బాలీవుడ్ హీరో హృతిక్ రోషన్ గత కొన్నాళ్లుగా తన సినిమాల కంటే తన వ్యక్తిగత జీవితంతోనే ఎక్కువగా వార్తల్లో నిలుస్తున్నాడు. తన మాజీ భార్య సుస్సానే ఖాన్‌తో విడాకులు తీసుకున్న తర్వాత హృతిక్ బాలీవుడ్ సింగర్ సబా ఆజాద్‌తో డేటింగ్ చేస్తున్న సంగతి తెలిసిందే. వీరిద్దరు కలిసి బాలీవుడ్ ఈవెంట్స్, పార్టీలలో కలిసి పాల్గొన్నారు. మరోవైపు సుస్సానే ఖాన్ కూడా జీవితంలో ముందుకు సాగింది. హృతిక్ రోషన్, సుస్సానే ఖాన్ జంటకు మంచి ఫాలోయింగ్ ఉంది.. కానీ గతంలో వీరిద్దరు విడాకులు ప్రకటించడం అభిమానులు ఒక్కసారిగా షాకయ్యారు. హృతిక్ రోషన్ మల్టీ మిలియనీర్. హృతిక్ రోషన్, సుస్సానే ఖాన్ తమ విడాకుల గురించి ఎప్పుడూ పెద్దగా మాట్లాడలేదు. హృతిక్ రోషన్, సుస్సానే దంపతులకు ఇద్దరు పిల్లలు. విడాకుల తర్వాత వీరిద్దరు స్నేహితులుగా కొనసాగుతున్నారు.
హృతిక్ రోషన్, సుస్సానే ఖాన్ విడాకులు అత్యంత ఖరీదైన విడాకులు అని అప్పట్లో బాలీవుడ్ ఇండస్ట్రీలో పెద్ద ప్రచారం నడిచింది. విడాకుల తర్వాత తన మాజీ భార్య సుస్సానే ఖాన్ కు రూ.400 కోట్లు చెల్లించినట్లు వార్తలు వినిపించాయి. దీంతో ఆ సమయంలో సుస్సానే ఖాన్‌పై కూడా ప్రజలు విమర్శలు గుప్పించారు. సుస్సానే ఖాన్ హృతిక్ రోషన్ నుండి భరణంగా 400 కోట్లు డిమాండ్ చేసిందని.. దీంతో ఆ మొత్తాన్ని సుస్సానేకి ఇచ్చాడని కొన్ని నివేదికలు వెల్లడించారు. ఇంత భారీ భరణం అందుకున్నందుకు సుస్సానే పై అడియన్స్ తీవ్ర ఆరోపణలు చేశారు. అయితే తనపై వచ్చిన నెగిటివిటీ పై సుస్సానే స్పందించలేదు. అయితే ఈ విషయాన్ని హృతిక్ రోషన్ వెల్లడించాడు.
400 కోట్ల భరణం తర్వాత హృతిక్ రోషన్ సోషల్ మీడియాలో ఓ పోస్ట్ షేర్ చేశాడు. ఇందులో సుస్సానేకి భరణంగా 400 కోట్లు చెల్లించారనే టాక్ తప్పని హృతిక్ రోషన్ క్లియర్ గా వెల్లడించాడు. ఈ విషయాలు తప్పు. కారణం లేకుండా ఇది ఒక రకమైన వేధింపు అని హృతిక్ రోషన్ చెప్పాడు. సుస్సానే ఖాన్ తన నుండి భరణంగా ఎటువంటి మొత్తాన్ని తీసుకోలేదని వెల్లడించాడు. అయితే, బాలీవుడ్‌లో సుస్సానే ఖాన్, హృతిక్ రోషన్‌ల విడాకులు అత్యంత ఖరీదైనవి అనే టాక్ ఇప్పటికీ ఉంది. ఇటీవలే భారత క్రికెటర్ హార్దిక్ పాండ్యా ఇటీవల తన భార్య నటాషాతో విడాకులు తీసుకున్నాడు.
మరిన్ని సినిమా వార్తల కోసం ఇక్కడ క్లిక్ చేయండి.
