టాలీవుడ్ స్టార్ హీరోయిన్ సమంత అనుకోకుండా ఓ వివాదంలో ఇరుక్కుంది. తన అభిమానులకు హెల్త్ టిప్స్ ఇచ్చే ప్రయత్నంలో ఆమె షేర్ చేసిన ఒక పోస్ట్ ఇప్పుడామెను చిక్కుల్లో పడేసింది. దీనిపై డాక్టర్లతో పాటు పలువురు ప్రముఖులు మండిపడుతున్నారు. తాజాగా ప్రముఖ బ్యాడ్మింటన్ ప్లేయర్ కూడా సమంతపై తీవ్ర ఆగ్రహం వ్యక్తం చేసింది. ఇలాంటి సలహాలు వికటించి ప్రాణాలు పోతే బాధ్యత తీసుకుంటావా? అని సామ్ ను సూటిగా ప్రశ్నించింది జ్వాల. ఈ మేరకు సోషల్ మీడియాలో ఆమె షేర్ చేసిన పోస్ట్ ఇప్పుడు సామాజిక మాధ్యమాల్లో తెగ వైరలవుతోంది.
వివరాల్లోకి వెళితే.. మయోసైటిస్ తో బాధపడుతోన్న సామ్ ఇటీవల సోషల్ మీడియాలో ఫుల్ యాక్టివ్ గా ఉంటోంది. తన ఫిట్ నెస్ తో పాటు హెల్త్ టిప్స్ ను ఎప్పటికప్పుడు తన ఫాలోవర్లతో షేర్ చేసుకుంటోంది. అలా తాజాగా సామ్ షేర్ చేసిన ఒక పోస్ట్ వివాదానికి దారితీసింది. నెబ్యులైజర్ ను ఉపయోగిస్తున్న ఒక ఫొటోను షేర్ చేసిన ఆమె.. ‘సాధారణ వైరల్ ఇన్ఫెక్షన్లు వచ్చినప్పుడు డిస్టిల్డ్ వాటర్ లో హైడ్రోజన్ పెరాక్సైడ్ కలిపి నెబ్యులైజర్ చేయండి’ అని సలహా ఇచ్చింది. ఈ పోస్ట్ కొద్ది క్షణాల్లోనే వైరల్ గా మారింది. సామ్ పోస్ట్ ను చూసిన పలువురు డాక్టర్లు స్పందించారు. ఆమె చెప్పిన సలహా పాటిస్తే ప్రాణానికే ప్రమాదమని హెచ్చరించారు. సెలబ్రిటీ ముసుగులో ఇలా తప్పుడు సమాచారం ప్రచారం చేస్తూ జనాలను తప్పుదోవ పట్టిస్తున్న సమంతను జైల్లో పెట్టాలని భగ్గుమన్నారు డాక్టర్.

ఇప్పుడిదే విషయంపై ప్రముఖ బ్యాడ్మింటన్ ప్లేయర్ గుత్తా జ్వాల కూడా ఘాటుగా స్పందించిది. ఈ మేరకు సోషల్ మీడియాలో ఒక పోస్ట్ పెట్టిందామె. జనాలకు ఆరోగ్య సూచనలుఇస్తున్న సెలబ్రిటీలను నేను ఒకే ఒక్క ప్రశ్న అడుగుతున్నాను. మీ చికిత్సా విధానం అవతలివారికి ఉపయోగపడకపోగా చనిపోతే పరిస్థితేంటి? ఎదుటివారికి సాయం చేయాలన్న మీ ఆలోచన మంచిదే.. కాదనను.. కానీ జరగరానిది జరిగితే ఏం చేస్తారు? దానికి మీరు బాధ్యత వహిస్తారా? మీకు సలహా ఇచ్చిన డాక్టర్‌ బాధ్యత తీసుకుంటారా?’ అంటూ ట్విట్టర్ వేదికగా సామ్ పై విమర్శలు కురిపించింది జ్వాల.

My only question to the celeb who’s prescribing a medicine to the huge number of people who are following her…
I ustand the intention is to help….
But…just in case..just in case the prescription doesn’t help and causes a fatality…will u be taking the RESPONSIBILITY too?????…

— Gutta Jwala 💙 (@Guttajwala) July 5, 2024

Left: Influential Indian actress Ms. Samantha Ruth who is unfortunately a health and science illiterate advising millions of her followers to inhale hydrogen-peroxide to prevent and treat respiratory viral infections.

Right: Scientific society, The Asthma and Allergy Foundation… pic.twitter.com/Ihn2xocKUt

— TheLiverDoc (@theliverdr) July 4, 2024

మరిన్ని సినిమా వార్తల కోసం ఇక్కడ క్లిక్ చేయండి.

