ఐ హ్యావ్‌ ఒన్‌ సజెషన్‌ ఫర్‌ యు… అని సిద్ధు జొన్నలగడ్డ చెప్పిన మాటలను సీరియస్‌గా తీసుకున్నారు నటి పూజా హెగ్డే. అయితే సిద్ధు ఆ సజెషన్‌ ఇచ్చినప్పుడు అక్కడెక్కడో మంచు కొండల్లో ఉన్నారు.
కానీ తానెక్కడుంటే అక్కడే ఆ మాటను ఇంప్లిమెంట్‌ చేస్తున్నారు నటి పూజా హెగ్డే. ఇంతకీ సిద్ధు ఏమన్నారు? పూజా ఏం చేస్తున్నారు? విన్నారుగా అదీ సంగతి… అలా వెళ్లి చిల్‌ అవ్వండి అని.
అయితే ఈ వెర్షన్‌నే తనదైన స్టైల్లో ఇంప్లిమెంట్‌ చేసేస్తున్నారు బ్యూటీఫుల్‌ పూజా హెగ్డే. నచ్చినంత సేపు పడుకోవడం, ఉన్న చోట గెంతులేయడం, సినిమాటోగ్రాఫర్‌ చెయిర్‌ని కబ్జా చేయడం..
తాను ఎక్కడుంటే అక్కడ మోత మోగిపోవాల్సిందేనని అంటున్నారు ఈ భామ. అంతెందుకు ఆమె సెట్లో ఉంటే ప్లే లిస్ట్ నాన్‌స్టాప్‌గా సౌండ్‌ చేస్తూనే ఉంటుందట.
అంతగా మ్యూజిక్‌ని ఇష్టపడతానంటున్నారు మేడమ్‌ పూజా. ప్రస్తుతం తమిళ్‌లో సూర్యతో ఓ సినిమా చేస్తున్నారు పూజా హెగ్డే. నార్త్ లోనూ కొన్ని సినిమాలున్నాయి. త్వరలోనే నాగచైతన్యతో ఓ సినిమా చేయడానికి కమిట్‌ అయ్యారు.
కెరీర్‌లో సక్సెస్‌ కొత్తగాదు, గ్యాప్‌ కొత్తగాదు, ఫెయిల్యూర్స్ కొత్త కాదు. అలాగని డీలా పడితే ఎలా? రేపు బావుంటుందనే నమ్మకంతో మన పని మనం చేసుకుపోవడమే నాకు తెలిసిన పని అని అంటున్నారు మేడమ్‌ పూజ.
అనుభవజ్ఞుడైన ఆల్ రౌండర్ హార్దిక్ పాండ్యా టీ20 ప్రపంచకప్ లో అద్భుతంగా రాణించాడు. భారత్ విజయంలో ప్రధాన పాత్ర పోషించాడు. . ముఖ్యంగా దక్షిణాఫ్రికాతో జరిగిన ఫైనల్ మ్యాచ్‌లో పాండ్యా మూడు ఓవర్లలో 20 పరుగులిచ్చి మూడు ముఖ్యమైన వికెట్లు తీశాడు. భారత జట్టు ఇప్పుడు దేశానికి తిరిగి వచ్చింది. జట్టులోని ఆటగాళ్లందరూ ఈ విజయాన్ని తమ అభిమానులతో గురువారం (జూలై 4న) జరుపుకొన్నారు. ఆ తర్వాత భారత జట్టులోని ఆటగాళ్లందరూ తమ ఇళ్లకు తిరిగివచ్చి కుటుంబసభ్యులతో కలిసి సంబరాలు చేసుకున్నారు. వారిలో హార్దిక్ పాండ్యా కూడా ఉన్నాడు. టీ20 ప్రపంచకప్ గెలిచి స్వదేశానికి వచ్చిన హార్దిక్ పాండ్యా ఈ టీ20 ప్రపంచకప్ విజయాన్ని తన కుటుంబంతో కలిసి సెలబ్రేట్ చేసుకున్నాడు. హార్దిక్ తన సోషల్ మీడియా ఖాతాలో షేర్ చేసిన ఈ ఫోటోలలో హార్దిక్ పాండ్యా కుమారుడు అగస్త్య మాత్రమే కనిపిస్తున్నాడు. కానీ అతని భార్య నటాషా మాత్రమే కనిపించలేదు.
