నజ్రియా నజీమ్..! భాషతో సంబంధం లేకుండా వరుస సినిమాలు చేస్తున్న ఈమె… న్యాచురల్ స్టార్ నాని నటించిన అంటే సుందరానికి సినిమాతో తెలుగులో బిజీ అయ్యే ప్రయత్నం చేసింది. కానీ ఆ తర్వాత సైలెంట్ అయిపోయింది. కానీ సోషల్ మీడియాలో మాత్రం చాలా యాక్టివ్ గా ఉంటూ.. నిత్యం ఏదోక ఫోటోస్ షేర్ చేస్తూ అభిమానులను మాత్రం ఈమె ఆకట్టుకుంటుకూనే ఉంటారు. ఈ క్రమంలోనే తను చేతికి ఉన్న వాచ్ ధరతో అందర్నీ నెరెళ్ల బెట్టేలా చేస్తున్నారు. ఇక అసలు విషయం ఏంటంటే! జై బోలో తెలంగాణ సినిమాతో తెలుగు ప్రేక్షకులకు పరిచయమైన మలయాళీ హీరోయిన్ మీరా నందన్ ఇటీవల పెళ్లి చేసుకున్న సంగతి తెలిసిందే. ఈ వేడుకలో మలయాళీ ఇండస్ట్రీలో చాలా మంది నటీనటులు పాల్గొన్నారు. మీరా నందన్ పెళ్లిలో నజ్రియా స్పెషల్ అట్రాక్షన్ అయ్యింది. తన భర్త నటుడు ఫహద్ ఫాజిల్ తో కలిసి అందరి దృష్టిని ఆకర్షించింది. లేత గులాబీ రంగు చీరలో సింపుల్ లుక్ లో మరింత అందంగా కనిపించింది నజ్రియా. అయితే ఈ వేడుకలో నజ్రియా ధరించిన లగ్జరీ వాచ్ నెటిజన్స్ దృష్టిని ఆకర్షించింది.
బాలీవుడ్ బ్యూటీ దిశా పటానీ గురించి ప్రత్యేక పరిచయం అక్కర్లేదు. వరుణ్ తేజ్ నటించిన లోఫర్ సినిమాతోనే ఇండస్ట్రీలోకి అడుగుపెట్టిందీ అందాల తార. ఆ తర్వాత బాలీవుడ్ కు చెక్కేసి అక్కడే సెటిలైపోయింది. ఇటీవలే పాన్ ఇండియా సూపర్ స్టార్ నటించిన ‘కల్కి 2898 ఏడీ’ సినిమాలో ఒక కీలక పాత్రలో నటించి మెప్పించింది. ప్రస్తుతం ఈ సినిమా బ్లాక్ బస్టర్ టాక్ తో దూసుకెళుతోంది. ఇప్పటికే 500 కోట్లు వసూలు చేసిన ఈ మూవీ 1000 కోట్ల దిశగా వేగంగా అడుగులు వేస్తోంది. ఇదిలా ఉంటే దిశా పటానీ గురించి ఒక గాసిప్ వైరల్ అవుతోంది. ‘కల్కి 2898 AD’ సినిమాలో నటించిన దిశా పటాని ప్రభాస్‌తో ప్రేమలో పడినట్లు ప్రచారం జరుగుతోంది. దీనికంతటికీ కారణం దిశా పటానీ చేతిపై ఉన్నపచ్చ బొట్టు. దిశా పటానీ తన చేతిపై ‘పీడీ’ టాటూను వేయించుకుంది. దాని అర్థం ఆమెకు తప్ప మరెవరికీ తెలియదు. అయితే నెటిజన్లు మాత్రం రకరకాలుగా ఊహించుకుంటున్నారు. ‘పీడీ అంటే ప్రభాస్, దిశా’ అని పలువురు కామెంట్స్ చేస్తున్నారు. అలాగే ‘డార్లింగ్ ప్రభాస్’ రివర్స్ వెర్షన్ అని మరికొందరు ఊహించుకుంటున్నారు. ప్రభాస్ తో తన ప్రేమకు గుర్తుగా దిశా పటానీ ఈ టాటూ వేయించుకున్నారని చాలామంది నెటిజన్లు ఊహించుకుంటున్నారు.
