27 జూలై 1990న దేశ రాజధాని ఢిల్లీలో ఓ పంజాబ్ హిందూ కుటుంబంలో పుట్టి పెరిగింది వయ్యారి భామ కృతి సనాన్. ఈ బ్యూటీ తండ్రి రాహుల్ సనన్ చార్టర్డ్ అకౌంటెంట్, తల్లి గీతా సనన్ ఢిల్లీ యూనివర్సిటీలో ఫిజిక్స్ ప్రొఫెసర్. ఈమెకు నూపుర్ సనాన్ అనే ఓ చెల్లెలు కూడా ఉంది. ఈమె కూడా ఓ హీరోయిన్.
దేశ రాజధాని ఢిల్లీలోని R. K. పురంలో ఢిల్లీ పబ్లిక్ స్కూల్ లో పాఠశాల విద్యను అభ్యసించింది ఈ అందాల భామ. నోయిడాలోని జేపీ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ నుండి ఎలక్ట్రానిక్స్ అండ్ టెలికమ్యూనికేషన్ ఇంజనీరింగ్‌లో బ్యాచిలర్ ఆఫ్ టెక్నాలజీ డిగ్రీ పట్టా పొందింది.
ఇన్‌స్టాగ్రామ్‌లో 54 మిలియన్ల మంది ఫాలోయర్స్ తో సోషల్ మీడియాలో తనకంటూ ఓ ప్రత్యేక స్థానం సంపాదించుకుంది. 2021లో ఆమె డిజైనర్ మనీష్ మల్హోత్రా బ్రైడల్ కలెక్షన్ “నూరానియత్” బ్రాండ్ కోసం మోడల్ గా చేసింది ఈ అందాల తార.
కోకా-కోలా, టైటాన్స్ రాగా, పారాచూట్, టిస్సాట్‌తో సహా ఇటీవల జూనియర్ ఎన్టీఆర్ తో కలిసి అప్పి ఫిజ్ వంటి బ్రాండ్ల ప్రకటనలలో నటించింది. వీటితో పాటు చాల ప్రకటనల్లో కనిపించింది ఈ వయ్యారి భామ.
2014లో తెలుగు సినిమా 1: నేనొక్కడినేతో మహేష్ బాబు సరసన కథానాయకిగా సినీరంగప్రవేశం చేసింది. హీరోపంతితో బాలీవుడ్ లో తొలిసారి నటించింది. తర్వాత తెలుగులో దోచెయ్ లో కనిపించింది. తర్వాత మరి ఇంకా తెలుగు సినిమాలో కనిపించలేదు. 2023లో ఆదిపురుష్ తో మరోసారి తెలుగులో కనిపించింది.
