బిగ్ బాస్ ఫేమ్, ప్రముఖ బుల్లితెర నటుడు మానస్ నాగుల పల్లి శుభ వార్త చెప్పాడు. త్వరలో తాను తండ్రిగా ప్రమోషన్ పొందనున్నట్లు వెల్లడించాడు. ఈ శుభవార్తను సోషల్ మీడియా ద్వారా మానస్ తెలిపాడు. ఈ సందర్భంగా గర్భంతో ఉన్న తన భార్య శ్రీజ బేబీ బంప్ ఫొటోను కూడా అందులో షేర్ చేశాడు. మాది పెద్దలు కుదిర్చిప వివాహమే అయినా మ మనసులు పర్ ఫెక్ట్ గా మ్యాచ్ అయ్యాయి. ఇప్పుడు మా ఫ్యామిలీలోకి ఓ బుజ్జాయి రాబోతున్నందుకు ఎంతో సంతోషంగా. బేబీ నాగుల పల్లి వచ్చేస్తున్నాడు’ అని తన ఆనందానికి అక్షర రూపమిచ్చాడు మానస్. ప్రస్తుతం ఈ పోస్ట్ సోషల్ మీడియాలో వైరల్ గా మారింది. పలువురు బుల్లితెర సెలబ్రిటీలు, అభిమానులు, నెటిజన్లు మానస్-శ్రీజ దంపతులకు అభినందనలు, శుభాకాంక్షలు తెలుపుతున్నారు. కాగా వారం రోజుల క్రితమే శ్రీజకు గ్రాండ్ గా సీమంతం కూడా నిర్వహించారు మానస్ కుటుంబ సభ్యులు. ఇందుకు సంబంధించిన ఫోటోలు, వీడియోలను కూడా మానస్ సోషల్ మీడియాలో షేర్ చేశాడు.

కాగా గతేడాది నవంబర్ లో మానస్-శ్రీజల వివాహం అత్యంత వైభవంగా జరిగింది. వీరిది పెద్దలు కుదిర్చిన వివాహం. కాగా శ్రీజను పెళ్లి చేసుకున్న తర్వాత మానస్ జీవితం బాగా మారిపోయింది. బ్రహ్మముడి సీరియల్ రూపంలో బ్లాక్ బస్టర్ అందుకున్నాడు. కారు కూడా కొన్నాడు. ఇప్పుడు పండంటి బిడ్డను తన జీవితంలోకి ఆహ్వానిస్తున్నాడీ హ్యాండ్సమ్ యాక్టర్.

కాగా కెరీర్ ప్రారంభంలో య్‌ రాజా కాయ్‌, ప్రేమికుడు తదితర చిత్రాల్లో హీరోగా నటించాడు మానస్. అలాగే కొన్ని మూవీస్ లో స్పెషల్ రోల్స్ కూడా పోషించాడు. ఇదే క్రేజ్ తో తెలుగు బిగ్‌బాస్‌ ఐదో సీజన్‌లో అడుగుపెట్టాడు.తన ఆటతీరు, మాటతీరుతో బుల్లితెర ప్రేక్షకులను ఆకట్టుకున్నాడు. టాప్‌ 5 ఫైనలిస్టుల్లో ఒకరిగా నిలిచాడు.

ఇక బుల్లితెరపై బీభత్సమైన టీఆర్పీ రేటింగ్ తో దూసుకుపోతోన్న బ్రహ్మముడి సీరియల్ తో మానస్ బుల్లితెర ప్రేక్షకులకు బాగా చేరువై పోయాడు. ప్రస్తుతం ఈ సీరియల్ తో పాటు కొన్ని టీవీ రియాలిటీషోలతోనూ మానస్ బిజీబిజీగా ఉంటున్నాడు.

మరిన్ని సినిమా వార్తల కోసం ఇక్కడ క్లిక్ చేయండి.

