పైన పేర్కొన్న ఫోటోలోని సర్కిల్ చేసిన బ్యూటీని గుర్తుపట్టారా.? ఈమె ఒక్కప్పుడు టాలీవుడ్‌లో క్రేజీ హీరోయిన్‌గా కుర్రకారును ఓ ఊపు ఊపింది. తెలుగులో ఈ హీరోయిన్ చేసింది తక్కువ చిత్రాలే అయినప్పటికీ.. కన్నడ భాషలో మాత్రం టాప్ స్టార్స్ సరసన నటించి మెప్పించింది. అందం, అభినయం పరంగా మంచి మార్కులు కొట్టేసింది. అలాగే గ్లామర్ షోకు ఏమాత్రం అడ్డుచెప్పలేదు ఈ బ్యూటీ. సిల్వర్ స్క్రీన్‌కి ఈ అందాల భామ గుడ్‌బై చెప్పి.. 12 ఏళ్లు అయింది. అయితే ఇటీవల ఒక ఓటీటీ సినిమా ద్వారా మళ్లీ రీ-ఎంట్రీ ఇచ్చింది. కన్నడ కాంట్రోవర్సీ స్టార్ దర్శన్‌తో ‘భగవాన్’ అనే సినిమాలో నటించి.. ఈ భామ మంచి గుర్తింపు తెచ్చుకుంది. మేము ఎవరి గురించి మాట్లాడుతున్నామో.. మీకు ఈపాటికే అర్ధమై ఉంటుంది. ఆమె మరెవరో కాదు ‘డైసీ బోపన్న’.

ఈ భామ పేరు పెద్దగా తెలుగు ప్రేక్షకులకు తెలియదు. డైసీ హీరోయిన్‌గా తెలుగులో చేసింది కేవలం మూడు సినిమాలే.. కానీ కన్నడంలో 12 చిత్రాల్లో నటించింది. అలాగే ఆ ఇండస్ట్రీలో స్టార్ హీరోలు గణేష్, శివ రాజ్‌కుమార్, ఉపేంద్ర, దర్శన్‌లతో నటించి మెప్పించింది. తెలుగులో 2004లో రవితేజ నటించిన ‘చంటి’ సినిమాతో ఇండస్ట్రీలోకి అరంగేట్రం చేసింది. ‘బింబ’, ‘భగవాన్’, ‘గరమ్ మసాలా’, ‘జాక్‌పాట్’, ‘తవారిన సిరి’ లాంటి హిట్స్ తన ఖాతాలో వేసుకుంది.

సుమారు 11 ఏళ్ల పాటు సిల్వర్ స్క్రీన్‌పై హీరోయిన్‌గా మెరిసిన ఈ బ్యూటీ 2011లో అమిత్ జాజు అనే వ్యక్తిని పెళ్లాడి.. ఆ తర్వాత సినిమాలు దూరమైంది. డైసీ బోపన్న కెరీర్‌లో 2012లో కన్నడంలో వచ్చిన ‘క్రేజీ లోక’ చివరి సినిమా. ఇక ఇప్పుడు 12 ఏళ్ల తర్వాత 2024లో ‘రష్’ అనే ఓటీటీ సినిమాతో తెలుగు ప్రేక్షకులను పలకరించింది డైసీ బోపన్న. ఇందులో రవిబాబు ప్రధాన పాత్రలో కనిపించగా.. దీనిని ఈటీవీ విన్ ఓటీటీలో చూడవచ్చు. కాగా, డైసీ బోపన్న తాజా ఫోటోలు సోషల్ మీడియాలో తెగ వైరల్ అవుతున్నాయి. లేట్ ఎందుకు మీరూ ఓ లుక్కేయండి.

ఇది చదవండి: సంతకం కింద రెండు చుక్కలు పెట్టే అలవాటు మీకుందా.? దీని అర్ధం ఏంటో తెల్సా

