దుల్కర్‌ సల్మాన్‌, మీనాక్షి చౌదరి జంటగా తెరకెక్కుతున్న లక్కీ భాస్కర్‌ సినిమా సెప్టెంబర్‌ 7న విడుదల కానుంది. ఫార్చ్యూన్ ఫోర్‌ సినిమాస్‌తో కలిసి సితార ఎంటర్‌టైన్‌మెంట్స్ ఈ సినిమాను తెరకెక్కిస్తోంది. శ్రీకర స్టూడియోస్‌ సమర్పిస్తున్న సినిమా లక్కీ భాస్కర్‌. తెలుగుతో పాటు మలయాళం, హిందీ, తమిళంలో విడుదల కానుంది.
టబు నటించిన ఔరో మే కహా దమ్‌ థా సినిమా ఆగస్టు 2న విడుదల కానుంది. ఈ సినిమా ప్రమోషన్లలో తన అభిరుచులను పంచుకున్నారు టబు. తాను సినిమాలకు సంతకం చేసేటప్పుడు మూడు విషయాలను దృష్టిలో ఉంచుకుంటానని అన్నారు నటి టబు. కథ, ఆ కథాంశంపై తన ప్రభావం, ఆ కథను ప్రేక్షకులకు పరిచయం చేసే డైరక్టర్‌ని దృష్టిలో ఉంచుకుంటానని చెప్పారు.
సామాజిక బాధ్యత గురించి, డ్రగ్స్ మీద అవగాహన కల్పించడం గురించి తాను భారతీయుడు 2 ప్రెస్‌మీట్లో స్పందించిన తీరు గురించి మాట్లాడారు నటుడు సిద్ధార్థ్‌. తాను ఓ కోణంలో చెబితే దాన్ని కొందరు మరో కోణంలో చిత్రీకరించారని తెలిపారు. ప్రతి నటుడూ సామాజిక బాధ్యత కలిగి ఉంటాడని అన్నారు. సీఎం సర్‌.. మేం ఎప్పుడూ మీతోనే అని ఆ పోస్టులో పేర్కొన్నారు.
త్రిష పోలీస్‌ ఆఫీసర్‌గా నటించిన వెబ్‌ సీరీస్‌ బృందా. సూర్య వంగల దర్శకత్వం వహించారు. ఈ సీరీస్‌ ఆగస్టు 2 నుంచి స్ట్రీమింగ్‌ కానుంది. క్రైమ్‌ ఇన్వెస్టిగేషన్‌ నేపథ్యంలో సాగే కథతో రూపొందింది ఈ వెబ్‌సీరీస్‌. చేతినిండా సినిమాలతో బిజీగా ఉన్న త్రిష, ఈ కథ, కథనాలు నచ్చడంతో వెబ్‌సీరీస్‌కి గ్రీన్‌ సిగ్నల్‌ ఇచ్చి చేశారని తెలిపారు మేకర్స.
కేరింత ఫేమ్‌ పార్వతీశం, ప్రణీకాన్వికా జంటగా నటించిన సినిమా మార్కెట్‌ మహాలక్ష్మి. ఏప్రిల్‌ 19న థియేటర్లలో విడుదలైన ఈ సినిమా ఇప్పుడు ఆహాలో ప్రసారమవుతోంది. ఓటీటీలో విడుదలైన కొద్ది గంటల్లోనే ప్రేక్షకుల నుంచి మంచి ఆదరణ పొందింది మార్కెట్‌ మహాలక్ష్మి. కుటుంబంతో కలిసి చూడదగ్గ సినిమా అని అన్నారు పార్వతీశం.