తన కొడుకుతో ఉన్న ఫోటోలను సోషల్ మీడియాలో షేర్ చేసిన పాండ్యా.. ‘నా నంబర్ వన్ ! నేనేం చేసినా నీ కోసమే చేస్తాను’ అని రాసుకున్నాడు. అయితే ఈ ఫోటోల్లో హార్దిక్ భార్య నటాషా మాత్రం ఎక్కడా కనిపించలేదు. దీంతో వీరిద్దరి వైవాహిక బంధంలో చీలిక వచ్చిందన్న వార్తలకు మరింత బలం చేకూరుతోంది. అలాగే మరోసారి వీరి విడాకుల పుకార్లు తెరపైకి వచ్చాయి.
టీ20 ప్రపంచకప్‌లో హార్దిక్ పాండ్యా అద్భుత ప్రదర్శన చేశాడు. ఈ టోర్నీలో పాండ్యా బ్యాట్‌తో 144 పరుగులు చేసి బౌలింగ్‌లో 11 వికెట్లు పడగొట్టాడు. ఫైనల్ మ్యాచ్ లోనూ తన బౌలింగ్ తో సంచలనం సృష్టించాడు. మూడు ఓవర్లలో 20 పరుగులు ఇచ్చి 3 వికెట్లు తీశాడు. ఇది కాకుండా, అతను చివరి ఓవర్లో 16 పరుగులు డిఫెండ్ చేశాడు. టీ20 ప్రపంచకప్‌లో అత్యుత్తమ ప్రదర్శనతో ఐసీసీ టీ20 ర్యాంకింగ్స్‌లో పాండ్యాకు బహుమతి లభించడంతో పాటు తాజాగా టీ20 ఆల్‌రౌండర్ల జాబితాలో అగ్రస్థానంలో నిలిచాడు.
India, you mean the world to me! From the bottom of my heart, thank you for all the love.. these are moments that I will never ever forget! Thank you for coming out to celebrate with us, despite the rains! We love you so much! Celebrating with you is why we do what we do! We’re… pic.twitter.com/c18lLrPJ1q
ప్రభాస్, పృథ్విరాజ్‌ సుకుమారన్‌ నటించిన బ్లాక్ బస్టర్ మూవీ సలార్‌కి సీక్వెల్‌గా తెరకెక్కుతోంది శౌర్యాంగపర్వం. ఆగస్టు 10 నుంచి శౌర్యాంగపర్వం షూటింగ్ ప్రారంభం కానుంది.
ఆల్రెడీ సీక్వెల్‌కి సంబంధించి 20 శాతం షూటింగ్ పూర్తయిందట. ఫస్ట్ పార్ట్ తెరకెక్కిస్తున్నప్పుడే ఆ భాగాన్ని తెరకెక్కించేశారట ప్రశాంత్‌ నీల్. ఆల్రెడీ ఫస్ట్ పార్టు కోసం వేసిన సెట్ రామోజీ ఫిల్మ్ సిటీలో అలాగే ఉంది.
అక్కడే సెకండ్‌ పార్టుకు సంబంధించిన ఫ్రెష్‌ షెడ్యూల్‌ మొదలవుతుంది. జూన్ నుంచే ప్రారంభిస్తామని గతంలో చెప్పారు. అయితే కల్కి రిలీజ్‌, పృథ్విరాజ్‌ కాల్షీట్‌ అడ్జస్ట్ కాకపోవడంతో ఆగస్టుకి షిఫ్ట్ చేశారట ముహూర్తాన్ని.
ఫస్ట్ షెడ్యూల్‌ 15 రోజుల పాటు సాగుతుంది. ఓ వైపు శౌర్యాంగపర్వం చిత్రాన్ని తెరకెక్కిస్తూనే, మరోవైపు తారక్‌ హీరోగా డ్రాగన్‌ని రూపొందించడానికి ప్లాన్‌ చేస్తున్నారు ప్రశాంత్‌ నీల్. ఆగస్టు నుంచి నీల్ – తారక్‌ సినిమా షూటింగ్ మొదలవుతుందని ఆల్రెడీ మైత్రీ మూవీ మేకర్స్ అనౌన్స్ చేశారు.
