బాలీవుడ్ బిగ్ బీ అమితాబ్ బచ్చన్ వారసుడిగా అభిషేక్ బచ్చన్ చాలా సినిమాల్లో హీరోగా మెరిశాడు. అయితే ఇటీవల అతను నటించిన సినిమాలన్నీ వరుసగా బోల్తా కొడుతున్నాయి. దీంతో కొత్త తరహా పాత్రలు అంగీకరించేందుకు రెడీ అవుతున్నాడు జూనియర్ బచ్చన్. ఈ నేపథ్యంలో బాలీవుడ్ కింగ్ ఖాన్ షారుఖ్ ఖాన్ సినిమాలో విలన్ రోల్ పోషిస్తున్నట్లు తెలుస్తోంది. ఇందులో షారుఖ్ గారాల పట్టి సుహానా ఖాన్ కూడా నటిస్తోంది. ఇది విని అభిమానులు థ్రిల్ అవుతున్నారు. షారుఖ్ ఖాన్, సుహానా ఖాన్ తదుపరి చిత్రం ‘కింగ్’ (ప్రచారంలో ఉన్న పేరు). ఈ చిత్రానికి సుజయ్ ఘోష్ దర్శకత్వం వహిస్తున్నారు. సిద్ధార్థ్‌ ఆనంద్‌ యాక్షన్‌ సన్నివేశాలను తెరకెక్కించనున్నారు. ఈ సినిమాపై అభిమానుల్లో భారీ అంచనాలు ఉన్నాయి. ఇప్పుడీ సినిమాలోనే అభిషేక్ బచ్చన్ విలన్‌గా నటించనున్నట్లు సమాచారం.
ఇవి కూడా చదవండి
అభిషేక్‌కి ఎలాంటి పాత్ర ఇచ్చినా చేస్తాడట. విలన్ పాత్ర ఇచ్చినా సక్సెస్ ఫుల్ గా మేనేజ్ చేస్తున్నాడు. ‘కింగ్’ సినిమాకు విలన్‌గా నటించాలంటే అద్భుతమైన నటుడు కావాలి. అందుకే అభిషేక్‌కి ఈ సినిమా ఆఫర్ వచ్చిందని అంటున్నారు. ఆ పాత్ర గురించి వినగానే సినిమా అంగీకరించినట్లు సమాచారం. దీని గురించి టీమ్ నుండి అధికారిక సమాచారం కోసం అభిమానులు ఎదురుచూస్తున్నారు. ఈ ఏడాది చివర్లో ‘కింగ్’ సినిమా సెట్స్ పైకి వెళ్లే అవకాశం ఉంది. అక్టోబర్ 2023 నుండి సుజయ్ ఘోష్ షారుఖ్ ఖాన్‌ను చాలాసార్లు కలిశాడు. ఇప్పుడు కథ ఫైనల్ అయింది. జవాన్, పఠాన్ లాగానే ఈ సినిమాలో కూడా భారీ యాక్షన్‌ సీక్వెన్స్ ఉండనున్నాయని తెలుస్తోంది. కాగా ఈ సినిమాకు ముందే ‘ది ఆర్చీస్’ సినిమాలో సుహానా నటించింది. అయితే ఇందులో ఆమె నటనపై విమర్శలు వచ్చాయి. సినిమా కూడా నిరాశ పర్చింది.. అందుకే సుహానా ఖాన్ ‘కింగ్’ సినిమా కోసం యాక్టింగ్ ట్రైనింగ్ తీసుకుంటోందని అంటున్నారు.
Exciting Updates on Shah Rukh Khan’s ‘KING’ Movie with Abhishek Bachchan and Suhana Khan#KING #ShahRukhKhan #SRK #Kingkhan #AbhishekBachchan #SuhanaKhan #ChiyaanVikram #Thangalaan #A6 #Atlee #Bollywood #Filmify #Filmifyenglish pic.twitter.com/NUeMIO7fGd
— FilmifyOfficial (@FilmifyEnglish) July 16, 2024
షారుక్‌ఖాన్‌కు చెందిన రెడ్‌ చిల్లీస్‌ ఎంటర్‌టైన్‌మెంట్‌ ఈ చిత్రాన్ని నిర్మిస్తోంది. రెండో సినిమాతోనే సుహానా హోమ్‌ బ్యానర్‌లో నటించే అవకాశం వచ్చింది. షారుఖ్ ఖాన్ చివరిగా ‘డంకీ’ సినిమాలో కనిపించాడు. ఆ తర్వాత ఆయన కొత్త సినిమా ఏదీ అధికారికంగా ప్రకటించలేదు.
మరిన్ని సినిమా వార్తల కోసం ఇక్కడ క్లిక్ చేయండి.