పాన్ ఇండియా స్టార్ ప్రభాస్ కల్కి సినిమా వాల్డ్‌ వైడ్‌గా సూపర్ సక్సెస్ అయ్యింది. ఇప్పటికే 700 కోట్ల రూపాయల కలెక్షన్స్‌తో దూసుకెళ్తోంది. నాగ్ అశ్విన్ దర్శకత్వంలో బాలీవుడ్ స్టార్ అమితాబ్ బచ్చన్, కోలివుడ్ స్టార్ హీరో కమల్ హాసన్‌లాంటి బిగ్‌ కాస్టింగ్‌తో రూపొందించిన మూవీ… సంచలనాలు నమోదు చేస్తోంది. అయితే ఇప్పుడు ఈ సినిమాలోని ఓ సీన్ గురించి దేశ వ్యాప్తంగా తెగ చర్చ నడుస్తోంది. నిజానికి ఈ సీన్ సంగతి సినిమాలో రాకముందే తెలుగు జనాలకు బాగానే తెలిసినప్పటికీ.. ఇప్పుడిప్పుడే దాని గురించి నార్త్ జనాలు కూడా గూగుల్ చేస్తున్నారు. అదే… కల్కీ మూవీలో అమితాబ్ తలదాచుకున్న గుడి …ఏపీలోని నెల్లూరులో 4ఏళ్ల క్రితం ఇసుక మేటల్లో బయటపడిన గుడిగోపురంతో పోల్చుతున్నారు. నిజానికి గోపురం వరకు సినిమాలో చూపించింది ఆ ఆలయమే. లోపల ఆలయ విశేషాలు మాత్రం నాగ్ అశ్విన్ కల్పనే అన్నది సినీ విశ్లేషకుల మాట.
ఇంస్మార్ట్ బ్యూటీ నభా నటేష్ స్పీడ్ పెంచింది. మొన్నటి వరకు సినిమాలకు గ్యాప్ ఇచ్చిన ఈ చిన్నది ఇప్పుడు వరుస సినిమాలతో బిజీగా గడిపేస్తుంది. సుధీర్ బాబు హీరోగా నటించిన నన్ను దోచుకుందువటే సినిమాతో హీరోయిన్ గా పరిచయం అయ్యింది.
ఆతర్వాత ఒకటి రెండు సినిమాలు చేసింది. ఆతర్వాత పూరిజగన్నాథ్ దర్శకత్వంలో ఇస్మార్ట్ శంకర్ సినిమాతో సూపర్ హిట్ అందుకుంది. దాంతో ఒక్కసారిగా నభా నటేష్ పేరు మారుమ్రోగింది. ఈ సినిమాలో తన నటనతో పాటు అందంతో ఆకట్టుకుంది.
ఆతర్వాత వరుసగా సినిమాలు చేసినప్పటికీ ఈ చిన్నది సాలిడ్ హిట్ మాత్రం అందుకోలేకపోయింది. రవితేజ సరసన నటించింది ఈ బ్యూటీ.. కానీ ఆ సినిమా కూడా ఫ్లాప్ అయ్యింది. ఇక ఇప్పుడు వరుసగా సినిమాలు చేస్తుంది.
ఇటీవలే నిఖిల్ హీరోగా నటిస్తున్న స్వయంభు సినిమాలో హీరోయిన్ గా చేస్తుంది. అలాగే డార్లింగ్ అనే సినిమాలోనూ నటిస్తుంది ఈ చిన్నది. వీటితో పాటు మరో సినిమాలో కూడా హీరోయిన్ గా ఎంపిక అయ్యిందని టాక్.
ఇదిలా ఉంటే సోషల్ మీడియాలో ఈ చిన్నది యమా యాక్టివ్ గా ఉంటుంది. రెగ్యులర్ గా ఫోటోలు షేర్ చేసిఅభిమానులను ఆకట్టుకుంటుంది. ఈ క్రమంలోనే ఈ చిన్నది తాజాగా హైదరాబాద్ రోడ్ల పై చక్కర్లు కొడుతూ ఫోటోలకు ఫోజులిచ్చింది. ట్యాంక్ బండ్ , చార్మినార్ దగ్గర ఫోటోలకు ఫోజులిచ్చింది ఈ అమ్మడు.