బాలీవుడ్ మిస్టర్ పర్పెక్షనిస్ట్ ఆమిర్ ఖాన్ తనయుడు జునైద్ ఖాన్ నటించిన మొదటి సినిమా ‘మహారాజ్’. విడుదలకు ముందే ఈ సినిమా వార్తల్లో నిలిచింది. ముఖ్యంగా ఈ సినిమా విడుదల చేయకూడదని హిందూత్వ వాదులు ఆందోళనలు, నిరసనలు నిర్వహించారు. దీంతో మొదట ఈ సినిమాను రిలీజ్ చేయవద్దని న్యాయస్థానం ఆదేశాలు జారీ చేసింది. అయితే సెన్సార్ బోర్డు ఈ సినిమాను వీక్షించి క్లియరెన్స్ ఇవ్వడంతో సినిమా ఆడియెన్స్ ముందుకు వచ్చింది. అది కూడా డైరెక్టుగా ఓటీటీలోనే. మహరాజ్ సినిమా ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో జూన్ 22న ఈ సినిమా అందుబాటులోకి వచ్చింది. హిందీతో పాటు తెలుగు తదితర భాషల్లోనూ ఈ సినిమా స్ట్రీమింగ్ అవుతోంది. ఇప్పుడీ మహరాజ్ సినిమా ఓటీటీలో రికార్డులు కొల్లగొడుతోంది. ప్రస్తుతం ఇండియా లోనే నెంబర్ 1 సినిమా ట్రెండింగ్ అవుతుండగా గ్లోబల్ గా కూడా ఏకంగా 22 దేశాల్లో మహరాజా ట్రెండ్ అవుతుందట. ఇది కాకుండా గత వారం రోజుల ఛార్ట్స్ లో అయితే ఈ సినిమాకి నెట్ ఫిక్స్ లో ఏకంగా 5.3 మిలియన్ వ్యూస్
వచ్చాయట. దీనిని బట్టి చూస్తే ఓటీటీలో మహరాజ్ సినిమాకు ఎలాంటి రెస్పాన్స్ ఉందో ఇట్టే అర్థం చేసుకోవచ్చు.

సౌరభ్ షా రచించిన ‘మహారాజ్’ పుస్తకం ఆధారంగా మహరాజ్ సినిమా తెరకెక్కుతోంది. బాలీవుడ్‌లోని ప్రతిష్టాత్మక నిర్మాణ సంస్థ ‘యష్ రాజ్ ఫిల్మ్స్’ ఈ చిత్రాన్ని నిర్మించింది. ఈ సినిమా కథ విషయానికి వస్తే.. దైవ సన్నిధిలో ఉంటూ భగవంతునితో సమానంగా సేవలు అందుకునే ఓ దొంగ బాబా ఆడవాళ్లపై చేసిన అకృత్యాలు, వాటి వల్ల నష్టపోయిన ఓ యువ జర్నలిస్ట్ చేసిన పోరాటం ఇతివృత్తంగా ఈ మూవీ నడుస్తోంది. ఇందులో దొంగ బాబా పాత్రలో ‘పాతాల్ లోక్’ ఫేమ్ జైదీప్ అహ్లావత్ నటించాడు. అలాగే యువ జర్నలిస్ట్ గా ఆమీర్ ఖాన కొడుకు జునైద్ ఖాన్ నటించాడు. అలాగే ఈ సినిమాలో ఒక హీరోయిన్ గా అర్జున్ రెడ్డి బ్యూటీ షాలిని పాండే కూడా ఓ కీలక పాత్రలో మెరిసింది. వాస్తవిక సంఘటన నేపథ్యంలో తెరకెక్కిన ఈ సినిమాను చూడాలనుకునేవారు నెట్‌ ఫ్లిక్స్ లో అందుబాటులో ఉంది.

నెట్ ఫ్లిక్స్ లో స్ట్రీమింగ్..

Based on true events from the 1860s – Maharaj is now streaming, only on Netflix. pic.twitter.com/QlleHUV8dq

— Netflix India (@NetflixIndia) June 22, 2024

తెలుగులోనూ అందుబాటులోకి..

“सवाल ना पूछ सके वो भक्त अधूरा और जवाब ना दे सके वो धर्म”

‘મહારાજ’ ફિલ્મ સારી છે, પણ વ્યાભિચાર અને એ સમયના સમાજ સુધારક કરસન મુળજીના સંઘર્ષ પર લખેલા પુસ્તકની સામે ૨ કલાકની ફિલ્મ નાની લાગી. પણ દરેક લોકોએ ખાસ જોવી જોઈએ.#Maharaj #JunaidKhan #Netflix
@hisaurabhshah pic.twitter.com/2rBCOypliQ

— Vikas (@Vikass_Leuva) June 22, 2024

మరిన్ని సినిమా వార్తల కోసం ఇక్కడ క్లిక్ చేయండి.