అయితే తారక్‌ సినిమా ఆగస్టులోనే మొదలవుతుందా? అనే అనుమానాలున్నాయి. దేవర సినిమా అక్టోబర్‌ 10కి రిలీజ్‌ అయితే, ఆగస్టులో తారక్‌ షూటింగ్ చేసుకోవడానికి సమయం ఉండేది. కానీ ఇప్పుడు దేవర సెప్టెంబర్‌లోనే విడుదలవుతోంది.
దీన్ని బట్టి అయితే ఆగస్టు ఫస్ట్ వీక్‌లోనే నీల్ సినిమా సెట్లో అడుగుపెట్టాలి. లేకుంటే మాత్రం అక్టోబర్‌ నుంచే అటు వెళ్లాల్సిన పరిస్థితి కనిపిస్తోంది. రీసెంట్‌గా హోంబలే, మైత్రీ మూవీస్‌ నిర్మాతలతో భేటీ అయ్యారట ప్రశాంత్‌ నీల్.
రెండు సినిమాలనూ సైమల్‌టైనియస్‌గా తెరకెక్కిస్తానని, షెడ్యూల్స్ ఎక్కడా డిస్టర్బ్ కాకుండా ప్లాన్‌ చేసుకుంటాననీ అన్నారట. అన్న మాట ప్రకారం రెండు పడవల ప్రయాణం చేసి సక్సెస్‌ అయితే మాత్రం సూపర్బ్ కెప్టెన్‌ అనే ట్యాగ్‌లైన్‌తో నీల్ దూసుకుపోవడం ఖాయం అంటున్నారు క్రిటిక్స్.
రాజ్ తరుణ్ వర్సెస్ లావణ్య..మద్యలో మాల్వీ మల్హోత్రా. ట్రయాంగిల్ రిలేషన్ షిఫ్‌ ఎపిసోడ్‌ ఇప్పుడు సంచలనంగా మారింది. రాజ్ తరుణ్‌పై లావణ్య అనే యువతి నార్సింగ్‌ పీఎస్‌లో ఫిర్యాదు చేశారు. రాజ్‌తరుణ్‌ తను 11 ఏళ్లుగా రిలేషన్‌షిప్‌లో ఉన్నామన్నారు. కానీ ..ఇప్పుడు మాల్వీ మల్హోత్ర అనే యువతి మోజులో పడి తనను నిర్లక్ష్యం చేస్తున్నాడని రాజ్‌తరుణ్‌పై కంప్లేంట్‌ చేశారామె. అంతేకాదు మాల్వీ మల్హోత్ర ఆమె బంధువులు తనను బెదిరిస్తున్నారని..తనకు రక్షణ కల్పించాలని ఫిర్యాదులో పేర్కొన్నారు. మాల్వీ మల్హోత్ర – రాజ్‌తరుణ్‌ ఇద్దరూ తిరుగబడరస్వామిలో కలిసి నటించారు.
లావణ్య తన కంప్లేంట్‌లో మాల్వీ మల్హోత్రతో పాటు ఆమె కుటుంబసభ్యులపై కూడా ఫిర్యాదు చేశారు. రాజ్ తరుణ్‌కు తాను దూరం కావాలని వాళ్లు బెదిరిస్తున్నారని వాపోయారామె. రాజ్‌తరుణ్‌ లేకపోతే తాను ఉండలేననీ.. అతనితోనే కలసి బతకాలని కోరుకుంటున్నట్టు కూడా ఆమె తన ఫిర్యాదులో పేర్కొన్నారు. ఇలా లావణ్య కంప్లేంట్‌ తెరపైకి రాగానే అలా రాజ్ తరుణ్ తన వెర్షన్‌ విన్పించారు. సహజీవనం నిజమే. కానీ అది ఒన్స్‌ అపానే టైమ్. ఇప్పుడు తను మరో వ్యక్తితో రిలేషన్‌లో ఉందని.. డబ్బు కోసం తనను బ్లాక్ మెయిలింగ్‌ చేస్తుందని ఆరోపించారు. ఈ ట్రయాంగిల్ ప్రేమకథలో సినిమాకు మించిన ట్విస్టులు బయటపడుతున్నాయి.