డ్రగ్స్ ముచ్చట వినరావొద్దు.. ఎంతటి వారైనా ఉపేక్షించొద్దు.. తెలంగాణ‌ను డ్రగ్స్ ర‌హిత రాష్ట్రంగా మార్చాలి.. అంటూ అధికారంలోకి వచ్చినప్పటి నుంచే డ్రగ్స్ నివారణకు కఠిన చర్యలు తీసుకోవాలని అధికారులకు పదే పదే సూచనలిస్తున్న తెలంగాణ ముఖ్యమంత్రి రేవంత్ రెడ్డి.. సినిమా ఇండస్ట్రీకి స్వీట్ వార్నింగ్ ఇచ్చారు. డ్రగ్స్, సైబర్ క్రైమ్ నివారణకు సినిమా ఇండస్ట్రీ తోడ్పడాలంటూ సూచించారు. సమాజాన్ని పీడిస్తున్న సమస్యల పరిష్కారానికి కృషి చేయాలని కోరారు. కేవలం సినిమా టికెట్ల ధర పెంపు కోసమో.. లేదా షూటింగుల అనుమతుల కోసం సినీ ప్రముఖులు ప్రభుత్వం దగ్గరకు రావద్దని .. సమాజాన్ని పీడిస్తున్న సమస్యల పరిష్కారానికి కృషి చేయాలి అంటూ సీఎం రేవంత్ రెడ్డి సూచించారు. కొత్త సినిమాల విడుదలకు ముందు సినిమాలో ఉన్న తారలతో డ్రగ్స్‌పై అవగాహన వీడియోలు తయారుచేయాలన్నారు. అలా చేస్తేనే ప్రభుత్వం సహకారం అందిస్తుందని స్పష్టంచేశారు.
అబ్బాస్! ఒకప్పుడు ప్రేమదేశం సినిమాతో అమ్మాయిల కలల రాకుమారుడిగా మారిన ఈ హీరో.. ఇప్పుడు సినిమాలకు దూరంగా మోటివేషనల్ స్పీకర్‌ గా బిజీగా ఉంటున్నారు. న్యూజిలాండ్లోనే తన ఫ్యామిలీతో కలిసి సెటిల్ అయిపోయారు. అక్కడే సాఫ్ట్ వేర్ ఇంజనీర్‌గా కూడా పనిచేస్తున్నారు. ఇక అబ్బాస్ సినిమాల గురించి తప్పా.. అతడి ఫ్యామిలీకి సంబంధించిన విషయాలు ఎవరికి అంతగా తెలియదు. అయితే ఈ క్రమంలోనే ఈ హీరో కూతురి ఫోటోలు నెట్టింట వైరల్ అవుతున్నాయి. ఇండియన్ సినిమాకు నయా హీరోయిన్ దొరికిందనే కామెంట్లు వస్తున్నాయి. ఇక అబ్బాస్ 1997లోనే ఏరూమ్ అలి అనే మహిళను వివాహం చేసుకున్నారు. వీరికి కూతురు ఏమిరా అలి, కొడుకు అయమాన్ అలి ఉన్నారు. తాజాగా అబ్బాస్ ఫ్యామీలీ ఫోటోస్ నెట్టింట వైరలవుతున్నాయి. అందులోనూ కూతురు ఏమిరా అలి లేటేస్ట్ లుక్ అందరి దృష్టిని ఆకట్టుకుంటోంది. స్టార్ హీరోయిన్స్ ను మించిన అందంతో.. చాలా అందంగా కనిపిస్తోంది. చూడగానే అందరూ ఫిదా అయ్యాలా చేస్తోంది. ఈ కారణంగానే నెట్టింట తెగ వైరల్ కూడా అవుతోంది.
‘కల్కి 2898 ఏడీ’ సినిమా మంచి వసూళ్లు రాబడుతూ దూసుకుపోతుంది. ఈ చిత్రం భారీ విజయాన్ని అందుకోవడంతో పాటు 1000 కోట్ల వసూళ్లు రాబట్టడం పెద్ద కష్టమేమి కాదు అంటున్నారు ఫ్యాన్స్. రెబల్ స్టార్ ప్రభాస్ నటించిన కల్కి సినిమా కుమ్మేస్తుంది. అన్ని ఏరియాల నుంచి బ్లాక్ బస్టర్ హిట్ టాక్ తెచ్చుకుంది ఈ సినిమా. ఇప్పుడు సినిమా మొదటి భాగం మాత్రమే విడుదలైంది. సినిమా రెండో భాగం ఇంకా చిత్రీకరించాల్సి ఉంది. ఇటీవలే మేకర్స్ మాట్లాడుతూ కల్కి రెండవ భాగం 60శాతం షూటింగ్ జరిగింది అని హింట్ ఇచ్చారు. అయితే తాజాగా ఓ ఇంటర్వ్యూలో మాట్లాడిన నాగ్ అశ్విన్.. కల్కి పార్ట్ 2 గురించి ఆసక్తికర విషయాలు పంచుకున్నారు. సెకండ్ పార్ట్ 60% చిత్రీకరించినట్లు వస్తున్న వార్తలపై నాగ్ అశ్విన్ మాట్లాడుతూ..