రియన్స్ అధినేత ముఖేష్ అంబానీ, నీతా అంబానీ దంపతుల చిన్న కుమారుడు అనంత్ అంబానీ వివాహ బంధంలోకి అడుగుపెట్టనున్న సంగతి తెలిసిందే. తన చిరకాల ప్రేయసి రాధిక మర్చంట్‏ను త్వరలోనే పెళ్లి చేసుకోబోతున్నాడు. ఇప్పటికే అంబానీ ఇంట్లో పెళ్లి వేడుకలు ప్రారంభమయ్యాయి. వివాహ వేడుకకు సంబంధించిన కీలక ఘట్టాలను ఒక్కొక్కటిగా నిర్వహిస్తుంది అంబానీ కుటుంబం. ముఖ్యంగా గుజరాతీ వివాహాల్లో మొదటిగా నిర్వహించే అచారాలను ఇరు కుటుంబాలు పాటిస్తుంది. ఈ క్రమంలోనే ముంబైలోని యాంటిలియోలో మామేరు వేడుకలో అనంత్ అంబానీ, రాధిక మర్చంట్ వివాహ వేడుకలు ప్రారంభమయ్యాయి. ఈ గుజరాతి సంప్రదాయం ప్రకారం కాబోయే కొడలికి అత్త మామలు స్విట్లు, బహుమతులు అందించారు. ఈ మామేరు వేడుక వధువు, వరుడు ఇంట్లో వేరు వేరుగా జరుగుతుంది.

వరుడిప వైపు నుంచి నీతా అంబానీ తల్లి పూర్ణిమ దలాల్, ఆమె సోదరి మమతా దలాల్, ఇతర సన్నిహిత బంధువులు వధువును ఆశీర్వదించారు. పనేటర్ చీర, ఆభరణాలు, బ్యాంగిల్స్, స్వీట్స్, డ్రైఫ్రూట్స్ వంటి వాటిని వధువుకు బహుమతిగా అందించారు. ఈ వేడుకలలో రాధిక మర్చంట్ ఎంబ్రాయిడరీ లెహంగాలో మరింత అద్భుతంగా కనిపించింది. ఆరెంజ్ అండ్ పింక్ షేడ్స్ తో మనీష్ మల్హోత్రా డిజైన్ చేసిన లెహంగాలో అందంగా ముస్తాబైంది. బంగారు నెక్లెస్, మ్యాచింగ్ జుంకాలు, బ్యాంగిల్స్, ఇంకా స్పెషల్ హెయిర్ స్టైల్ తో రాధిక లుక్ అదిరింది. ఈ వేడుకకు తన తల్లి ఆభరణాలను ధరించి స్పెషల్ అట్రాక్షన్ అయ్యింది రాధిక.

అనంత్ అంబానీ, రాధిక మర్చంట్ పెళ్లి వేడుక జూలై 12న ముంబైలోని బాంద్రా కుర్లా కాంప్లెక్స్ (BKC)లోని జియో వరల్డ్ కన్వెన్షన్ సెంటర్‏లో జరగనుంది. ఈ వేడుకలలో వారణాసిలోని ప్రసిద్ధ కాశీ చాట్ భండార్ నుంచి ఒక చాట్ స్టాల్ కూడా అతిథుల కోసం ఏర్పాటు చేయనున్నారు. హిందూ వైదిక ఆచారాలకు కట్టుబడి అనంత్, రాధిక వివాహ వేడుకలను నిర్వహించనున్నారు. జూలై 12న వివాహం కాగా.. జూలై 13న శుభ ఆశీర్వాదం వేడుకలు నిర్వహిస్తారు. అలాగే జూలై 14న మంగళ్ ఉత్సవ్ (రిసెప్షన్) నిర్వహించనున్నారు. తమ వివాహ వేడుకలలో భాగంగా జూలై 2న పాల్ఘర్ లోని స్వామి వివేకానంద్ విద్యామందిర్ లో నిరుపేదలకు ముకేశ్ అంబానీ, నీతా అంబానీలు సామూహిక వివాహాలు జరిపించిన సంగతి తెలిసిందే.