మరిన్ని సినిమా వార్తల కోసం ఇక్కడ క్లిక్ చేయండి

సీనియర్ హీరో సురేష్ తెలుగు ప్రేక్షకులకు సుపరిచితమే. తెలుగు రాష్ట్రానికి చెందిన వ్యక్తి.. కానీ తమిళలతోనే హీరోగా కెరీర్ ప్రారంభించాడు. పన్నీర్ పుష్పాంగళ్ సినిమాతో వెండితెరకు పరిచయమయ్యాడు. నటుడిగా, విలన్ గా పలు విభిన్న పాత్రలతో మెప్పించాడు. నటుడిగా దాదాపు 270కి పైగా సినిమాల్లో నటించారు. దర్శకుడిగా, నిర్మాతగా పలు చిత్రాలను నిర్మించారు. తెలుగు సినీ పరిశ్రమలో ఒకప్పుడు స్టార్ హీరోగా ఓ వెలుగు వెలిగారు. పుట్టింటి పట్టుచీర సినిమాతో తెలుగు తెరకు పరిచయమయ్యారు. ప్రార్ధన, సూరిగాడు, అల్లరి పిల్ల వంటి చిత్రాలతో నటించారు. దివంగత హీరోయిన్ సౌందర్యతో కలిసి అమ్మోరు, దొంగట, దేవీ పుత్రుడు వంటి చిత్రాల్లో కనిపించారు. హీరోగా నటించిన సురేష్.. ఆ తర్వాత విలన్ పాత్రలు, తండ్రి పాత్రలు పోషించి ప్రేక్షకులను అలరించారు.

చాలాకాలంపాటు అటు వెండితెరపై, ఇటు బుల్లితెరపై పలు సీరియల్స్ ద్వారా అలరించారు. సినిమాల్లో ఒకప్పుడు చాలా లావుగా కనిపించిన సురేష్.. ఆ తర్వాత ఉన్నట్లుండి సన్నబడ్డారు. కొన్నాళ్ల క్రితం 120 కిలోల బరువుతో ఉన్న సురేష్.. ఆ తర్వాత స్లిమ్ అయ్యింది. ఇదంతా పక్కన పెడితే ఇప్పుడు సినీ పరిశ్రమకు దూరంగా ఉంటున్నారు. సురేష్ పర్సనల్ లైఫ్ గురించి జనాలకు అంతగా తెలియదు. అలాగే అతడి కొడుకు గురించి కూడా ఎప్పుడూ ఎక్కడ మాట్లాడలేదు సురేష్. సినిమాల్లో కెరీర్ మంచి ఫాంలో ఉన్నప్పుడే అనిత అనే ఆమెను ప్రేమించి పెళ్లి చేసుకున్నారు. 1990లో వీరి పెళ్లి జరగ్గా..1995లో విడిపోయారు. వీరికి ఒక బాబు ఉన్నారు.

ఆ తర్వాత సురేష్ మరో వివాహం చేసుకున్నాడు. కానీ తన వ్యక్తిగత జీవితానికి సంబంధించిన విషయాలు అంతగా ఎవరితోనూ పంచుకోడు. ఇక సురేష్ మొదటి భార్యలో అమెరికాకు చెందిన ఓ వ్యక్తిని పెళ్లి చేసుకుని అక్కడే సెటిల్ అయిపోయింది. అలాగే సురేష్ కొడుకు కూడా ఆమెతోపాటే అమెరికాలో తల్లివద్దే ఉంటున్నాడు. సురేష్ కొడుకు పేరు నిఖిల్ సురేష్. తాజాగా సురేష్ కొడుకు ఫోటోస్ సోషల్ మీడియాలో వైరలవుతున్నాయి.

మరిన్ని సినిమా వార్తల కోసం ఇక్కడ క్లిక్ చేయండి.

