ప్రభాస్ హీరోగా నటించిన కల్కి 2898 ఏడీసినిమా జూన్ 27న థియేటర్లలోకి వచ్చింది. ఈ సినిమా ఇండియాలోనే కాకుండా విదేశాల్లో కూడా భారీ వసూళ్లను రాబట్టింది. మొదటి షో నుంచే పాజిటివ్ టాక్ సొంతం చేసుకొని బ్లాక్ బస్టర్ గా నిలిచింది ఈ సినిమా. మొదటి రోజే భారీగా వసూల్ చేసింది ఈ సినిమా.. కేవలం 5 రోజుల్లోనే ఈ సినిమా ప్రపంచ వ్యాప్తంగా రూ. 555 కోట్ల రూపాయల బిజినెస్ చేసింది. ఈ సినిమాలో ప్రభాస్, అమితాబ్ బచ్చన్ మధ్య పోరు ప్రేక్షకులను విపరీతంగా ఆకట్టుకుంది. ఈ సినిమాలో అమితాబ్ బచ్చన్ కీలక పాత్రలో నటించాడు. అలాగే కల్కి సినిమాలో విలన్ గా నటించిన కమల్ హాసన్ కూడా చాలా డేంజరస్ స్టైల్ లో కనిపిస్తున్నాడు.
ప్రపంచవ్యాప్తంగా తెలుగు సినిమా స్థాయి మరింత పెరిగింది. పాన్ ఇండియా మూవీ కల్కికి సౌత్‌లోనే కాకుండా నార్త్‌లోనూ క్రేజ్ సొంతం చేసుకుంది. ప్రాంతీయ భాషతో పాటు హిందీ ప్రేక్షకుల్లోనూ ఈ సినిమా మంచి వసూళ్లను రాబడుతోంది. ‘కల్కి 2898 AD’ విడుదలై 6 రోజులు అయ్యింది. ఆరురోజులకు ఈ మూవీ రూ.625 కోట్లు రాబట్టింది. ప్రభాస్ చిత్రం మొదటి రోజు భారతదేశంలో 95.3 కోట్ల రూపాయల బిజినెస్ చేసింది. అయితే ఈ సినిమా హిందీలో తొలిరోజు 22.5 కోట్లు రాబట్టింది. రెండో రోజు కూడా భారీగానే రాబట్టింది. . అలాగే మూడో రోజు ఈ వసూళ్లు రూ.26 కోట్లకు చేరాయి.
నాల్గవ రోజు, ‘కల్కి 2898 AD’ హిందీ భాషలో 40 కోట్లు సాధించింది అయితే ఐదో రోజు సినిమా లెక్కల్లో భారీ తగ్గుదల కనిపించింది. హిందీలో కల్కి రూ.16.5 కోట్లు రాబట్టిందట. ఆరో రోజు రూ.14 కోట్ల బిజినెస్ చేస్తుందని తెలుస్తోంది. ఓవరాల్ గా ఈ సినిమా హిందీలో ఇప్పటి వరకు రూ.142 కోట్లకు పైగా రాబట్టింది.
హిందీలో అత్యధిక వసూళ్లు సాధించిన 10 సౌత్ సినిమాల జాబితాలో ప్రభాస్ 6 సినిమాలు ఉన్నాయి. అదే సమయంలో, ‘బాహుబలి 2- ది కన్‌క్లూజన్’ హిందీలో దక్షిణాదిలో అతిపెద్ద వసూళ్లు సాధించడమే కాకుండా, ‘జవాన్’, ‘గదర్ 2’ , ‘పఠాన్’ తర్వాత నాల్గవ అతిపెద్ద చిత్రంగా నిలిచింది. రెండవ స్థానంలో, యష్ యొక్క KGF: చాప్టర్ 2 అతిపెద్ద వసూళ్లు. జూనియర్ ఎన్టీఆర్, రామ్ చరణ్‌ల RRR మూడో స్థానంలో కొనసాగుతోంది. కాగా కల్కి చిత్రం 6 రోజుల్లో హిందీలో 142 కోట్ల రూపాయలను దాటింది. అంటే త్వరలో హిందీలో అత్యధిక వసూళ్లు రాబట్టిన ఐదు చిత్రాల జాబితాలో ప్రభాస్ ఈ చిత్రం తన స్థానాన్ని పదిలం చేసుకోనుందన్నమాట. అయితే మొదటి మూడు సినిమాల రికార్డును బద్దలు కొట్టాలంటే చాలా వసూల్ చేయాలి ఈ సినిమా. ప్రభాస్ సినిమా టాప్ 3 స్థానానికి చేరుకోవాలంటే RRRని బీట్ చేయాలి. ఈ సినిమా హిందీ వసూళ్లు 272 కోట్లు. యష్ KGF 2 టాప్ 2 స్థానాన్ని ఆక్రమించింది. దీన్ని బద్దలు కొట్టాలంటే ఈ సినిమా రూ.435 కోట్లకు పైగా బిజినెస్ చేయాల్సి ఉంటుంది. ‘బాహుబలి 2’ టాప్ పొజిషన్‌ను అందుకోవాలంటే ‘కల్కి’ రూ.511 కోట్లకు పైగా రాబట్టాలి. చూడాలి మరి ఏం జరుగుతుందో..
మరిన్ని సినిమా వార్తల కోసం ఇక్కడ క్లిక్ చేయండి.
