బాలీవుడ్ ఖిలాడీ అక్షయ్ కుమార్ మరోసారి ఫెయిల్ అయ్యారు. సౌత్‌లో సూపర్ హిట్ అయిన కంటెంట్‌తో చేసిన మూవీ కూడా డిజాస్టర్ కావటంతో.. అక్కీ మార్కెట్ స్టామినా మీదే అనుమానాల మొదలయ్యాయి.
ఓ డెబ్యూ హీరోకు రేంజ్‌లో కూడా అక్షయ్ పెర్ఫామ్‌ చేయలేకపోవటం.. దారుణం అంటున్నారు విశ్లేషకులు. బాలీవుడ్ స్టార్ హీరో అక్షయ్ కుమార్ సాలిడ్ హిట్ కొట్టి చాలా కాలం అవుతుంది.
కొద్ది రోజులుగా అక్షయ్ చేసిన సినిమాలేవి ఆడియన్స్‌ను మెప్పించలేకపోతున్నాయి. కొన్ని సినిమాలకు పాజిటివ్ టాక్ వచ్చినా.. వసూళ్లు పరంగా మాత్రం నిరాశపరుస్తున్నాయి.
తాజాగా సర్ఫిరా విషయంలోనూ పరిస్థితి అలాగే ఉంది. సౌత్‌లో సూపర్ హిట్ అయిన ఆకాశం నీ హద్దురా సినిమాను హిందీలో రీమేక్ చేశారు అక్షయ్. సౌత్ వర్షన్‌ను డైరెక్టర్ చేసిన సుధా కొంగర హిందీ సినిమాకు కూడా దర్శకత్వం వహించారు.
సౌత్ సినిమాలో హీరోగా నటించిన సూర్య, ఎంతో ఇష్టపడి సినిమా హిందీ రీమేక్ స్వయంగా నిర్మించారు. ఇటీవల ప్రేక్షకుల ముందుకు వచ్చిన సర్ఫిరాకు పాజిటివ్ టాక్ వినిపిస్తోంది. రివ్యూవర్‌లు సినిమా అద్భుతం అంటూ పొగుడుతున్నారు.
అయినా కలెక్షన్లు మాత్రం పెద్దగా రావటం లేదు. ఒక్కో సినిమాకు తన రికార్డ్‌ను తానే బ్రేక్ చేసుకుంటూ లీస్ట్ కలెక్షన్ల దిశగా పోతున్నారు ఖిలాడీ హీరో. తాజాగా సర్ఫిరా సినిమా చూసేందుకు వచ్చే ఆడియన్స్‌కు కొన్ని థియేటర్స్‌లో ఆఫర్స్ కూడా ఎనౌన్స్ చేశారు.
సినిమా టికెట్ కొట్టే స్నాక్స్ ఫ్రీగా ఇస్తున్నారు. కొన్ని చోట్ల టికెట్ రేట్స్ తగ్గించారు. అయినా వసూళ్ల విషయంలో ఏ మాత్రం ఇంప్రూవ్మెంట్ కనిపించటం లేదు. మరి ఈ పరిస్థితుల నుంచి అక్షయ్ ఎలా బయటపడతారో చూడాలి.