‘కొన్ని భాగాలు చిత్రీకరించాం కానీ 60 శాతం చిత్రీకరణ అని చెప్పలేం. ఎందుకంటే ఇప్పుడు 25-30 రోజుల షూటింగ్ మాత్రమే ఉంది. రెండో భాగానికి సంబంధించిన చాలా సన్నివేశాలు ఇంకా చిత్రీకరించాల్సి ఉంది. ఇంకా చిత్రీకరణకు కావాల్సినంత సన్నాహాలు చేయాల్సి ఉంది. కల్కి రెండవ భాగం కోసం మేము డిజైన్‌తో ప్రారంభించాలి. లొకేషన్, సెట్, కాస్ట్యూమ్, క్యారెక్టర్స్ అన్నీ డిజైన్ చేసి ఆ తర్వాతే షూటింగ్ స్టార్ట్ చేయాలి. ఐతే సినిమా షూటింగ్ స్టార్ట్ చేసే ముందు కొంచం వర్క్ చేస్తే చాలు. నటీనటులను సెట్‌కి తీసుకురావడానికి మరింత సమయం పడుతుంది’ అని నాగ్ అశ్విన్ అన్నారు.
‘కల్కి 2898 AD’ చిత్రాన్ని వైజయంతీ మూవీస్ భారీ బడ్జెట్ తో నిమించారు. ఈ చిత్రం దాదాపు 600 కోట్ల బడ్జెట్‌తో నిర్మించారు నిర్మాత అశ్విని దత్. ఇప్పటి వరకు అత్యంత భారీ బడ్జెట్‌తో తెరకెక్కుతున్న చిత్రం ఇదే. రెబల్ స్టార్ ప్రభాస్ హీరోగా నటించిన ఈ చిత్రంలో అమితాబ్ బచ్చన్, దీపికా పదుకొణె, కమల్ హాసన్, దిశా పటానీలతో పాటు పలువురు స్టార్ నటీనటులు ఉన్నారు. సినిమా మొదటి భాగం మాత్రమే పూర్తయింది అసలు కథ సెకండ్ పార్ట్ లో ఉంటుందని తెలుస్తోంది. మరి రెండో భాగం ఎప్పుడు విడుదలవుతుందో చూడాలి.
This man sitting casually there is the reason for all this, unbiasedly the biggest box office star of this era… He gave our production the confidence to do what we did, he gave me the freedom to do what I did… and so many intelligent inputs helped guide the film to what it is…… pic.twitter.com/9w1Ex4flF8
ఈ రోజు బ్రహ్మముడి ఎపిసోడ్‌లో.. రాజ్ గదిలో ఉండి ఆలోచిస్తూ ఉంటాడు. అప్పుడే వచ్చిన కావ్య.. ఏం ఆలోచిస్తున్నారు? ఇంట్లో అందరూ కవి గారికే శిక్ష పడుతుందని అనుకుంటున్నారని అంటుంది. అవును పరిస్థితి చూస్తే అలానే ఉందని రాజ్ అంటాడు. ఏవండీ మనం ఒకసారి వెళ్లి అనామికతో మాట్లాడి వద్దామని కావ్య అంటే.. రాజ్ సీరియస్ అవుతాడు. ముందు మీ తమ్ముడికి శిక్ష పడకుండా బయటకు తీసుకురావడమే ముఖ్యం. ఇంత బలగం, బలం ఉండి కూడా ఒక అమాయకుడికి శిక్ష పడటం ఎంత వరకూ కరెక్ట్ అని కావ్య చెప్తుంది. న్యాయ స్థానం ముందు బలం, బలగం పనికి రావు.. ఇది ఎంత దూరం వెళ్లిందో నీకు అర్థం కావడం లేదని రాజ్ అంటాడు. ఇంకా ఒక అవకాశం మిగిలే ఉంది. మనం అనామిక ఇంటికి వెళ్లి మాట్లాడదామని కావ్య అంటే.. అది చాలు మనం వెళ్లి వాళ్ల ఇంటి మీద దాడి చేశామని మరో కేసు పెడతారు.