మాల్వీ మల్హోత్రతో ఎఫైర్‌ కారణంగానే రాజ్‌తరుణ్‌ తనను పక్కనబెట్టాడనీ లావణ్య అంటోంది. తిరగబడరా సామీ మూవీ షూటింగ్‌కు ముందు నుంచే వాళ్లిద్దరి మధ్య ఎఫైర్‌ ఉందని.. ఆమెను కలవడానికి రాజ్ తరుణ్ ముంబై వెళ్లి వచ్చేడాన అంటుంది లావణ్య. అంతేకాదు, హిమాచల్‌ ప్రదేశ్‌ CM తకు ఫ్యామీలీ ఫ్రెండ్‌ అని తాము తలచుకుంటే ఏమైనా చేయగలమని మాల్వీ మల్హోత్రా, ఆమె సోదరుడు మయాంక్‌ తనను బెదిరించినట్లు లావణ్య తన ఫిర్యాదులో పేర్కొంది. గతంలో డ్రగ్స్ కేసులో ఆరోపణలు ఎదుర్కోంది లావణ్య. ఈ విషయంలోనే ఇద్దరి మధ్య డిఫరెనెన్స్ వచ్చినట్లు తెలుస్తోంది. లావణ్య ఆరోపణలపై స్పందించిన రాజ్ తరుణ్.. తమ సహజీవనం నిజమే కానీ ఇప్పుడు లావణ్య మరొకరితో రిలేషన్ షిప్‌లో ఉందన్నారు రాజ్ తరుణ్.
ఇప్పుడు పాన్ ఇండియా బాక్సాఫీస్ కింగ్ అంటే యంగ్ రెబల్ స్టార్ ప్రభాస్. బాహుబలి సినిమాతో సెన్సెషనల్ రికార్డ్స్ క్రియేట్ చేసిన డార్లింగ్ ఇప్పుడు థియేటర్లలో సంచలనం సృష్టిస్తున్నాడు. సాహో, రాధేశ్యామ్, ఆదిపురుష్ వంటి చిత్రాలతో అభిమానులను నిరాశ పరిచినా డార్లింగ్.. ఇప్పుడు కల్కి మూవీతో డబుల్ ట్రీట్ ఇచ్చాడు. కల్కి 2898 ఏడి సినిమాతో మరోసారి బాక్సాఫీస్ వద్ద తన ఆధిపత్యాన్ని నిరూపించుకున్నాడు. ఈ సినిమాతో ప్రపంచవ్యాప్తంగా తన క్రేజ్ మరింత పెరిగింది. జూన్ 27న విడుదలైన ఈ సినిమా రూ.700 కోట్లకు పైగా వసూలు చేసి.. హిస్టారికల్ బ్లాక్ బస్టర్ హిట్ టాక్ తో దూసుకుపోతుంది. త్వరలోనే ఈ మూవీ రూ. 1000 కోట్ల క్లబ్ లో చేరడం ఖాయమంటున్నారు నెటిజన్స్.
ఇదిలా ఉంటే.. కల్కి సినిమాలో పంజాబీ పాప్ సింగర్ దిల్జిత్ దోసాంజ్ తో కలిసి స్టెప్పులేశాడు డార్లింగ్. ఈ పాటలో ప్రభాస్ లుక్ అందరిని ఆశ్చర్యపరిచింది. పంజాబీ స్టైల్లో కనిపించి ఫ్యాన్స్ కు సర్ ప్రైజ్ చేశాడు. అయితే ఈ పాటతోపాటు.. కల్కి ప్రమోషన్లలో ప్రభాస్ డోల్స్ & గబ్బానా సన్ గ్లాసెస్ ధరించిన సంగతి తెలిసిందే. ఇక ఇప్పుడు ఆ సన్ గ్లాసెస్ ధర తెలుసుకోవడానికి నెటిజన్స్ తెగ ట్రై చేస్తున్నారు. సెలబ్రెటీస్ అవుట్ ఫిట్ డికోడ్ ప్రకారం ప్రభాస్ ధరించిన ఆ సన్ గ్లాసెస్ ధర రూ.35.314.