సినీ పరిశ్రమలో క్యాస్టింగ్ కౌచ్ అనేది చాలా వాస్తవం. ఇండస్ట్రీలో తమకు ఎదురయ్యే చేదు అనుభవాల గురించి ఇప్పటికే చాలా మంది హీరోయిన్స్ బయటపెట్టారు. ఆఫర్స్ కోసం సినీరంగంలో అడుగుపెట్టినప్పుడు దర్శకనిర్మాతలు, హీరోస్, క్యారెక్టర్ ఆర్టిస్టుల నుంచి తమకు ఎదురైన కఠిన పరిస్థితుల గురించి అనేక విషయాలను.. వేధింపులు, ఒత్తిడిని ఎదుర్కొవాల్సి వచ్చినప్పటి భయంకర రోజులను గుర్తుచేసుకున్నారు. అయితే కొంత మంది తారలు ఇప్పటికీ తనకు ఎదురైన పరిస్థితుల గురించి బహిరంగంగా చెప్పడానికి భయపడుతున్నారు. ఇప్పటికే మీటూ ఉద్యమం పేరుతో క్యాస్టింగ్ కౌచ్ గురించి ఇండస్ట్రీలో పెద్ద ఎత్తున ఉద్యమం జరిగింది. తాజాగా మరాఠీ ఇండస్ట్రీలో మంచి గుర్తింపు తెచ్చుకున్న సాయి తమ్‏హంకర్ తాను ఎదుర్కొన్న అనుభవాన్ని చెప్పుకొచ్చింది. ఇటీవల ఓ ఇంటర్వ్యూలో పాల్గోన్న సాయి తమ్‏హంకర్ మాట్లాడుతూ.. కెరీర్ ప్రారంభంలో తనకు వచ్చిన ఫోన్ కాల్ గురించి తెలిపింది.

మిస్ మాలినికి ఇచ్చిన ఇంటర్వ్యూలో సాయి తమ్‏హంకర్ మాట్లాడుతూ ఒక వ్యక్తి నుంచి తనకు ఫోన్ కాల్ వచ్చిందని.. సినిమా ఆఫర్ కావాలంటే రాత్రంతా సినిమా దర్శకుడు, నిర్మాతతో గడపాలని చెప్పాడని గుర్తుచేసుకుంది. “ఒక రోజు తెలియని వ్యక్తి నుంచి నాకు ఫోన్ కాల్ వచ్చింది. ఒక సినిమాలో నన్ను హీరోయిన్ గా ఎంపిక చేశారని.. కానీ అందుకు దర్శకుడు లేదా నిర్మాతతో రాత్రంతా గడపాలని అన్నాడు. అందుకు నేను రియాక్ట్ అవుతూ మీ అమ్మను ఎందుకు పంపకూడదు అని అడిగాను. అందుకు ఆ వ్యక్తి మౌనంగా ఉండిపోయాడు. దాదాపు పది సెకన్లపాటు అతడు ఏం మాట్లాడులేదు. ఆ తర్వాత నాకెప్పుడు ఫోన్ చేయకూడదని చెప్పి నేను ఫోన్ కట్ చేశాను. ఈ ఘటన తర్వాత నాకు ఇప్పటివరకు మళ్లీ అలాంటి పరిస్థితి ఎదురుకాలేదు. మనకు సరైనది కాదని తెలిసిన విషయంపై ధైర్యంగా వాయిస్ ఇవ్వాలని నాకు అప్పుడే అర్థమయ్యింది ” అంటూ చెప్పుకొచ్చింది.

సాయి తమ్‏హంకర్ మరాఠీ కుటుంబంలో జన్మించింది. 17 ఏళ్ల వయసులోనే పలు సీరియల్స్ లో సైడ్ రోల్స్ చేసింది. ఆ తర్వాత మెల్లిగా బాలీవుడ్ సినిమాల్లో అవకాశాలు అందుకుంది. అమీర్ ఖాన్ నటించిన గజిని సినిమా జియా ఖాన్ పాత్రకు స్నేహితురాలిగా కనిపించింది. ఆ తర్వాత మరాఠీలో ఝకాస్, రీటా వంటి చిత్రాలతో గుర్తింపు తెచ్చుకుంది. హంటర్, లవ్ సోనియా, మిమీ చిత్రాల్లో కనిపించింది. నెట్ ఫ్లిక్స్ ఓటీటీలో స్ట్రీమింగ్ అయిన భక్షక్ మూవీలో పోలీసు పాత్రలో కనిపించింది.