మరిన్ని సినిమా వార్తల కోసం ఇక్కడ క్లిక్ చేయండి.

బాలీవుడ్‌ కండల హీరో టైగర్‌ ష్రాఫ్‌ గురించి ప్రత్యేక పరిచయం అక్కర్లేదు. సీనియర్ హీరో జాకీ ష్రాఫ్ వారసుడిగా హిందీ చిత్ర పరిశ్రమలోకి అడుగు పెట్టిన అతను అనతికాలంలోనే మంచి నటుడిగా గుర్తింపు తెచ్చుకున్నాడు. ముఖ్యంగా బాలీవుడ్ లో యాక్షన్ సినిమాలకు కేరాఫ్ అడ్రస్ గా మారిపోయాడీ హ్యాండ్సమ్ హీరో. గతేడాది గణ్ పత్ సినిమాలో ప్రేక్షకులను పలకరించిన టైగర్ ఈ ఏడాది బడే మియా.. చోటా మియా సినిమాతో అభిమానుల ముందుకొచ్చాడు. అయితే ఈ రెండు సినిమాలు టైగర్ కు నిరాశే మిగిల్చాయి. సినిమాల సంగతి పక్కన పెడితే.. ఈ కండల హీరో తన మంచి మనసును చాటుకున్నాడు. అనారోగ్య సమస్యలతో సతమతమవుతూ పంచాన పడిన ఓ మూవీ టెక్నీషియన్ కు ఆర్థిక సాయం చేశాడు. తన తొలి సినిమా హీరో పంతికి రవి కుమార్ ఫోకస్ ఫుల్లర్ (అసిస్టెంట్ కెమెరామెన్) గా పని చేశాడు. ఓ రోడ్డు ప్రమాదంలో తీవ్రంగా గాయ పడిన అతను సుమారు ఎనిమిది నెలల పాటు మంచానికే పరిమితమయ్యాడు. దాచుకున్న డబ్బంతా చికిత్సకే సరిపోయింది. దీంతో సాయం కోసం ఎదురు చూపులు చూస్తున్నాడు. అయితే రవి కుమార్ దీన స్థితి గురించి తెలుసుకున్న టైగర్ ష్రాఫ్ అతని చికిత్సకు, అలాగే ఆర్థిక అవసరాలకు సరిపడా డబ్బును సమకూర్చాడు. ఈ సహాయం లక్షల్లోనే ఉన్నట్లు బాలీవుడ్ లో ప్రచారం జరుగుతోంది.

టైగర్ ష్రాఫ్ చేసిన ఈ పనిపై సర్వత్రా ప్రశంసల వర్షం కురుస్తోంది. ఆయన అభిమానులు, నెటిజన్లు టైగర్ పై ప్రశంసల వర్షం కురిపిస్తున్నారు. ఈ విషయంపై రవి కుమార్‌ మాట్లాడుతూ.. ‘టైగర్‌ ష్రాఫ్‌ తండ్రి జాకీ ష్రాఫ్‌తో మా అన్న ప్రసాద్‌ కలిసి పని చేశాడు. 1942: ఎ లవ్‌ స్టోరీ సినిమా షూటింగ్‌ సమయంలో మా అన్న చేయికి తీవ్ర గాయమైంది. అప్పుడు జాకీ సార్ మా అన్న ఆపరేషన్‌కు సాయం చేశాడు. ఇప్పుడు ఆయన తనయుడు నాకు చాలా పెద్ద సాయం చేశాడు. నేను టైగర్ నటించిన హీరో పంటి సినిమాకు పని చేశాను. ఈ విషయం బహుశా తనకు గుర్తుండకపోవచ్చు. అయినా తాను పెద్ద మనసుతో నన్ను ఆదుకున్నాడు. టైగర్‌ తల్లి ఆయేషా ష్రాఫ్‌ నాకు మంగళవారం ఫోన్‌ చేసి మాట్లాడింది’ అని చెప్పుకొచ్చాడు.

