విలన్లు అందరి దృష్టిని ఆకర్షించారు. ఇప్పుడు రాజమౌళి కొత్త సినిమాకి కూడా ఖడక్ విలన్‌నే ఎంచుకున్నాడని టాక్ వినిపిస్తుంది. అతను మరెవరో కాదు పృథ్వీరాజ్ సుకుమారన్.

ఇటీవల విడుదలైన ‘బడే మియా చోటే మియా’ సినిమాలో పృథ్వీరాజ్ విలన్‌గా నటించాడు. ఈ సినిమా బాక్సాఫీస్ దగ్గర బోల్తా కొట్టినా.. పృథ్వీరాజ్ నటనకు చాలా ప్రశంసలు లభించాయి. అలాగే రెబల్ స్టార్ ప్రభాస్ హీరోగా నటించిన సలార్ సినిమాలోనూ ఆయన తన నటనతో ఆకట్టుకున్నాడు. పృథ్వీరాజ్ పవర్‌ఫుల్ క్యారెక్టర్‌ని ప్రజలు మెచ్చుకున్నారు. ఇప్పుడు రాజమౌళి పృథ్వీరాజ్‌తో చర్చలు జరుపుతున్నారని తెలుస్తోంది. ఈ సినిమా ఆఫర్‌ని పృథ్వీరాజ్ సంతోషంగా అంగీకరించాడని కూడా అంటున్నారు. ప్రస్తుతం రాజమౌళి నటీనటుల ఎంపికలో బిజీగా ఉన్నారు. ఇప్పటికే స్క్రిప్ట్ వర్క్ కూడా పూర్తి చేశాడు. సినిమా కథ ఆఫ్రికా అడవుల్లో సాగుతుందని తెలుస్తోంది. ఇందుకోసం సోనీ పిక్చర్స్ లేదా డిస్నీ స్టూడియోస్‌లో భారీ సెట్‌ వేసే ఆలోచనలో రాజమౌళి ఉన్నాడు. ఈ సినిమా 2025లో ప్రేక్షకుల ముందుకు వచ్చే అవకాశాలు ఉన్నాయి. పృథ్వీరాజ్ సుకుమారన్ డిమాండ్ ఇటీవల పెరిగింది. మలయాళంలోనే కాకుండా ఇతర భాషల్లో కూడా సినిమాలు చేస్తున్నాడు.

మరిన్ని సినిమా వార్తల కోసం ఇక్కడ క్లిక్ చేయండి.

చిన్న సినిమాల సందడి ఇటీవలే కాలంలో ఎక్కువుగా కనిపిస్తుంది. ఎలాంటి ప్రమోషన్స్ లేకుండా చడీ చప్పుడూ లేకుండా వచ్చిన సినిమాలు మంచి విజయాలను అందుకోవడంతో పాటు భారీగా కలెక్షన్స్ కూడా సాధిస్తున్నాయి. అన్ని భాషల్లో చిన్న సినిమాలు అదరగొడుతున్నాయి. పెద్ద పెద్ద స్టార్స్ తమ సినిమాలను పాన్ ఇండియా లెవల్ లో రిలీజ్ చేస్తుంటే.. చిన్న సినిమాలు తమదైన స్టైల్ లో విజయాలు సాధిస్తున్నారు. కాగా బాలీవుడ్ లో స్టార్ హీరోల సినిమాలు దారుణంగా నిరాశపరుస్తున్నాయి. అక్షయ్ కుమార్ నటించిన సినిమాలు కూడా ఆశించిన స్థాయిలో వసూళ్లు సాధించలేకపోయాయి. ఇదిలా ఉంటే స్టార్ ఆర్టిస్టులు లేని ఓ చిన్న సినిమా 100 కోట్ల రూపాయలు వసూలు చేసి అందరి దృష్టిని ఆకర్షించింది.

బాలీవుడ్ సినిమా ‘ముంజ్యా’ సూపర్ హిట్ సొంతం చేసుకుంది. హారర్ కథాంశంతో తెరకెక్కిన చిత్రమిది. స్టార్ నటీనటుల సినిమాల్లో కూడా ‘మంజ్యా’ సినిమా మంచి వసూళ్లను రాబట్టింది. ట్రైలర్ విడుదలయ్యే వరకు ‘ముంజ్యా’ సినిమాపై అంతగా క్రేజ్ లేదు. అయితే ట్రైలర్ విడుదలయ్యాక ఈ సినిమా గురించి మాట్లాడుకోవడం మొదలుపెట్టారు. జూన్ 7న ‘ముంజ్యా’ థియేటర్లలో విడుదలైంది. మొదటి షోకి ప్రేక్షకుల నుంచి పాజిటివ్ రివ్యూలు వచ్చాయి. ఆ తర్వాత రోజుల్లో ఈ సినిమా భారీ వసూళ్లను రాబట్టింది.

ఈ చిత్రాన్ని మాడాక్ ఫిల్మ్స్ పతాకంపై దినేష్ విజన్, అమర్ కౌశిక్ నిర్మించారు. ఆదిత్య సర్పోత్దార్ ఈ సినిమాకు దర్శకత్వం వహించారు. దర్శకుడు చెప్పిన హారర్ కథకు ప్రేక్షకులు ఫిదా అయ్యారు. శర్వరీ వాఘ్, అభయ్ వర్మ, మోనా సింగ్, సత్యరాజ్ తదితరులు ఈ చిత్రంలో నటించారు. ‘ముంజ్యా’ తొలిరోజు వసూళ్లు రూ.4.21 కోట్లు. రెండో రోజు 7.40 కోట్ల రూపాయలు రాబట్టింది. మూడో రోజు 8.43 కోట్ల రూపాయలు వచ్చాయి. ఆ తర్వాత రోజుకి 3, 4 కోట్ల రూపాయల వసూళ్లతో సినిమా దూసుకెళ్లింది. వీకెండ్స్ లో కలెక్షన్లు పెరిగాయి. సక్సెస్ ఫుల్ గా 25 రోజుల తర్వాత ఈ సినిమా టోటల్ కలెక్షన్ 100 కోట్ల రూపాయలను దాటేసింది. ప్రభాస్ నటించిన ‘కల్కి 2898 AD’ ఇటీవల విడుదలైంది. హిందీలోనూ ఈ సినిమా సందడి చేస్తోంది. ‘కల్కి 2898 AD’ విడుదలైన తర్వాత ‘ముంజ్యా’ కలెక్షన్లు పడిపోయాయి. అప్పటికే  100 కోట్ల గ్రాస్ కలెక్ట్  చేసింది ముంజ్యా. ఇక ఈ సినిమా ఓటీటీలోకి ఎప్పుడు వస్తుందా అని ఈగర్ గా ఎదురుచూస్తున్నారు ఆడియన్స్. త్వరలోనే ఈ సూపర్ హిట్ మూవీ ఓటీటీలో రిలీజ్ కానుంది.

మరిన్ని సినిమా వార్తల కోసం ఇక్కడ క్లిక్ చేయండి.