టాలీవుడ్ స్టార్ హీరోయిన్ సమంత అనుకోకుండా ఓ వివాదంలో ఇరుక్కుంది. తన అభిమానులకు హెల్త్ టిప్స్ ఇచ్చే ప్రయత్నంలో ఆమె షేర్ చేసిన ఒక పోస్ట్ ఇప్పుడామెను చిక్కుల్లో పడేసింది. దీనిపై డాక్టర్లతో పాటు పలువురు ప్రముఖులు మండిపడుతున్నారు. తాజాగా ప్రముఖ బ్యాడ్మింటన్ ప్లేయర్ కూడా సమంతపై తీవ్ర ఆగ్రహం వ్యక్తం చేసింది. ఇలాంటి సలహాలు వికటించి ప్రాణాలు పోతే బాధ్యత తీసుకుంటావా? అని సామ్ ను సూటిగా ప్రశ్నించింది జ్వాల. ఈ మేరకు సోషల్ మీడియాలో ఆమె షేర్ చేసిన పోస్ట్ ఇప్పుడు సామాజిక మాధ్యమాల్లో తెగ వైరలవుతోంది.
వివరాల్లోకి వెళితే.. మయోసైటిస్ తో బాధపడుతోన్న సామ్ ఇటీవల సోషల్ మీడియాలో ఫుల్ యాక్టివ్ గా ఉంటోంది. తన ఫిట్ నెస్ తో పాటు హెల్త్ టిప్స్ ను ఎప్పటికప్పుడు తన ఫాలోవర్లతో షేర్ చేసుకుంటోంది. అలా తాజాగా సామ్ షేర్ చేసిన ఒక పోస్ట్ వివాదానికి దారితీసింది. నెబ్యులైజర్ ను ఉపయోగిస్తున్న ఒక ఫొటోను షేర్ చేసిన ఆమె.. ‘సాధారణ వైరల్ ఇన్ఫెక్షన్లు వచ్చినప్పుడు డిస్టిల్డ్ వాటర్ లో హైడ్రోజన్ పెరాక్సైడ్ కలిపి నెబ్యులైజర్ చేయండి’ అని సలహా ఇచ్చింది. ఈ పోస్ట్ కొద్ది క్షణాల్లోనే వైరల్ గా మారింది. సామ్ పోస్ట్ ను చూసిన పలువురు డాక్టర్లు స్పందించారు. ఆమె చెప్పిన సలహా పాటిస్తే ప్రాణానికే ప్రమాదమని హెచ్చరించారు. సెలబ్రిటీ ముసుగులో ఇలా తప్పుడు సమాచారం ప్రచారం చేస్తూ జనాలను తప్పుదోవ పట్టిస్తున్న సమంతను జైల్లో పెట్టాలని భగ్గుమన్నారు డాక్టర్.

ఇప్పుడిదే విషయంపై ప్రముఖ బ్యాడ్మింటన్ ప్లేయర్ గుత్తా జ్వాల కూడా ఘాటుగా స్పందించిది. ఈ మేరకు సోషల్ మీడియాలో ఒక పోస్ట్ పెట్టిందామె. జనాలకు ఆరోగ్య సూచనలుఇస్తున్న సెలబ్రిటీలను నేను ఒకే ఒక్క ప్రశ్న అడుగుతున్నాను. మీ చికిత్సా విధానం అవతలివారికి ఉపయోగపడకపోగా చనిపోతే పరిస్థితేంటి? ఎదుటివారికి సాయం చేయాలన్న మీ ఆలోచన మంచిదే.. కాదనను.. కానీ జరగరానిది జరిగితే ఏం చేస్తారు? దానికి మీరు బాధ్యత వహిస్తారా? మీకు సలహా ఇచ్చిన డాక్టర్‌ బాధ్యత తీసుకుంటారా?’ అంటూ ట్విట్టర్ వేదికగా సామ్ పై విమర్శలు కురిపించింది జ్వాల.

My only question to the celeb who’s prescribing a medicine to the huge number of people who are following her…
I ustand the intention is to help….
But…just in case..just in case the prescription doesn’t help and causes a fatality…will u be taking the RESPONSIBILITY too?????…

— Gutta Jwala 💙 (@Guttajwala) July 5, 2024

Left: Influential Indian actress Ms. Samantha Ruth who is unfortunately a health and science illiterate advising millions of her followers to inhale hydrogen-peroxide to prevent and treat respiratory viral infections.

Right: Scientific society, The Asthma and Allergy Foundation… pic.twitter.com/Ihn2xocKUt

— TheLiverDoc (@theliverdr) July 4, 2024

మరిన్ని సినిమా వార్తల కోసం ఇక్కడ క్లిక్ చేయండి.