బడే మియా.. చోటే మియా ప్రమోషన్లలో అక్షయ్ కుమార్ తో టైగర్ ష్రాఫ్..

మరిన్ని సినిమా వార్తల కోసం ఇక్కడ క్లిక్ చేయండి.

దక్షిణాది సినీ పరిశ్రమలో ఒకప్పుడు స్టార్ హీరోయిన్‏గా ఓ వెలుగు వెలిగిన వారిలో రంభ ఒకరు. ఎన్నో సూపర్ హిట్ చిత్రాల్లో నటించి మెప్పించారు. తెలుగు ప్రేక్షకులకు ఇప్పటికీ రంభ ఫేవరేట్ హీరోయిన్. విజయవాడకు చెందిన రంభ.. విలక్షణ నటుడు రాజేంద్రప్రసాద్ నటించిన ఆ ఒక్కటీ అడక్కు సినిమాతో తెలుగు తెరకు పరిచయమయ్యారు. ఆ తర్వాత అనేక చిత్రాల్లో నటించారు. అందంతోపాటు అద్భుతమైన నటనతో మెప్పించి అప్పట్లో కుర్రాళ్ల ఫేవరేట్ హీరోయిన్ గా మారారు. తెలుగు, తమిళం, హిందీ సినిమాల్లో నటించి అలరించారు. అల్లరి ప్రేమికుడు, అల్లుడా మజాకా, బావగారూ బాగున్నారా, బొంబాయి ప్రియుడు ఇలా అనేక సినిమాల్లో కనిపించింది. హీరోయిన్ గా ఓ ఇమేజ్ క్రియేట్ చేసుకున్న రంభ అటు స్పెషల్ సాంగ్స్ లో సత్తా చాటింది. అల్లు అర్జున్ నటించిన దేశ ముదురు సినిమాలో స్పెషల్ సాంగ్ అదరగొట్టింది.

సినిమాలు తగ్గుతున్న సమయంలోనే మలేషియాకు చెందిన వ్యాపారవేత్తను పెళ్లి చేసుకుంది. వీరికి ఇద్దరు కుమార్తెలు, ఒక కుమారుడు ఉన్నారు. పెళ్లి తర్వాత సినిమాలకు దూరమైన రంభ.. సోషల్ మీడియాలో చాలా యాక్టివ్ గా ఉంటుంది. నిత్యం ఫ్యామిలీ ఫోటోస్ షేర్ చేస్తూ నెట్టింట సందడి చేస్తుంది. ఇదిలా ఉంటే తాజాగు గురువారం ఉదయం రంభ తన ఫ్యామిలీతో కలిసి గురువాయూర్ ఆలయాన్ని సందర్శించింది. ఆమెతోపాటు భర్త ఇంద్ర, ముగ్గురు పిల్లలు, కొరియోగ్రాఫర్ కళా మాస్టర్ ఉన్నారు. చుడీదార్ లో చాలా సింపుల్ లుక్ లో కనిపించింది రంభ.

అలాగే ఆమె కూతురు కూడా పింక్ చుడీదార్ లో ఎంతో సింపుల్ గా కనిపించింది. తల్లి కంటే మరింత అందంగా.. న్యాచురల్ బ్యూటీగా కనిపించింది. ప్రస్తుతం రంభ ఫ్యామిలీ విజువల్స్ సోషల్ మీడియాలో వైరలవుతుండగా..రంభ కూతురిని చూసి ఫిదా అవుతున్నారు నెటిజన్స్. అందంలో అమ్మను మించి పోయిందని.. సింపుల్ గా ఎంతో చక్కగా ఉందంటూ కామెంట్స్ చేస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి.