ఇదిలా ఉంటే.. విడుదలైన 8 రోజుల్లో కల్కి చిత్రం రూ. 750 కోట్ల మార్క్ క్రాస్ చేసింది. ఈ ఏడాది విడుదలైన ప్రాంతీయ, హిందీ చిత్రాలను అధిగమించి పాన్ ఇండియా బ్లాక్ బస్టర్ మూవీగా నిలిచింది. ఈ మూవీ మరిన్ని బాక్సాఫీస్ రికార్డ్స్ బ్రేక్ చేసే దిశగా సాగుతుంది. డైరెక్టర్ నాగ్ అశ్విన్ రూపొందించిన ఈ సైన్స్ ఫిక్షన్ మూవీలో ప్రభాస్, కమల్ హాసన్, అమితాబ్ బచ్చన్, దీపికా, దిశా పటానీ, మృణాల్ ఠాకూర్, మాళవిక నాయర్, విజయ్ దేవరకొండ, దుల్కర్ సల్మాన్ కీలకపాత్రలు పోషించారు.
సనాతనం సమ్మోహనం.. వారాహి దీక్షలో భాగంగా ఏకాదశ దిన ఆదిత్య ఆరాధన చేశారు పవన్ కల్యాణ్. వేద పండితుల మంత్రోచ్చరణల నడుమ సూర్యభగవాణ్ణున్ని పూజించారు. సమాజహితం, దేశ సౌభాగ్యం కాంక్షిస్తూ లాస్ట్ ఇయర్ నుంచి వారాహి దీక్ష చేస్తున్న జనసేన అధినేత, ఏపీ డిప్యూటీ సీఎం పవన్ కల్యాణ్. ఈఏడాది కూడా వారాహి దీక్షను 11రోజులపాటు చేస్తున్నారు. జనసేన పార్టీ అఖండ విజయం.. కూటమి గెలుపు .. ఏపీ డిప్యూటీ సీఎంగా బాధ్యతలు తీసుకున్న తర్వాత గత నెల 26న వారాహి అమ్మవారి దీక్ష చేపట్టారు పవన్. వారాహి దీక్ష ఈనెల 6వ తేదీతో ముగుస్తోంది. ఇందులో భాగంగా పవన్ కళ్యాణ్ ఒక్కరోజు ఆదిత్య ఆరాధన పూజ నిర్వహించారు. మంగళగిరిలోని పార్టీ కేంద్ర కార్యాలయంలో ఆరాధనకు సంబంధించిన పూజా కార్యక్రమాలు నిర్వహించారు. ప్రస్తుతం వారాహి దీక్షలో ఉన్న ఆయన సూర్యారాధనలో పాల్గొన్నారు. పూజలో పాల్గొన్న పవన్ కల్యాణ్‌కి తిలకం దిద్దిన వేదపండితులు.. స్వామి వారి తీర్ధం ఇచ్చి దీక్ష ప్రారంభించారు.
దీని కోసం ముందేగా వేదపండితులు ఆదిత్య యంత్రం ఏర్పాటు చేశారు. దీని ఎదుటు ఆశీనులైన జనసేన అధినేత.. ప్రత్యక్ష భగవానుడిని వేద పండితుల మంత్రోచ్చరణల నడుమ సూర్యభగవాణ్ణున్ని పూజించారు. కొన్ని గంటల పాటు ఆదిత్య ఆరాధన చేశారు పవన్ కల్యాణ్. ఆదిత్య ఆరాధన అనంతరం యాగశాలలపవన్ కళ్యాణ్ గతంలో రోజూ సూర్య నమస్కారాలు చేసే వారు.. అయితే గత కొంతకాలంగా వెన్నునొప్పి ఇబ్బందుల కారణంగా సూర్య నమస్కారాలకు విరామం ఇచ్చారు.
సూర్య నమస్కారాలకు బదులుగా మంత్ర సహిత ఆదిత్య ఆరాధనను వారాహి దీక్షలో భాగంగా అత్యంత ఘనంగా నిర్వహించారు పవన్ కల్యాణ్. వేద పండితులు సూర్యుని విశిష్ఠతను తెలియజేశారు. ప్రజల జీవన విధానంలో సూర్య నమస్కారాలు ఒక భాగమని వివరించారు. వారాహి దీక్ష చేపట్టిన పవన్ కళ్యాణ్ దీక్షలో భాగంగా కేవలం పళ్ళు, ద్రవపదార్థాలు మాత్రమే తీసుకుంటున్నారు.
