కెరీర్ చివరి దశకు వచ్చినపుడు ఛాలెంజింగ్ రోల్స్ చేయడానికి ఎక్కువగా ఆసక్తి చూపిస్తుంటారు హీరోయిన్లు. ఈ క్రమంలోనే అప్పుడప్పుడూ బోల్డ్ కారెక్టర్స్ వైపు అడుగులేస్తుంటారు.
ఈ మధ్య ఓ సీనియర్ హీరోయిన్ వరసగా ఇదే చేస్తున్నారు. ఓ వైపు సపోర్టింగ్ రోల్స్ చేస్తూనే.. మరోవైపు గ్లామర్ డోస్ ఎక్కువగా ఉన్న పాత్రలపై కన్నేస్తున్నారు.
ఇంతకీ ఎవరా సీనియర్ బ్యూటీ..? అంజలి.. ఈ పేరు వినగానే సీతమ్మ వాకిట్లో సిరిమల్లె చెట్టు, గీతాంజలి లాంటి సినిమాలు గుర్తుకొస్తాయి. అలాంటి క్లీన్ ఇమేజ్ తెచ్చుకున్నారు ఈ సీనియర్ హీరోయిన్.
కానీ ఈ మధ్య బోల్డ్ కారెక్టర్స్ వైపు అడుగులేస్తున్నారు ఈ భామ. ముఖ్యంగా వెబ్ సిరీస్‌లలో కోసం కాస్త ఘాటైన పాత్రలు చేస్తున్నారు. తాజాగా బహిష్కరణ అనే సిరీస్‌లో వేశ్యగా నటిస్తున్నారు అంజలి.
ఈ మధ్య సినిమాలతో పాటు వెబ్ సిరీస్‌లకు టైమ్ బాగానే కేటాయిస్తున్నారు అంజలి. ఈ క్రమంలోనే ఈమె నటిస్తున్న బహిష్కరణ సిరీస్ టీజర్ విడుదలైంది. మొన్నామధ్య గ్యాంగ్స్ ఆఫ్ గోదావరిలోనూ గ్లామర్ కారెక్టర్ చేసారు అంజలి.
రామ్ చరణ్ హీరోగా నటిస్తున్న గేమ్ ఛేంజర్‌లోనూ కీలక పాత్రలో నటిస్తున్నారు ఈ భామ. సినిమాల వరకు గ్లామర్ డోస్ కాస్త తక్కువగానే ఉన్నా.. వెబ్ సిరీస్‌లలో మాత్రం అస్సలు తగ్గదే లే అంటున్నారు అంజలి.
పావ కదైగాల్ సిరీస్‌లో లెస్బియన్ పాత్రలో నటించారు ఈ భామ. అలాగే ఝాన్సీలోనూ ఇంటిమేట్ సీన్స్ చేసారు. మొత్తానికి కెరీర్ చివరిదశలో డేరింగ్ కారెక్టర్స్ చేస్తూ ఔరా అనిపిస్తున్నారు రాజోలు సుందరి.