బాలీవుడ్ నటుడు రాజ్‌కుమార్ రావ్ నటించిన సినిమా శ్రీకాంత్. తెలుగు రాష్ట్రాలకు చెందిన ప్రముఖ పారిశ్రామికవేత్త, బొల్లాంట్‌ ఇండస్ట్రీస్‌ వ్యవస్థాపకుడు శ్రీకాంత్‌ బొల్లా జీవితం ఆధారంగా ఈ చిత్రాన్ని తెరకెక్కించారు. తుషార్ హీరానందానీ తెరకెక్కించిన ఈ బయోపిక్ లో సీనియర్ నటి జ్యోతిక, అలయా ఎఫ్, శరద్ కేల్కర్ కూడా ముఖ్యమైన పాత్రలు పోషించారు. సుమారు రెండు నెలల క్రితం థియేటర్లలో ( మే10) రిలీజైన ఈ మూవీ విమర్శకుల ప్రశంసలు అందుకుంది. ముఖ్యంగా దృష్టి లోపం కారణంగా ఎన్నో సవాళ్లను ఎదుర్కొని తన కలల్ని సాకారం చేసుకున్న శ్రీకాంత్ బొల్లా పాత్రలో రాజ్ కుమార్ రావ్ నటించాడనే బదులు జీవించాడనే చెప్పుకోవచ్చు. రేటింగ్‌ పరంగా కూడా ఈ సినిమాకు భారీగా రెస్పాన్స్‌ వచ్చింది. IMDb 7.9 రేటింగ్‌తో ఈ చిత్రం సెన్సేషన్ క్రియేట్‌ చేసింది. బాలీవుడ్ బాక్సాఫీస్ వద్ద ఓ మోస్తరు వసూళ్లను సాధించిన ఈ సినిమా ఇప్పుడు ఓటీటీలోకి రానుంది. శ్రీకాంత్ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. ఈ నేపథ్యంలో శుక్రవారం (జులై 5) నుంచి ఈ బయోపిక్ స్ట్రీమింగ్ కానుంది. అంటే మరికొన్ని గంటల్లోనే శ్రీకాంత్ సినిమా ఓటీటీలోకి రాబోతోంది. ఈ విషయాన్ని నెట్‌ ఫ్లిక్స్ సంస్థ అధికారికంగా ప్రకటించింది.

భూషణ్‌ కుమార్‌, నిధి పర్మార్‌ సంయుక్తంగా శ్రీకాంత్ నిర్మించారు. ఇక సినిమా కథ విషయానికి వస్తే.. బొల్లాంట్‌ ఇండస్ట్రీస్‌ వ్యవస్థాపకుడు శ్రీకాంత్‌ బొల్లా జీవిత కథను కళ్లకు కట్టినట్లు ఈ సినిమాలో చూపించారు. మచిలీపట్నం దగ్గర సీతారామపురంలో పుట్టి పెరిగిన శ్రీకాంత్ చిన్నప్పుడే కంటిచూపు కోల్పోయారు. స్కూల్ డేస్ నుంచి అవమానాలను ఎదుర్కొన్న శ్రీకాంత్ అమెరికాలోని MIT నుంచి గ్రాడ్యుయేషన్ పూర్తిచేసిన తొలి అంతర్జాతీయ అంధ విద్యార్థిగా చరిత్రకెక్కాడు. తన చదువుకు తగ్గట్టుగా అమెరికా లాంటి అగ్ర దేశాల్లో ఉద్యోగవకాశం వచ్చినా తన సొంత గడ్డపైనే ఆవిష్కరణలు చేయాలని నిర్ణయించుకున్నారు. ఇందులో భాగంగా 2012లో శ్రీకాంత్ పర్యావరణహిత వస్తువులు తయారు చేసే బొల్లాంట్ ఇండస్ట్రీస్ స్థాపించారు. థియేటర్లలో శ్రీకాంత్ సినిమాను మిస్ అయ్యారా? అయితే ఎంచెక్కా ఓటీటీలో చూసి ఎంజాయ్ చేయండి

నెట్ ఫ్లిక్స్ లో స్ట్రీమింగ్..