నువ్వు ఇక పుట్టింటి నుంచి అత్తింటికి రావు..
మనుషులా వాళ్లు.. కూతురు జీవితాన్ని నాశనం చేస్తున్నారు. ఇది డబ్బు సమస్య కాదు. కళ్యాణ్ కోసం ఎవరైనా ఎంతైనా ఇవ్వడానికి సిద్ధంగా ఉన్నారు. కానీ ఇప్పుడు వెళ్లి కేసు వాపస్ తీసుకోమని మాత్రం నేను వెళ్లను.. నువ్వు వెళ్తే వెళ్లు అని రాజ్ అంటాడు. ఆ తర్వాత కావ్య.. అనామిక ఇంటికి వస్తుంది. కావ్యని చూసి అనామిక వెటకారంగా నవ్వుతుంది. కాలి మీద కాలు వేసుకుని ఊపుతూ ఉంటుంది. అనుకున్నాను.. నా పుట్టింటిని వెతుక్కుంటూ.. నా అత్తింటి నుంచి రాయబారానికి వస్తారని అనుకున్నానని అనామిక అంటుంది. రాయబారానికి వచ్చిన వాళ్లను గౌరవంగా చూస్తారు. కానీ నువ్వు ఇప్పుడు కూర్చోమనకుండా.. కాలి మీద కాలు వేసుకుని కూర్చొంటే అర్థమైందని కావ్య అంటుంది. ఏం అర్థమైందని అనామిక అంటే.. నువ్వు ఇక పుట్టింటి నుంచి అత్తింటికి రావని కావ్య అంటుంది. ఇంకా నేను అక్కడికి ఎందుకు వస్తాను. కళ్యాణే ఇక్కడికి వస్తాడని అంటుంది.
నాకు కోట్లు కావాలి..
నువ్వు ఎన్ని గొడవలు పడ్డా ఒపికగానే ఉన్నాడు కదా అని కావ్య అంటే.. ఆ ఓపిక నాకు ఎందుకు? బిజినెస్ చూసుకోవాలి.. కోట్లు సంపాదించాలి.. అదంతా తెచ్చి నా ముందు కుమ్మరించాలి. అలాంటివి చేతకాని మనిషికి ఇలానే బుద్ధి చెప్పాలని అనామిక అంటే.. అంటే నువ్వు కళ్యాణ్‌ని ప్రేమ కోసం కాదా.. ఆస్తి కోసం పెళ్లి చేసుకున్నావా? అని కావ్య అడిగితే.. అంతేగా అందుకే చేసుకున్నా. నాకు లగ్జరీ యస్‌గా ఉండటం ఇష్టమని అంటుంది అనామిక. నీకు ఎంత కావాలో అంత వాళ్లు ఇచ్చేస్తారు కదా.. కళ్యాణ్ సంతకం చేసిన చెక్కు మీద పది లక్షలు నువ్వు మీ నాన్న పేరు రాసి ఇచ్చినప్పుడే ఎవరికీ తెలీదు అనుకున్నావా? అయినా నీ విలువ కాపాడారు. అంత తక్కువ డబ్బుతో నాకెందుకు.. నాకు కోట్లు కావాలని అనామిక అంటే.. అర్థమైంది.. నీ పుట్టింటి వాళ్లక ఎన్ని కోట్లు అప్పు ఉందో అర్థమైంది. వాళ్లకు దోచి పెట్టడానికే కదా.. కళ్యాణ్‌ని ఇబ్బంది పెడుతున్నావ్? అందుకే ఇక్కడి దాకా లాక్కొచ్చావని కావ్య అంటుంది.
ఇవి కూడా చదవండి
కళ్యాణ్.. నా కాళ్ల దగ్గరకు రాక తప్పదు..
