ప్రస్తుతం సోషల్ మీడియా ప్రపంచంలో సినీతారలకు సంబంధించిన చాలా విషయాలు వైరల్ అవుతున్న సంగతి తెలిసిందే. కేవలం చైల్డ్ హుడ్ ఫోటోస్ మాత్రమే కాకుండా.. సెలబ్రెటీస్ స్కూల్ డేస్ వీడియోస్, డాన్స్ వీడియోస్ నెట్టింట తెగ సందడి చేశాయి. తాజాగా టాలీవుడ్ స్టార్ హీరోకు సంబంధించిన ఓ త్రోబ్యాక్ వీడియో ఇప్పుడు అందరి దృష్టిని ఆకర్షిస్తుంది. పైన ఫోటోను చూశారు కదా.. టాలీవుడ్ ఇండస్ట్రీలో స్టార్ హీరో. 2005లో యూట్యూబ్ రాగా.. అప్పట్లో షార్ట్ ఫిల్మ్స్ హావా ఎక్కువగా ఉండేది. నటనపై ఆసక్తి ఉన్న చాలా మంది షార్ట్ ఫిల్మ్స్ ద్వారా ఇండస్ట్రీలోకి అడుగుపెట్టారు. కానీ ఈ కుర్రాడు మాత్రం అంతకు ముందే షార్ట్ ఫిల్మ్ చేశాడు. ఇండియాలో షార్ట్ ఫిలిమ్స్ గురించి తెలియనప్పుడే తన షార్ట్ ఫిల్మ్ చేశాడు. ఆ తర్వాత మొదటి సినిమాతోనే భారీ విజయాన్ని అందుకుని తనకంటూ మంచి పాలోయింగ్ సొంతం చేసుకున్నాడు. ఈ హీరో ఎవరో గుర్తుపట్టారా..? ఆ కుర్రాడు ఎనర్జిటిక్ స్టార్ హీరో రామ్ పోతినేని.
ప్రస్తుతం డైనమిక్ డైరెక్టర్ పూరి జగన్నాథ్ దర్శకత్వంలో డబుల్ ఇస్మార్ట్ సినిమాలో నటిస్తున్నారు. కొన్నాళ్లుగా ఈ మూవీ షూటింగ్ వేగంగా జరుగుతుంది. గతంలో ఓ ఇంటర్వ్యూలో పాల్గొన్న రామ్ పోతినేని.. తన ఫస్ట్ షార్ట్ ఫిల్మ్ గురించి ఇంట్రెస్టింగ్ కామెంట్స్ చేశారు. ఇప్పుడు అందరూ షార్ట్ ఫిల్మ్ చేస్తున్నారని.. కానీ ఇండియాలో షార్ట్ ఫిలిం అంటే ఏంటో తెలియని రోజుల్లోనే షార్ట్ ఫిల్మ్ చేశానని అన్నారు. 200-2001లో ఒక షార్ట్ ఫిల్మ్ చేశానని.. అప్పటికీ యూట్యూబ్ కూడా రాలేదని.. తన ఫ్రెండ్స్ అందరూ కలిసి ఆ షార్ట్ ఫిల్మ్ చేసినట్లు చెప్పుకొచ్చారు. ఆ షార్ట్ ఫిల్మ్ కేవలం 42 నిమిషాలు మాత్రమే ఉంటుందని.. ఆ మూవీ రిలీజ్ కోసం తన స్నేహితులు అడిగినట్లు గుర్తుచేసుకున్నారు. షార్ట్ ఫిల్మ్ అని చెబితే మిగతా సినిమా ఎప్పుడు చేస్తావు అని అడిగారని.. అవార్డ్ ఫంక్స్ కు పంపించడానికి మాత్రమే తీశామని చెబితే మీరు చూసుకోండి అంటూ కామెంట్స్ చేశారని చెప్పుకొచ్చారు.
ప్రస్తుతం రామ్ నటించిన షార్ట్ ఫిల్మ్ వీడియో యూట్యూబ్ లో వైరల్ గా మారగా.. అప్పట్లో రామ్ చరణ్ లుక్ చూసి ఆశ్చర్యపోతున్నారు ఫ్యాన్స్. యూట్యూబ్ రాకముందే రామ్ షార్ట్ ఫిల్మ్ చేశాడా..? అంటూ ఆశ్చర్యపోతున్నారు. చెన్నైలో స్కూల్లో చదివే రోజుల్లోనే రామ్ తమిళంలో అడయాలాం అనే తమిళ్ షార్ట్ ఫిల్మ్ చేశాడు. ఆ తర్వాత 2006లో దేవదాసు సినిమాతో హీరోగా వెండితెరకు పరిచయమయ్యాడు. ప్రస్తుతం పూరి డైరెక్షన్లో డబుల్ ఇస్మార్ట్ సినిమాలో నటిస్తున్నాడు.
మరిన్ని సినిమా వార్తల కోసం ఇక్కడ క్లిక్ చేయండి.