Witness a vision that defied limitations. Srikanth, the extraordinary true story, arriving on Netflix tomorrow!#SrikanthOnNetflix pic.twitter.com/Vti3IcWtFM

— Netflix India (@NetflixIndia) July 4, 2024

మరిన్ని సినిమా వార్తల కోసం ఇక్కడ క్లిక్ చేయండి.

తెలుగు ప్రేక్షకులకు సుపరిచితమైన హీరోయిన్ అతుల్య రవి. యంగ్ హీరో కిరణ్ అబ్బవరం నటించిన మీటర్ సినిమాతో టాలీవుడ్ కు పరిచయమైన ఈ బ్యూటీ ఆ తర్వాత మరో ప్రాజెక్ట్ అనౌన్స్ చేయలేదు. 2017లో కాదల్ ఖాన్ కటుటే సినిమాతో సినీరంగంలోకి అడుగుపెట్టింది. ఆ తర్వాత ఏమాలి, నాదోడిది 2 వంటి పలు సినిమాల్లో నటించి మంచి గుర్తింపు తెచ్చుకుంది. అయితే అందం, అభినయంతో ఆకట్టుకున్న అతుల్య రవికి అంతగా అవకాశాలు మాత్రం రావడం లేదు. మీటర్ సినిమా బాక్సాఫీస్ వద్ద నిరాశపరచడంతో తెలుగులో మరో ఆఫర్ అందుకోలేదు. ప్రస్తుతం అతుల్య రవి తన తల్లి విజయలక్ష్మితో కలిసి కోయంబత్తూరులోని వాడవల్లి మారుతం రోడ్డులో నివసిస్తుంది. తాజాగా ఈ హీరోయి ఇంట్లో చోరీ జరిగినట్లు సమాచారం. కొద్దిరోజుల క్రితం హీరోయిన్ పాస్ పోర్టుతోపాటు రూ.2000 దొంగిలించినట్లు తెలుస్తోంది. చాలా రోజులుగా ఇంట్లో తన పాస్ పోర్టుతోపాటు డబ్బులు కూడా కనిపించడం లేదంటూ పోలీసులను ఆశ్రయించారు.

అతుల్య రవి తల్లి విజయలక్ష్మి వాడవల్లి పోలీస్ స్టేషన్ లో ఫిర్యాదు చేసింది. ఈ మేరకు కేసు నమోదు చేసుకున్న పోలీసులు దర్యాప్తు చేపట్టగా.. ఇంట్లో పనిచేసే పనిమనిషి చోరికి పాల్పడినట్లు తెలిసింది. తొండముత్తూరు పక్కనే ఉన్న కులత్తుపాలేనికి చెందిన మహిళ(46) కొన్నాళ్లుగా అతుల్య రవి ఇంట్లో పనిచేస్తున్నారు. ఇంట్లో చోరీ జరిగినట్లు అతుల్య రవి తల్లి ఫిర్యాదు చేయడంతో దర్యాప్తు స్టార్ట్ చేసిన పోలీసులు పనిమనిషిపై అనుమానం వ్యక్తం చేశారు. దీంతో సదరు మహిళను విచారించగా అసలు విషయం బయటకు వచ్చింది.

తన స్నేహితురాలు సెల్వి, సుభాషిణితో కలిసి హీరోయిన్ ఇంట్లో దొంగతనం చేశామని.. డబ్బు, పాస్ పోర్టు దొంగించినట్లు తెలిపారు. పనిమనిషితోపాటు మరో ఇద్దరిని అదుపులోకి తీసుకున్న పోలీసులు వారి వద్ద నుంచి రూ.1500 స్వాధీనం చేసుకున్నారు. ఇంకా పాస్ పోర్టు ఎక్కడ దాచిపెట్టారు అనే విషయాలు తెలియరాలేదు.