అవును నా పుట్టింటి అప్పులు తీర్చడానికే నాకు డబ్బులు కావాలి. ఇప్పుడు ఇంత గొడవ జరిగితే అయినా కూడా అందరూ దిగి వస్తారు. దుగ్గిరాల వంశంలో ఎప్పుడూ ఇలా జరగలేదు. వాళ్లు ఎప్పుడూ పరువు, ప్రతిష్ఠ అంటారు. కాబట్టి ఖచ్చితంగా కళ్యాణ్ నా కాళ్ల బేరానికి వస్తాడని అనామిక అంటుంది. నువ్వు చాలా కలలు కంటున్నావ్ అనామిక అని కావ్య అంటే.. లేదు నేను చాలా తెలివిగా, పకడ్బందీగా కేసులో ఇరికించాను. చట్టాలు అన్నీ ఆడవాళ్లకే అనుకూలంగా ఉంటాయి. కళ్యాణ్ జైలుకు వెళ్లక తప్పదు.. నా కాళ్ల దగ్గరకు రాక తప్పదని అంటుంది అనామిక. నువ్వు కళ్యాణ్‌ని ప్రేమించి పెళ్లి చేసుకున్నావ్ అనుకున్నా.. ఆస్తి కోసమే పెళ్లి చేసుకున్నావు అని తెలిసింది. కరెక్ట్ నీకు అర్థమైంది కదా.. వెళ్లి వాళ్లందరికీ చెప్పు.. జైలుకు వెళ్లకుండా నాకు నచ్చి ఉండమను. వెళ్లు రేపు కోర్టులో కలుద్దామని అనామిక వెళ్లి పోతుంది.
అప్పూని టార్గెట్ చేసిన మీడియా..
కట్ చేస్తే.. తెల్లవారుతుంది. అందరూ కోర్టుకు వెళ్తారు. అక్కడ మహిళా సంఘాలు కళ్యాణ్ డాం డాం.. కళ్యాణ్‌కు శిక్ష పడాలని అంటారు. మీడియా మొత్తం కవరేజ్ చేస్తూ ఉంటుంది. అప్పుడే కనకం వాళ్లు వస్తారు. అప్పూని చూసిన మీడియా వాళ్లు అక్కడకి వెళ్తారు. కళ్యాణ్‌కి, మీకు ఎన్ని సంవత్సరాలుగా అక్రమ సంబంధం నడుస్తుంది? అనామికకు మీకు గొడవలు ఉన్నాయా? అని రక రకాలుగా ప్రశ్నలు అడుగుతారు. దీంతో కనకం కోపంగా స్పందిస్తుంది. చాలు ఆపండి.. ఆడ పిల్లలు అయి ఉండి మరో ఆడపిల్లను అనడానికి మీకు మనసు ఎలా వచ్చింది. నా కూతురు కూడా ఎలాంటి తప్పు చేయలేదు. అందుకే ఇక్కడికి వచ్చామని వెళ్తారు కనకం వాళ్లు. ఇక అందరూ లోపలికి వెళ్తారు.
నీకు నువ్వే సర్వ నాశనం చేసుకుంటున్నావు..
కళ్యాణ్ దగ్గరు వచ్చి అనామిక కావాలనే రెచ్చ గొడుతుంది. ఎలా ఉండే నిన్ను ఎక్కడి దాకా తెచ్చానో చూశావు కదా అని అంటుంది. నీ బతుకు ఎవరో కాదు అనామిక నీకు నువ్వే సర్వ నాశనం చేసుకుంటున్నావు. నాదేముంది.. నువ్వు గడప దాటిన నుంచి ప్రశాంతంగా పడుకుంటున్నా అని అంటాడు. ఇవాళ నిన్నూ నీ ప్రియురాలిని అందరూ చీదరించుకునేలా చేయకపోతే నా పేరు అనామికనే కాదని అంటుంది. అక్కడే ఉన్న కానిస్టేబుల్.. వెళ్లమని చెప్తాడు. అప్పుడే జడ్జి వస్తాడు.
ఇద్దరూ కలిసి పోతారా..
తగాదాలు లేని భార్యాభర్తలు ఉండరు. అభిప్రాయభేదాలు ఉండని వాళ్లు కూడా ఉండరు. ఎవరు ఎక్కువ ఇబ్బంది పెట్టారు. అనే విషయం పక్కన పెడితే.. కోర్టు దాక రాక ముందే పరిష్కారం చేసుకోవాలి. నేను అందరి గురించి మాట్లాడటం లేదు. ఈ కేసు గురించి మాత్రమే చెప్తున్నా. అబ్బాయి ఎంతో ఉన్నతమైన కుటుంబం నుంచి వచ్చాడు. కాబట్టి విడాకుల దాకా వెళ్లకుండా ఉండాలని ఆశిస్తున్నా. ఇప్పటిదాకా మించిపోయింది లేదు.. అప్పూ అనే మూడో వ్యక్తి వలన గొడవలు వస్తున్నాయి అంటున్నారు. ఆ అమ్మాయిని కోర్టులో నిలబెట్టి పరువు తీయాలని కాదు. కాబట్టి నేను మీ ఇద్దర్నీ అడుగుతున్నా. ఇద్దరూ కలిసి ఉండటానికి ఒప్పుకుంటారా? అని ముందు అనామికను అడుగుతాడు జడ్జి.