టాలీవుడ్ ఇండస్ట్రీలో అతి తక్కువ సమయంలో గుర్తింపు తెచ్చుకున్న హీరోయిన్ అంజలి. కథానాయికగా.. ఇటు క్యారెక్టర్ ఆర్టిస్టుగా రాణిస్తుంది. అలాగే స్పెషల్ సాంగ్స్ చేస్తూ అలరిస్తుంది. వైవిధ్యమైన పాత్రలలో తన నటనతో మెప్పించిన అంజలి… ఎప్పటికప్పుడు కొత్త ప్రయోగాలు చేయడంలో ముందుంటుంది. ఎలాంటి పాత్రలలోనైనా జీవించేస్తుంది. వకీల్ సాబ్, సీతమ్మ వాకిట్లో సిరిమల్లె చెట్టు, గీతాంజలి వంటి చిత్రాలతో అలరించిన అంజలి.. ఇటీవలే మాస్ కా దాస్ విశ్వక్ సేన్, నేహా శెట్టి జంటగా నటించిన గ్యాంగ్స్ ఆఫ్ గోదావరి మూవీలో కనిపించింది. ఈ మూవీ వేశ్య పాత్రలో కనిపించి అందరిని ఆశ్చర్యానికి గురి చేసింది. ఇందులో అంజలి నటనకు అడియన్స్ ఫిదా అయ్యారు. సహజ నటనతో విమర్శకుల ప్రశంసలు సొంతం చేసుకుంది. ఇక ఇప్పుడు మరోసారి వేశ్వ పాత్రలో అలరించేందుకు రెడీ అయ్యింది.
గ్యాంగ్స్ ఆఫ్ గోదావరి సినిమాతో సూపర్ హిట్ అందుకున్న అంజలి.. ఇప్పుడు మరోసారి వేశ్య పాత్రలో అడియన్స్ ముందుకు రాబోతుంది. అంజలి ప్రధాన పాత్రలో తెరకెక్కుతున్న వెబ్ సిరీస్ బహిష్కరణ. విభిన్నమైన విలేజ్ రివేంజ్ డ్రామా జోనర్ లో రూపొందుతున్న ఈ సినిమాకు ముఖేష్ ప్రజాపతి దర్శకత్వం వహిస్తున్నారు. ఈ మూవీని పిక్సెస్ పిక్చర్స్ ఇండియా బ్యానర్ పై నిర్మిస్తుండగా.. ఈ నెల 19 నుంచి ప్రముఖ ఓటీటీ ప్లాట్ ఫామ్ జీ5లో స్ట్రీమింగ్ కానుంది. ఈ సందర్భంగా సిరీస్ గురించి ఆసక్తికర విషయాలను పంచుకుంది అంజలి.
ఈ సినిమాలో పుష్ప పాత్ర పోషించడం చాలా సంతోషంగా ఉందని.. అమాయకపు వేశ్య నుంచి సమాజంలో అసమానతలను ఎదుర్కొనే స్త్రీ ప్రయాణం అద్భుతంగా ఉంటుందని అన్నారు. పుష్ప అంటే ఓ మిస్టరీ అని.. ఇందులో ఆమె చేసిన ప్రయాణం వచ్చిన మార్పుని చూడాలని కోరుకుంటున్నానని అన్నారు. ఈ వెబ్ సిరీస్ లో రవీంద్ర విజయ్, అనన్య నాగళ్ల, చైతన్య సాగిరాజు కీలకపాత్రలు పోషించారు.