బాలీవుడ్ మిస్టర్ పర్పెక్షనిస్ట్ ఆమిర్ ఖాన్ తనయుడు జునైద్ ఖాన్ నటించిన మొదటి సినిమా ‘మహారాజ్’. విడుదలకు ముందే ఈ సినిమా వార్తల్లో నిలిచింది. ముఖ్యంగా ఈ సినిమా విడుదల చేయకూడదని హిందూత్వ వాదులు ఆందోళనలు, నిరసనలు నిర్వహించారు. దీంతో మొదట ఈ సినిమాను రిలీజ్ చేయవద్దని న్యాయస్థానం ఆదేశాలు జారీ చేసింది. అయితే సెన్సార్ బోర్డు ఈ సినిమాను వీక్షించి క్లియరెన్స్ ఇవ్వడంతో సినిమా ఆడియెన్స్ ముందుకు వచ్చింది. అది కూడా డైరెక్టుగా ఓటీటీలోనే. మహరాజ్ సినిమా ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో జూన్ 22న ఈ సినిమా అందుబాటులోకి వచ్చింది. హిందీతో పాటు తెలుగు తదితర భాషల్లోనూ ఈ సినిమా స్ట్రీమింగ్ అవుతోంది. ఇప్పుడీ మహరాజ్ సినిమా ఓటీటీలో రికార్డులు కొల్లగొడుతోంది. ప్రస్తుతం ఇండియా లోనే నెంబర్ 1 సినిమా ట్రెండింగ్ అవుతుండగా గ్లోబల్ గా కూడా ఏకంగా 22 దేశాల్లో మహరాజా ట్రెండ్ అవుతుందట. ఇది కాకుండా గత వారం రోజుల ఛార్ట్స్ లో అయితే ఈ సినిమాకి నెట్ ఫిక్స్ లో ఏకంగా 5.3 మిలియన్ వ్యూస్
వచ్చాయట. దీనిని బట్టి చూస్తే ఓటీటీలో మహరాజ్ సినిమాకు ఎలాంటి రెస్పాన్స్ ఉందో ఇట్టే అర్థం చేసుకోవచ్చు.

సౌరభ్ షా రచించిన ‘మహారాజ్’ పుస్తకం ఆధారంగా మహరాజ్ సినిమా తెరకెక్కుతోంది. బాలీవుడ్‌లోని ప్రతిష్టాత్మక నిర్మాణ సంస్థ ‘యష్ రాజ్ ఫిల్మ్స్’ ఈ చిత్రాన్ని నిర్మించింది. ఈ సినిమా కథ విషయానికి వస్తే.. దైవ సన్నిధిలో ఉంటూ భగవంతునితో సమానంగా సేవలు అందుకునే ఓ దొంగ బాబా ఆడవాళ్లపై చేసిన అకృత్యాలు, వాటి వల్ల నష్టపోయిన ఓ యువ జర్నలిస్ట్ చేసిన పోరాటం ఇతివృత్తంగా ఈ మూవీ నడుస్తోంది. ఇందులో దొంగ బాబా పాత్రలో ‘పాతాల్ లోక్’ ఫేమ్ జైదీప్ అహ్లావత్ నటించాడు. అలాగే యువ జర్నలిస్ట్ గా ఆమీర్ ఖాన కొడుకు జునైద్ ఖాన్ నటించాడు. అలాగే ఈ సినిమాలో ఒక హీరోయిన్ గా అర్జున్ రెడ్డి బ్యూటీ షాలిని పాండే కూడా ఓ కీలక పాత్రలో మెరిసింది. వాస్తవిక సంఘటన నేపథ్యంలో తెరకెక్కిన ఈ సినిమాను చూడాలనుకునేవారు నెట్‌ ఫ్లిక్స్ లో అందుబాటులో ఉంది.

నెట్ ఫ్లిక్స్ లో స్ట్రీమింగ్..

Based on true events from the 1860s – Maharaj is now streaming, only on Netflix. pic.twitter.com/QlleHUV8dq

— Netflix India (@NetflixIndia) June 22, 2024

తెలుగులోనూ అందుబాటులోకి..

“सवाल ना पूछ सके वो भक्त अधूरा और जवाब ना दे सके वो धर्म”

‘મહારાજ’ ફિલ્મ સારી છે, પણ વ્યાભિચાર અને એ સમયના સમાજ સુધારક કરસન મુળજીના સંઘર્ષ પર લખેલા પુસ્તકની સામે ૨ કલાકની ફિલ્મ નાની લાગી. પણ દરેક લોકોએ ખાસ જોવી જોઈએ.#Maharaj #JunaidKhan #Netflix
@hisaurabhshah pic.twitter.com/2rBCOypliQ

— Vikas (@Vikass_Leuva) June 22, 2024

మరిన్ని సినిమా వార్తల కోసం ఇక్కడ క్లిక్ చేయండి.