నా కాళ్లు పట్టుకుని క్షమాపణ చెప్పాలి.. జడ్జి షాక్..
కావాలి సర్.. కానీ ఇంత సింపుల్‌గా అయితే కాదు. ఆ అప్పూని బోనులో నిలబెట్టాలి. వీళ్ల ఇద్దరి మధ్య ఉన్న సంబంధం బయట పెట్టాలి. నా కాపురంలో ఇన్ని గొడవలకు కారణం అయిన అప్పూకి శిక్ష పడాలి. కళ్యాణ్ నా కాళ్లు పట్టుకుని క్షమాపణ చెప్పాలని అనామిక అంటుంది. కాళ్లు పట్టుకోవాలా.. పట్టుకోకపోతే అని జడ్జి అడుగుతాడు. కఠినంగా శిక్షించాలి. జైలుకు పంపించాలని అనామిక డిమాండ్ చేస్తుంది. ఇక ఇవాళ్టితో ఈ రోజు ఎపిసోడ్ ముగుస్తుంది.
మాస్ కా దాస్ విశ్వక్ సేన్ హిట్లు , ఫ్లాప్స్ తో సంబంధం లేకుండా దూసుకుపోతున్నారు. వచ్చిన ఆఫర్స్ ను వదలకుండా సినిమాలు చేస్తూ ప్రేక్షకులను ఆకట్టుకుంటున్నారు. ఫలక్ నామా దాస్ లాంటి మాస్ సినిమా, అర్జున కళ్యాణం లాంటి ఫ్యామిలీ సినిమా, లేదా దాస్ కా ధమ్కీ లాంటి యాక్షన్ సినిమా అయినా సరే తనదైన స్టైల్ లో ప్రేక్షకులను అలరిస్తున్నాడు విశ్వక్ సేన్. రీసెంట్ గా గ్యాంగ్స్ ఆఫ్ గోదావరి అనే మాస్ సినిమాతో ప్రేక్షకులను ఆకట్టుకున్నాడు. ఈ సినిమా మంచి టాక్ ను సొంతం చేసుకుంది. ఇక ఇప్పుడు ఓటీటీలోనూ అదరగొడుతోంది ఈ సినిమా. ఇదిలా ఉంటే ఇప్పుడు విశ్వక్ వరుసగా సినిమాలను లైనప్ చేసి బిజీగా మారిపోయాడు. ఇప్పటికే విశ్వక్ చేతిలో మూడు నాలుగు ప్రాజెక్ట్స్ ఉన్నాయి.
రీసెంట్ గా లైలా అనే సినిమా చేశాడు విశ్వక్. ఈ సినిమాలో విశ్వక్ లేడీ గెటప్ లో కనిపించనున్నాడు. ఈ సినిమా కామెడీ ఎమోషనల్ డ్రామాగా తెరకెక్కుతోందని తెలుస్తోంది. ఇదిలా ఉంటే ఇప్పుడు మరో క్రేజీ కాంబో సెట్ చేశాడు విశ్వక్. జాతిరత్నాలు సినిమాతో అందరూ తన గురించి మాట్లాడుకునేలా చేసిన దర్శకుడు అనుదీప్ తో విశ్వక్ సినిమా చేస్తున్నాడని తెలుస్తోంది. త్వరలోనే అధికారిక ప్రకటన కూడా విడుదల కాబోతోంది అంటూ టాలీవుడ్లో టాక్ వినిపిస్తుంది.