ప్రేమ, పెళ్లి, విడాకులు ఇప్పుడు సినీ పరిశ్రమలో ఎక్కువగా వినిపిస్తున్న పదాలు. ఒకవైపు ప్రేమపక్షులు పెళ్లి బంధంతో ఒక్కటవుతున్నారు. విడిపోయాం.. విడాకులు తీసుకున్నామంటూ మరో జంట ప్రకటిస్తుంది. పెళ్లైన హీరోలతో హీరోయిన్ ప్రేమాయణం, అరరె లవ్ బర్డ్స్ బ్రేకప్.. ఇలా రకరకాల రూమర్స్ సోషల్ మీడియాలో తెగ హల్చల్ చేస్తున్నాయి. ప్రేమించి పెళ్లి చేసుకుని విడిపోయిన జంటలు చాలా కాలంగా ఒంటరిగానే ఉంటున్నారు. తమ మాజీ పార్టర్న్స్ మరో పెళ్లి చేసుకుని సెటిల్ అవుతుంటే.. అసలు నో మ్యారేజ్ అంటూ సింగిల్ లైఫ్ ఎంజాయ్ చేస్తున్నారు. అందులో ఈ హీరోయిన్ ఒకరు. నిజానికి బుల్లితెరపై ఆమె ఫైర్ బ్రాండ్. యూత్ లో యమ ఫాలోయింగ్ ఉంటుంది. పవర్ ఫుల్ పాత్రలకు కేరాఫ్ అడ్రస్.. నటనలోనే కాదూ.. చూపులతోనే భయపెట్టించే నటి. బుల్లితెరపై తనకంటూ ఓ ఇమేజ్ క్రియేట్ చేసుకుంది. కానీ నిజ జీవితంలో ఎన్నో ఒడిదుడుకులను ఎదుర్కొంది. రంగుల ప్రపంచంలో స్టార్ నటిగా ఓ వెలుగు వెలుగుతున్న సమయంలోనే పర్సనల్ లైఫ్ లో షాక్ తగిలింది.
ప్రేమించి పెళ్లి చేసుకున్న భర్తకు మరో అమ్మాయితో రిలేషన్ ఉందని తెలిసి.. అతడిని అందరి ముందు చెంపదెబ్బ కొట్టింది. పెళ్లైన ఏడాదికే విడాకులు తీసుకుని ఇప్పుడు సింగిల్ గా ఉంటుంది. సీరియల్ ద్వారా రంగుల ప్రపంచంలోకి అడుగుపెట్టిన ఈ బ్యూటీ తన అద్భుతమైన నటనతో ప్రేక్షకుల మనసు దోచుకుంది. తన వ్యక్తిగత జీవితంలో చాలా కష్టమైన సమయాలను ఎదుర్కొన్నప్పటికీ ఎన్నడూ చలించలేదు. విడాకుల తర్వాత ఇప్పటికీ ఒంటరి జీవితాన్ని గడుపుతోంది. తనే జెన్నిఫర్ వింగెట్. ఈ పేరు చెబితే గుర్తుపట్టలేరు.. కానీ మాయ అంటే మాత్రం ఠక్కున గుర్తుపట్టేస్తారు. అంతగా మాయ పాత్రతో ప్రేక్షకులకు దగ్గరైంది. ఈ పాత్రలో జెన్నిఫర్ స్టైల్, యాక్టింగ్, యాటిట్యూడ్, మేనరిజం చూసి అడియన్స్ ఫిదా అయ్యారు. బేహద్ సీరియల్లో ఆమె చేసిన పాత్రను జనాలు ఎప్పటికీ మర్చిపోలేరు.
హిందీలో దిల్ మిల్ గయే, బేహాద్, కహిన్ తో హోగా, బేపన్నా వంటి సీరియల్స్ ద్వారా చాలా పాపులర్ అయ్యింది. నటిగా చాలా ఫేమస్ అయిన జెన్నిఫర్ మాత్రం జీవితంలో ఎన్నో ఎత్తుపల్లాలు చూసింది. చిన్న వయసులోనే నటుడు కరణ్ సింగ్ గ్రోవర్ ను వివాహం చేసుకుంది. వీరిద్దరికి సీరియల్ షూటింగ్ ద్వారా పరిచయమయ్యారు. ఆ తర్వాత వారి స్నేహం ప్రేమగా మారడంతో పెళ్లి చేసుకుని వివాహ బంధంలోకి అడుగుపెట్టారు. కానీ ఏడాదికే విడాకులు తీసుకున్నారు.
ప్రేమించి పెళ్లి చేసుకున్న జెన్నిఫర్ ను భర్త మోసం చేశాడని.. అతడికి మరో నటితో రిలేషన్ లో ఉన్నాడని తెలిసింది. తన భర్త ప్రియురాలితో సరదాగా మాట్లాడుతుండగా.. అతడిని అందరి ముందు సెట్ లో కొట్టిందట. ఈ వార్త అప్పట్లో ఇండస్ట్రీలో సంచలనం సృష్టించింది. కరణ్ సింగ్ తనను మోసం చేశాడని తెలిసి తీవ్ర మానసిక క్షోభకు గురయ్యిందట. దీంతో 10 నెలల్లోనే భర్తతో విడాకులు తీసుకుంది. 2014లో భర్తతో విడిపోయిన జెన్నిఫర్ ఇప్పటికీ ఒంటరిగానే గడుపుతుంది.