మరిన్ని సినిమా వార్తల కోసం ఇక్కడ క్లిక్ చేయండి.

కానీ కంటెంట్ కరెక్టుగా ఉంటే ఎంతసేపైనా చూస్తారని చెప్పడానికి కల్కి, యానిమల్ లాంటి హిట్ సినిమాలు కారణం. బాక్సాఫీస్ బెండు తీస్తున్న కల్కి రన్ టైమ్ 3 గంటలు.. అలాగే యానిమల్ సినిమా కూడా 3 గంటలకు పైగానే ఉంటుంది.

గత కొంతకాలంగా తన ఇన్ స్టా వేదికగా ఆరోగ్యానికి సంబంధించిన సలహాలు.. డాక్టర్ల సూచనలు అభిమానులతో పంచుకుంటుంది హీరోయిన్ సమంత. కానీ ఇటీవలే ఆమె చేసిన ఓ పోస్ట్ సోషల్ మీడియాలో తీవ్ర దుమారం రేపింది. దీంత సమంత ఇచ్చిన హెల్త్ టిప్ పై డాక్టర్స్ మండిపడుతున్నారు. ఆమె చెప్పినట్లు చేస్తే మనుషుల ప్రాణాలు పోతాయని.. ప్రజలకు ఇలాంటి సలహాలు ఇస్తున్న ఆమెను జైల్లో పెట్టాలంటూ డాక్టర్ లివర్ డాక్ విమర్శించిన సంగతి తెలిసిందే. దీంతో అతడి మాటలకు గట్టిగానే కౌంటరిచ్చింది సామ్. తనను విమర్శించడానికి ముందు తాను ట్యాగ్ చేసిన వైద్యుడితో చర్చ జరిపి ఉండాల్సిందని.. తాను డబ్బుల కోసం కాకుండా, తను అనుసరించిన విధానాలను.. డాక్టర్స్ చెప్పిన సలహాలను మాత్రం నెటిజన్లతో పంచుకుంటున్నానని తెలిపింది. సమంత, లివర్ డాక్ మధ్య నెట్టింట మాటల యుద్ధం జరిగింది. దీంతో సమంతకు సినీ ప్రముఖులు సోషల్ మీడియా వేదికగా మద్దతు తెలిపారు. డాక్టర్ లివర్ డాక్ తీరును తప్పుపట్టారు. దీంతో సమంతను విమర్శించినందుకు డాక్టర్ లివర్ డాక్ ఆమెకు క్షమాపణలు తెలిపారు. ఈ మేరకు తన ట్విట్టర్ వేదికగా సుధీర్ఘ పోస్ట్ చేశారు.

“సమంత ఆరోగ్య పరిస్థితిని నేను అర్థం చేసుకున్నాను. ఆమె త్వరగా కోలుకోవాలని కోరుకుంటున్నాను. కానీ ఆమె చెప్పిన హెల్త్ టిప్ మాత్రం సరైనది కాదు. ఆ విషయాన్ని ఖండించిన తీరుకు ఆమె బాధపడ్డారు. ఇందుకు నేను క్షమాపణలు చెబుతున్నాను. ఇది అనుకోకుండా జరిగింది. ఆమెను విమర్శించడం నా ఉద్దేశం కాదు. కానీ ఆమెకు చికిత్స చేస్తున్న డాక్టర్ ది తప్పు. తన సొంత లాభం కోసం సమంత వంటి సెలబ్రెటీల ద్వారా హనికరమైన సమాచారాన్ని ప్రజలకు అందిస్తున్నారు. అది మాత్రమే నేను ఖండిస్తున్నాను.

సమంతకు హైడ్రోజన్ పెరాక్సైడ్ తీసుకోవాలని సలహా ఇచ్చిన వ్యక్తి అసలు డాక్టర్ కాదు. అతడు ఒక ప్రకృతి వైద్యుడు. ప్రకృతి వైద్యులు ఎప్పుడూ సమాజానికి, రోగులకు , ప్రజారోగ్యానికి ప్రమాదకరమైన సలహాలు ఇస్తుంటారు. అతడిని అమెరికన్ ఇన్ స్టిట్యూట్ ఆఫ్ హెల్త్ చాలాసార్లు హెచ్చరించింది. అతను ఒక మోసగాడు” అంటూ సుధీర్ఘ నోట్ షేర్ చేశాడు డాక్టర్ లివర్ డాక్. ప్రస్తుతం అతడు చేసిన పోస్ట్ నెట్టింట వైరలవుతుంది.