మరిన్ని సినిమా వార్తల కోసం ఇక్కడ క్లిక్ చేయండి.

బుల్లితెరపై అత్యంత క్రేజ్ ఉన్న రియాల్టీ షో బిగ్‏బాస్. భాషతో సంబంధం లేకుండా అన్ని భాషల్లోనూ ఈ షో విజయవంతంగా రన్ అవుతుంది. హిందీ, తమిళం, తెలుగు, కన్నడ, మలయాళం భాషలలో ఈ షోకు ప్రత్యేక అభిమానులు ఉన్నారు. దాదాపు మూడు నెలలపాటు నడిచే ఈ రియాల్టీ షో గురించి నిత్యం ఏదోక న్యూస్ నెట్టింట వైరలవుతుంటుంది. ఇక ఇందులోకి ఎంటరయ్యే పోటీదారుల గురించి తెలుసుకోవడానికి నెటిజన్స్ తెగ ఆసక్తి చూపిస్తుంటారు. హిందీలో ప్రస్తుతం బిగ్‏బాస్ ఓటీటీ సీజన్ 3 నడుస్తుండగా.. త్వరలోనే తెలుగులో సీజన్ 8 స్టార్ట్ కానుంది. ఇప్పటివరకు తెలుగులో నడిచిన అన్ని సీజన్లలో ది వరస్ట్ సీజన్ అంటే బిగ్‏బాస్ సీజన్ 6. జనాలకు ముక్కు మొఖం తెలియని కంటెస్టెంట్స్ తీసుకువచ్చి తలకు చేతులుకు పెట్టుకున్నారు మేకర్స్. సీజన్ 6 అట్టర్ ప్లాప్ కావడంతో సీజన్ 7 మరింత ఫోకస్ పెట్టి కంటెస్టెంట్స్ ఎంపిక చేయగా.. సూపర్ సక్సెస్ అయ్యింది.

బిగ్‏బాస్ కంటెస్టెంట్స్‌కు విపరీతమైన అభిమానులు ఉంటారు. గతంలో ఒకరి ఫ్యాన్స్ ఒకరిపై దాడికి పాల్పడిన సందర్భాలు ఉన్నాయి. అలాగే బిగ్‏బాస్ విజేతపై పలు కేసులు కూడా నమోదయ్యాయి. ఇదంతా పక్కన పెడితే ఇప్పుడు బిగ్‏బాస్ సీజన్ 8 రాబోతుంది. ఈసారి ఈ షోను కాస్త ముందుగానే ప్రారంభించేందుకు రెడీ అయ్యారు మేకర్స్. తాజా సమాచారం ప్రకారం ఆగస్ట్ 4న బిగ్‏బాస్ సీజన్8 స్టార్ట్ కానుందని తెలుస్తోంది. అలాగే ఈసారి షోలో అడుగుపెట్టే కంటెస్టెంట్స్ కూడా ఫిక్స్ అయ్యారని తెలుస్తోంది.

కుమారి ఆంటీతోపాటు సోషల్ మీడియాలో ఫేమస్ అయిన బర్రెలక్క, అమృత ప్రణయ్, అలాగే యూట్యూబర్ నేత్ర, మోటివేషనల్ స్పికర్ వంశీ బిగ్‏బాస్ హౌస్ లో అడుగుపెట్టనున్నట్లు తెలుస్తోంది. అలాగే బుల్లితెరపై సీరియల్స్ ద్వారా ఫేమస్ అయిన నటీనటులు కూడా ఉండనున్నట్లు తెలుస్తోంది. బ్రహ్మమూడి ఫేమ్ కావ్య కూడా ఈ సారి హౌస్ లోకి రానుంది.

మరిన్ని సినిమా వార్తల కోసం ఇక్కడ క్లిక్ చేయండి.