సినీ పరిశ్రమలో క్యాస్టింగ్ కౌచ్ అనేది చాలా వాస్తవం. ఇండస్ట్రీలో తమకు ఎదురయ్యే చేదు అనుభవాల గురించి ఇప్పటికే చాలా మంది హీరోయిన్స్ బయటపెట్టారు. ఆఫర్స్ కోసం సినీరంగంలో అడుగుపెట్టినప్పుడు దర్శకనిర్మాతలు, హీరోస్, క్యారెక్టర్ ఆర్టిస్టుల నుంచి తమకు ఎదురైన కఠిన పరిస్థితుల గురించి అనేక విషయాలను.. వేధింపులు, ఒత్తిడిని ఎదుర్కొవాల్సి వచ్చినప్పటి భయంకర రోజులను గుర్తుచేసుకున్నారు. అయితే కొంత మంది తారలు ఇప్పటికీ తనకు ఎదురైన పరిస్థితుల గురించి బహిరంగంగా చెప్పడానికి భయపడుతున్నారు. ఇప్పటికే మీటూ ఉద్యమం పేరుతో క్యాస్టింగ్ కౌచ్ గురించి ఇండస్ట్రీలో పెద్ద ఎత్తున ఉద్యమం జరిగింది. తాజాగా మరాఠీ ఇండస్ట్రీలో మంచి గుర్తింపు తెచ్చుకున్న సాయి తమ్‏హంకర్ తాను ఎదుర్కొన్న అనుభవాన్ని చెప్పుకొచ్చింది. ఇటీవల ఓ ఇంటర్వ్యూలో పాల్గోన్న సాయి తమ్‏హంకర్ మాట్లాడుతూ.. కెరీర్ ప్రారంభంలో తనకు వచ్చిన ఫోన్ కాల్ గురించి తెలిపింది.

మిస్ మాలినికి ఇచ్చిన ఇంటర్వ్యూలో సాయి తమ్‏హంకర్ మాట్లాడుతూ ఒక వ్యక్తి నుంచి తనకు ఫోన్ కాల్ వచ్చిందని.. సినిమా ఆఫర్ కావాలంటే రాత్రంతా సినిమా దర్శకుడు, నిర్మాతతో గడపాలని చెప్పాడని గుర్తుచేసుకుంది. “ఒక రోజు తెలియని వ్యక్తి నుంచి నాకు ఫోన్ కాల్ వచ్చింది. ఒక సినిమాలో నన్ను హీరోయిన్ గా ఎంపిక చేశారని.. కానీ అందుకు దర్శకుడు లేదా నిర్మాతతో రాత్రంతా గడపాలని అన్నాడు. అందుకు నేను రియాక్ట్ అవుతూ మీ అమ్మను ఎందుకు పంపకూడదు అని అడిగాను. అందుకు ఆ వ్యక్తి మౌనంగా ఉండిపోయాడు. దాదాపు పది సెకన్లపాటు అతడు ఏం మాట్లాడులేదు. ఆ తర్వాత నాకెప్పుడు ఫోన్ చేయకూడదని చెప్పి నేను ఫోన్ కట్ చేశాను. ఈ ఘటన తర్వాత నాకు ఇప్పటివరకు మళ్లీ అలాంటి పరిస్థితి ఎదురుకాలేదు. మనకు సరైనది కాదని తెలిసిన విషయంపై ధైర్యంగా వాయిస్ ఇవ్వాలని నాకు అప్పుడే అర్థమయ్యింది ” అంటూ చెప్పుకొచ్చింది.

సాయి తమ్‏హంకర్ మరాఠీ కుటుంబంలో జన్మించింది. 17 ఏళ్ల వయసులోనే పలు సీరియల్స్ లో సైడ్ రోల్స్ చేసింది. ఆ తర్వాత మెల్లిగా బాలీవుడ్ సినిమాల్లో అవకాశాలు అందుకుంది. అమీర్ ఖాన్ నటించిన గజిని సినిమా జియా ఖాన్ పాత్రకు స్నేహితురాలిగా కనిపించింది. ఆ తర్వాత మరాఠీలో ఝకాస్, రీటా వంటి చిత్రాలతో గుర్తింపు తెచ్చుకుంది. హంటర్, లవ్ సోనియా, మిమీ చిత్రాల్లో కనిపించింది. నెట్ ఫ్లిక్స్ ఓటీటీలో స్ట్రీమింగ్ అయిన భక్షక్ మూవీలో పోలీసు పాత్రలో కనిపించింది.

మరిన్ని సినిమా వార్తల కోసం ఇక్కడ క్లిక్ చేయండి.