I have been fighting medical/health misinformation for the longest time and it just does not seem to end. I have come to understand that the only way to fight medical misinformation is to consistently speak about it and make examples of people who mislead and misinform.

Many… pic.twitter.com/YQBHD2Fgq4

— TheLiverDoc (@theliverdr) July 6, 2024

మరిన్ని సినిమా వార్తల కోసం ఇక్కడ క్లిక్ చేయండి.

సినిమా ఓ రంగుల ప్రపంచం. ఈ సినీ పరిశ్రమలో నటీనటులుగా తమకంటూ ఓ గుర్తింపు తెచ్చుకోవాలని కోటి కలలో అడుగుపెడుతుంటారు. ముఖ్యంగా కొత్త హీరోయిన్స్ చాలా మంది వస్తుంటారు. ఒకటి రెండు చిత్రాలతో చాలా ఫేమస్ అయిపోతుంటారు. అందం, అభినయంతో ప్రేక్షకులను ఆకట్టుకుంటారు. అతి తక్కువ సమయంలోనే కథానాయికగా గుర్తింపు తెచ్చుకుంటారు. కెరీర్ ప్రారంభంలోనే ఇండస్ట్రీలోని స్టార్ హీరోల సరసన అవకాశాలు అందుకుంటారు. కానీ కొంతమంది ముద్దుగుమ్మలకు ఆ తర్వాత అదృష్టం కలిసి రాదు. ఒక్క సినిమాతో ఫేమస్ అయిపోయి వెంటనే కనుమరుగవుతారు. అందులో పైన ఫోటోలో కనిపిస్తున్న హీరోయిన్ కూడా ఒకరు. అందులో బక్కిచిక్కిపోయి గుర్తుపట్టలేనంతగా మారిపోయిన ఆ హీరోయిన్ పవర్ స్టార్ పవన్ కళ్యాణ్ సరసన నటించింది.

పవర్ స్టార్ మూవీతో ఇండస్ట్రీలో గుర్తింపు తెచ్చుకున్న ఈ బ్యూటీకి ఎందుకో ఆ తర్వాత ఛాన్సులు రాలేదు. ఆ హీరోయిన్ పేరు సారా జేన్ డయాస్. ఈ పేరు చెబితే అసలు గుర్తుపట్టలేరు. కానీ పవన్ కళ్యాణ్ నటించిన పంజా మూవీ హీరోయిన్ అంటే మాత్రం ఠక్కున గుర్తుపట్టేస్తారు. 2011లో రిలీజ్ అయిన ఈ సినిమా మంచి రివ్యూస్ అందుకుంది. ఇందులో సారా జేన్ కాస్త బొద్దుగా ఎంతో అందంగా కనిపించింది. కానీ పంజా మూవీ తర్వాత సారా తెలుగులో మరిన్ని సినిమాలు చేయలేదు. కొన్ని రోజులుగా సినిమాల్లో కనిపించని సారా.. ఇప్పుడు ఆకస్మాత్తుగా బక్కచిక్కిపోయి అసలు గుర్తుపట్టలేనంతగా మారిపోయింది.

సినిమాలకు దూరంగా ఉన్న సారా.. సోషల్ మీడియాలో చాలా యాక్టివ్ గా ఉంటుంది. నిత్యం ఫోటోస్ షేర్ చేస్తూ ఫాలోవర్లకు దగ్గరగా ఉంటుంది. సారా మన దేశ అమ్మాయి కాదు. ఒమన్ దేశానికి చెందిన సారా.. మోడలింగ్ రంగంలోకి అడుగుపెట్టింది. సినీ అవకాశాల కోసం ముంబైలోకి అడుగుపెట్టిన సారా.. మొదట్లో టీవీ షోలలో కనిపించింది. తర్వాత తమిళంలో ఓ సినిమాతో సినీరంగంలోకి అడుగుపెట్టింది. తెలుగులో పంజా సినిమాలో కనిపించిన ఈ బ్యూటీ.. ఆ తర్వాత హిందీలో అనేక సినిమాల్లో నటించింది. 2017లో చివరగా ఓ మూవీ చేసిన సారా.. ఇప్పుడు వెబ్ సిరీస్ చేస్తుంది. ప్రస్తుతం సారా వయసు 41 సంవత్సరాలు. ఇప్పటికీ పెళ్లికి దూరంగా ఉంటూ సింగిల్ లైఫ్ ఎంజాయ్ చేస్తుంది.

మరిన్ని సినిమా వార్తల కోసం ఇక్కడ క్లిక్ చేయండి.