బాలీవుడ్ క్యూట్ కపుల్ రణవీర్ సింగ్, దీపికా పదుకొణె త్వరలోనే అమ్మానాన్నలుగా ప్రమోషన్ పొందనున్నారు. ప్రస్తుతం గర్భంతో ఉన్న దీపికా పదుకొణె సెప్టెంబర్ పండంటి బిడ్డకు జన్మనివ్వనుంది. దీంతో దీపికకు పుట్టబోయేది ఆడబిడ్డ? మగబిడ్డా? అంటూ అప్పుడే సోషల్ మీడియాలో తీవ్ర చర్చ జరుగుతోంది. కొందరు జ్యోతిష్యులు, స్వామీజీలు కూడా దీపికకు పుట్టబోయే బిడ్డపై జోస్యం చెబుతున్నారు. ఇదే విషయంపై గతంలో రణవీర్ చేసిన కామెంట్స్ ఇప్పుడు వైరల్‌గా మారాయి. ఇందులో తనకు అబ్బాయి కావాలా.. అమ్మాయి కావాలా అనే ప్రశ్నకు రణ్వీర్ చాలా మంచి సమాధానమిచ్చాడు. రణ్వీర్ సింగ్ చివరిగా ‘జయేష్‌భాయ్ జోర్దార్’ సినిమాలో నటించాడు. ఈ సినిమా ప్రమోషన్ సమయంలో ‘అబ్బాయి కావాలా.. అమ్మాయి కావాలా’ అన్న ప్రశ్న ఎదురైంది. ఈ సందర్భంగా రణవీర్ సింగ్ మాట్లాడుతూ ‘అది నా చేతుల్లో లేదు’ అని ఆన్సర్ ఇచ్చారు. అలాగే మరో ఇంటర్వ్యూలో ‘నాకు ఆడపిల్ల కావాలి. దీపిక లాంటి కూతురు కావాలి’ అని రణ్వీర్ చెప్పుకొచ్చాడు. ప్రస్తుతం ఈ కామెంట్స్ నెట్టింట తెగ వైరలవుతున్నాయి. దీపికపై రణ్ బీర్ కు ఉన్న ప్రేమకు ఇది నిదర్శనమంటూ అభిమానులు, కామెంట్లు కురిపిస్తున్నారు.
ఇవి కూడా చదవండి
కాగా దీపికా పదుకొణె, రణవీర్ సింగ్ ఒకరినొకరు ప్రేమించి పెళ్లి చేసుకున్నారు. ఈ జంట నవంబర్ 2018 లో ఇటలీలో వివాహం చేసుకున్నారు. ఈ నేపథ్యంలో పెళ్లైన సుమారు ఆరేళ్లకు దీపిక గర్భం దాల్చడంతో రణ్ వీర్ ఆనందానికి అవధుల్లేవు. ఇక సినిమాల విషయానికి వస్తే.. ‘కల్కి 2898 AD’ సినిమా విజయంతో దీపికా పదుకొణె ఆనందంగా ఉంది. ఇది కాకుండా ఆమె రోహిత్ శెట్టి తెరకెక్కిస్తోన్న సింగం ఎగైన్‌లో నటిస్తోంది. ఈ సినిమాలో రణవీర్ సింగ్ కూడా నటిస్తున్నాడు. ఇక రణవీర్ సింగ్ సినిమాల విషయానికి వస్తే.. ‘డాన్ 3’లో హీరోగా నటిస్తున్నాడు. గతంలో షారుక్ ఖాన్ ‘డాన్’ సిరీస్‌లో కనిపించాడు. ఇప్పుడు ఆ స్థానాన్ని రణవీర్ భర్తీ చేస్తున్నాడు. దీంతో పాటు ‘శక్తిమాన్’ సినిమా కూడా రణ్ వీర్ చేతిలోనే ఉంది.
కల్కి సినిమా ప్రమోషన్లలో దీపికా పదుకొణె..
Cutest moment of the day! 🤩❤️#Kalki2898AD @SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms @Kalki2898AD @saregamaglobal @saregamasouth #Kalki2898ADonJune27 pic.twitter.com/B7JBc2tWpG
— Kalki 2898 AD (@Kalki2898AD) June 19, 2024
దీపిక పదుకొణె లేటెస్ట్ ఇన్ స్టా గ్రామ్ ఫొటోలు..
కల్కి సినిమాలో దీపికా పదుకొణె..
మరిన్ని సినిమా వార్తల కోసం ఇక్కడ క్లిక్ చేయండి.