ఈ ఏడాది గామి, గ్యాంగ్స్ ఆఫ్ గోదావరి సినిమాల రూపంలో బ్యాక్ టు బ్యాక్ హిట్స్ అందుకున్నాడు టాలీవుడ్ హీరో మాస్ కా దాస్ విశ్వక్ సేన్. ఈ రెండు సినిమాల్లోనూ విశ్వక్ నటనకు మంచి మార్కులు పడ్డాయి. ప్రస్తుతం లైలా అనే మరో డిఫరెంట్ సినిమాలో నటిస్తున్నాడు విశ్వక్ సేన్. ఇటీవలే ఈ సినిమా పట్టాలెక్కింది. షూటింగ్ కూడా ప్రారంభమైంది. అంతేకాకుండా లైలా సినిమా ఫస్ట్ లుక్ ను కూడా రివీల్ చేశారు మేకర్స్. ఇందులో తొలిసారి లేడీ గెటప్‌లో కనిపించనున్నారు విశ్వక్ సేన్. సినిమాల సంగతి పక్కన పెడితే.. తాజాగా సోషల్ మీడియా నుంచి కొన్ని రోజుల పాటు బ్రేక్ తీసుకుంటున్నట్లు సంచలన ప్రకటన చేశాడు విశ్వక్ సేన్. ఈ మేరకు తన అధికారిక ట్విట్టర్ లో ఓ పోస్ట్ పెట్టాడీ ట్యాలెంటెడ్ హీరో. ‘అందరికీ హాయ్.. నేను సోషల్ మీడియాకు దూరంగా ఉండాలని నిర్ణయించుకున్నా. అయితే నా ఇన్‌స్టాగ్రామ్‌కు చిన్న బ్రేక్ మాత్రమే. మీరు ఎవరు చింతించాల్సిన పనిలేదు. నా ట్విట్టర్ ఖాతాను నా టీమ్ నిర్వహిస్తుంది. నా ఇన్‌స్టాగ్రామ్ డీయాక్టివేషన్‌ గురించి ఒత్తిడికి గురికావద్దు’ అని రాసుకొచ్చాడు విశ్వక్ సేన్.
కాగా గత కొన్ని రోజుల నుంచి విశ్వక్ సేన్ ఇన్ స్టా గ్రామ్ లో ఎలాంటి పోస్టులు లేవు. దీంతో అభిమానులు, నెటిజన్లు విశ్వక్ సేన్ కు ఏమైంది? అని ఆరా తీయడం మొదలు పెట్టారు. తాజాగా దీనిపై కూడా స్పందించాడీ హ్యాండ్సమ్ హీరో. ఇటీవల నా సోషల్ మీడియా ఖాతా డియాక్టివేషన్ కారణంగా అందరూ మేసేజులు పెడుతున్నారు. అంతా బాగానే ఉందా అని ప్రశ్నలు వేస్తున్నారు. ఇదంతా చూస్తుంటే చాలా ఫన్నీగా ఉంది. ఎందుకంటే సామాజిక మాధ్యమాలు నా వ్యక్తిగత జీవితాన్ని నిర్వచించలేవు. సోషల్ మీడియాను కొంత వరకు మాత్రమే సీరియస్‌గా తీసుకోవాలని ప్రతి ఒక్కరినీ కోరుతున్నా. మీ అందరికీ ధన్యవాదాలు’ అని పోస్ట్ చేశాడు విశ్వక్ సేన్. ప్రస్తుతం ఈ పోస్ట్ సామాజిక మాధ్యమాల్లో వైరల్ గా మారింది. విశ్వక్ సేన్ నిర్ణయంపై ఫ్యాన్స్, నెటిజన్లు భిన్న రకాలుగా స్పందిస్తున్నారు.
ఇవి కూడా చదవండి
హీరో విశ్వక్ సేన్ ట్వీట్..
Hey everyone, just a heads up—I posted a story about starting a social media detox. It’s a small break from Instagram, nothing to worry about. Try being productive during this time! My team mostly manages my Twitter, so don’t stress over my Instagram deactivation. Lately, I’ve…
