విశ్వనాయకుడు కమల్ హాసన్ ప్రధాన పాత్రలో నటించిన లేటేస్ట్ సినిమా భారతీయుడు 2. డైరెక్టర్ శంకర్ దర్శకత్వం వహించిన ఈ సినిమా 28 ఏళ్ల క్రితం సూపర్ హిట్ అయిన భారతీయుడు సినిమాకు సీక్వెల్. దీంతో ఈమూవీపై ముందు నుంచి భారీ అంచనాలను నెలకొనగా.. జూలై 12న తెలుగుతోపాటు తమిళంలోనూ విడుదలైన ఈ మూవీ మిక్స్డ్ టాక్ అందుకుంది. అంతేకాదు.. నిడివి ఎక్కువగా ఉందని.. శంకర్ మార్క్ మిస్సైందంటూ విమర్శలు వచ్చాయి. దీంతో ఈమూవీ అంతగా కలెక్షన్స్ కూడా రాబట్టలేకపోయింది. కమల్ హాసన్, శంకర్ కాంబోలో వచ్చిన ఈ సినిమా ఆశించిన స్థాయిలో వసూళ్లు రాబట్టడం లేదు. దీంతో ఈసినిమా అనుకున్నదాని కంటే ముందుగానే ఓటీటీలోకి రాబోతున్నట్లు తెలుస్తోంది. తాజా సమాచారం ప్రకారం ఈ సినిమా ఓటీటీ స్ట్రీమింగ్ హక్కులను ప్రముఖ ఓటీటీ ప్లాట్ ఫామ్ నెట్ ఫ్లిక్స్ సొంతం చేసుకున్నట్లు తెలుస్తోంది.
అటు ఈ మూవీ థియేట్రికల్ రన్ కూడా సరిగ్గా లేకపోవడంతో ఈ చిత్రాన్ని వీలైనంత త్వరగా ఓటీటీలోకి తీసుకువచ్చే ప్రయత్నాలు చేస్తున్నారు మేకర్స్. లేటేస్ట్ అప్డేట్ ప్రకారం ఈ సినిమాను ఆగస్ట్ 2 నుంచి నెట్ ఫ్లిక్స్ ఓటీటీలో స్ట్రీమింగ్ చేయనున్నట్లు తెలుస్తోంది. త్వరలోనే దీనిపై అధికారిక ప్రకటన రానుందనే టాక్ నెట్టింట వినిపిస్తుంది. రూ. 200 కోట్ల బడ్జెట్ తో నిర్మించిన ఈ సినిమాను గత ఆరేళ్ల క్రితమే స్టార్ట్ చేయగా.. అనుహ్య కారణాలతో షూటింగ్ ఆలస్యమవుతూ వచ్చింది. ఇక రెండేళ్లు షూటింగ్ జరుపుకున్న ఈ సినిమా.. ఎట్టకేలకు అడియన్స్ ముందుకు వచ్చింది. కానీ ఈ సినిమాలో కమల్ హాసన్ యాక్టింగ్ అదరగొట్టినప్పటికీ శంకర్ మార్క్ మాత్రం మిస్సైందంటూ అసహనం వ్యక్తం చేశారు అడియన్స్. ఇప్పటివరకు ఇండియన్ 2 సినిమా కేవలం రూ.100 కోట్లు గ్రాస్ మాత్రమే రాబట్టినట్లు సమాచారం. తమిళంతోపాటు తెలుగు, హిందీలోనూ పెద్దగా వసూళ్లు రావడం.
28 ఏళ్ల క్రితం సూపర్ హిట్ అయిన భారతీయుడు సినిమాకు సీక్వెల్ గా రూపొందించిన ఈచిత్రానికి మరో కొనసాగింపుగా భారతీయుడు 3 కూడా రూపొందించారు.ఈ సినిమాకు సంబంధించిన ట్రైలర్ ను ఇండియన్ 2 చిత్రానికి అటాచ్ చేయగా.. పార్ట్ 3పై మరింత అంచనాలు ఏర్పడ్డాయి. దీంతో ఈ సినిమాను వచ్చే ఏడాది రిలీజ్ చేయాలంటూ కోరుతున్నారు. ఈ సినిమాలో సిద్ధార్థ్, రకుల్ ప్రీత్ సింగ్, కాజల్ కీలకపాత్రలు పోషించారు.
మరిన్ని సినిమా వార్తల కోసం ఇక్కడ క్లిక్ చేయండి.
