పై ఫొటోలో క్యూట్‌గా కనిపిస్తోన్న అమ్మాయి ఎవరో గుర్తు పట్టారా? స్కూల్ డేస్ లోనే ఇంత అందంగా కనిపిస్తోన్న ఈ క్యూట్ గర్ల్ ఇప్పుడు మరింత అందంగా మారిపోయింది. క్రేజీ హీరోయిన్ గా పాన్ ఇండియా రేంజ్ లో ఫేమస్ అవుతోంది. ప్రస్తుతానికి బాలీవుడ్ లోనే ఎక్కువగా సినిమాలు చేస్తున్నప్పటికీ తెలుగు ఆడియెన్స్ కు ఈ ముద్దుగుమ్మ బాగా పరిచయం. ఎందుకంటే తెలుగు సినిమాతోనే ఈ బ్యూటీ నట ప్రస్థానం మొదలైంది. తెలుగులో ఒకే ఒక్క సినిమా చేసినప్పటికీ బాగా గుర్తుండిపోయింది. అందులో తన అందం, అభినయంతో అభిమానుల హృదయాలను కొల్లగొట్టిందీ బాలీవుడ్ భామ. ఆ తర్వాత హిందీకి చెక్కేసి అక్కడే సెటిలై పోయింది. స్టార్ హీరోలతో వరుసగా సినిమాలు చేస్తూ స్టార్ డమ్ సొంతం చేసుకుంది. అయితే చాలా ఏళ్ల తర్వాత మళ్లీ తెలుగు సినిమా తెరపై కనిపించిందీ అందాల తార. అది కూడా పాన్ ఇండియా సూపర్ స్టార్ ప్రభాస్ సినిమాలో. ఈ పాటికే చాలా మందికి అర్థమై ఉంటుంది మనం ఎవరి గురించి మాట్లాడుకుంటున్నామో? యస్ ఈ అమ్మాయి మరెవరో కాదు కల్కి సినిమా హీరోయిన్ దిశా పటానీ. ఇది ఆమె స్కూల్ డేట్ నాటి ఫొటో.
మెగా ప్రిన్స్ వరుణ్ తేజ్ నటించిన లోఫర్ సినిమాతోనే ఇండస్ట్రీలోకి అడుగుపెట్టింది దిశా పటానీ. ఆ తర్వాత బాలీవుడ్ కు చెక్కేసి అక్కడే సెటిలైపోయింది. ఇటీవలే పాన్ ఇండియా సూపర్ స్టార్ ప్రభాస్ నటించిన ‘కల్కి 2898 ఏడీ’ సినిమాలో ఒక కీలక పాత్రలో నటించి మెప్పించింది. ఇందులో రోక్సీ క్యారెక్టర్‌లో కనిపించేది కాసేపే అయినా సినిమాలో స్పెషల్ అట్రాక్షన్ గా నిలిచింది దిశా పటానీ. సినిమాల సంగతి పక్కన పెడితే ఈ మధ్యన టాటూలతో కుర్రకారుకు పిచ్చెక్కిస్తోందీ అందాల తార. కల్కి సినిమా విడుదల సమయంలో దిశా చేతిపై పీడీ (PD) టాటూ కనిపించడంతో నెట్టింట పెద్ద ఎత్తున చర్చ జరిగింది. ఇది ప్రభాస్ డార్లింగ్ పేరే నంటూ చాలామంది నెటిజన్లు రచ్చ రచ్చ చేశారు. ఆ తర్వాత నడుముపై ఏదో అర్థం కాని భాషతో మరోసారి పచ్చ బొట్టు వేయించుకుంది. ఇజ్రాయెల్, ఆసియా, ఆఫ్రికా మధ్య ఉండే కొన్ని దేశాల్లో మాట్లాడే హీబ్రూ భాషలో టాటూ వేయించుకుంది. మొత్తానికి ఈ మధ్యన కల్కి సినిమా కంటే పచ్చ బొట్ట వ్యవహారంతోనే ఎక్కువగా వార్తల్లో నిలుస్తోంది దిశా పటానీ.
ఇవి కూడా చదవండి
మరిన్ని సినిమా వార్తల కోసం ఇక్కడ క్లిక్ చేయండి.