జాతిరత్నాలు లాంటి సూపర్ హిట్ సినిమా తర్వాత అనుదీప్ శివకార్తికేయన్ తో సినిమా చేశాడు. ప్రిన్స్ అనే టైటిల్ తో వచ్చిన ఈ సినిమా అంతగా ఆకట్టుకోలేకపోయింది. ఈ సినిమా తర్వాత ఇంతవరకు కొత్త సినిమాను అనౌన్స్ చేయలేదు అనుదీప్. రీసెంట్ గా కల్కి సినిమాలో అలా కనిపించి ఇలా మాయమయ్యాడు అనుదీప్. ఇప్పుడు విశ్వక్, అనుదీప్ కాంబోలో సినిమా వస్తుందని వార్తలు చక్కర్లు కొడుతున్నాయి. ఈ ఇద్దరూ కలిస్తే రచ్చ రచ్చే అంటున్నారు ఫ్యాన్స్. మరి ఈ ఇద్దరూ కలిసి ఎలాంటి సినిమా చేస్తారో చూడాలి.
సినిమా ఇండస్ట్రీలో వరుసగా హిట్స్ వస్తున్నాయ్.. చిన్న సినిమాల నుంచి పెద్ద పెద్ద స్టార్ హీరోల వరకు చాలా మంది హిట్స్ సాధిస్తూ రాణిస్తున్నారు. అయితే అక్కినేని యంగ్ హీరో అఖిల్ మాత్రం చాలా కాలంగా హిట్స్ అందుకోలేకపోతున్నాడు. బ్యాక్ టు బ్యాక్ సినిమాలు చేసినా కూడా సక్సెస్ అందుకోలేకపోయాడు. అఖిల్ అనే సినిమాతో హీరోగా పరిచయం అయ్యాడు . వివి వినాయక్ దర్శకత్వంలో వచ్చిన ఈ సినిమా బాక్సాఫీస్ దగ్గర బోల్తా కొట్టింది. ఆ తర్వాత వరుసగా సినిమాలు చేస్తున్నప్పటికీ ప్రేక్షకులను ఆకట్టుకొలేకపోతున్నాడు. ఇక చివరిగా అఖిల్ ఏజెంట్ సినిమాతో ప్రేక్షకుల ముందుకు వచ్చాడు. ఈ సినిమా భారీ అంచనాల మధ్య విడుదలై దారుణంగా డిజాస్టర్ అయ్యింది. అయితే నెలలు గడుస్తున్నా ఏజెంట్ సినిమా ఓటీటీలోకి మాత్రం రాలేదు. ఈ సినిమా ఎప్పుడుడెప్పుడు ఓటీటీలోకి వస్తుందా అని ప్రేక్షకులంతా ఎదుచూస్తున్నారు.
సాధారణంగా థియేటర్స్ లో రిలీజ్ అయిన సినిమాలు నెల రోజులకు ఓటీటీలోకి వస్తాయి.. కొన్ని సినిమాలు వారం రోజులకే వస్తాయి.. అని ఏజెంట్ సినిమా మాత్రం ఇంతవరకు ఓటీటీలోకి అడుగు పెట్టలేదు. దానికి కారణం తెలియదు కానీ.. అసలు ఈ సినిమా ఎలా ఉంది .? ఎందుకు అంతలా డిజాస్టర్ అయ్యింది.? అని చూద్దామని చాలా మంది ఎదురుచూస్తున్నారు. ఇదిలా ఉంటే తాజాగా ఏజెంట్ సినిమా ఓటీటీలోకి రానుందని తెలుస్తోంది.
ఏప్రిల్ 28న విడుదలైన ఏజెంట్ సినిమా ఇంతవరకు ఓటీటీ బాట పట్టలేదు. ఈ సినిమా కోసం అఖిల్ చాలా కష్టపడ్డాడు. సిక్స్ ప్యాక్ బాడీతో అదరగొట్టాడు. సురేందర్ రెడ్డి దర్శకత్వం వచ్చిన ఈ సినిమా డిజాస్టర్ అయ్యిన తర్వాత అఖిల్ చాలా కాలం అజ్ఞాతవాసంలో ఉన్నాడు. ఇంతవరకు కొత్త సినిమాను కూడా అనౌన్స్ చేయలేదు. ఇక ఇప్పుడు ఈ సినిమా ఓటీటీలోకి వస్తుందని తెలుస్తోంది. ప్రముఖ ఓటీటీ సంస్థ సోనీ లైవ్‌లో స్ట్రీమింగ్ కానుందని తెలుస్తోంది. జులై రెండో వారం లేదా చివరిలో ఈసినిమాను స్ట్రీమింగ్ చేయనున్నారు. త్వరలోనే దీని పై ఓ క్లారిటీ రానుంది.
