ఒకప్పుడు మన స్టార్స్ బాలీవుడ్ మూవీస్‌లో కనిపించాలనుకునేవారు. కానీ రీసెంట్‌ టైమ్స్‌లో సీన్‌ రివర్స్‌ అయ్యింది. నార్త్ స్టార్సే తెలుగు సినిమాలో కనిపించేందుకు క్యూ కడుతున్నారు. మన వాళ్లతో స్క్రీన్‌ షేర్ చేసుకునే ఛాన్స్ కోసం వెయిట్ చేస్తున్నారు. అయితే కథ ఇక్కడితో అయిపోలేదు. అసలు చేంజ్ ఇక ముందే రాబోతుంది అంటున్నారు మన మేకర్స్. ఏంటా చేంజ్ అనుకుంటున్నారా..? అయితే వాచ్ దిస్ స్టోరీ.
ఆల్రెడీ తెలుగు సినిమా పాన్ ఇండియా మార్కెట్‌ను క్యాప్చర్ చేసింది. అందుకే మన సినిమాల్లో నటించేందుకు బాలీవుడ్ స్టార్స్ కూడా వెయిట్ చేస్తున్నారు. అవకాశం రావాలే గానీ గెస్ట్ రోల్‌ అయినా సరే అంటున్నారు. ఇప్పుడు ఈ హైప్‌ను నెక్ట్స్ లెవల్‌కు తీసుకెళ్లే బాధ్యత తీసుకున్నారు దర్శక ధీరుడు రాజమౌళి.
ఇంకా ఒక్క అప్‌డేట్ కూడా లేకపోయినా… రాజమౌళి, మహేష్ మూవీకి సంబంధించి రకరకాల వార్తలు ఫిలిం సర్కిల్స్‌లో ట్రెండ్ అవుతున్నాయి. గతంలోనే ఈ సినిమా కథకు సంబంధించిన హింట్ ఇచ్చారు రచయిత విజయేంద్ర ప్రసాద్. ఎస్ఎస్ఎంబీ 29 ఆఫ్రికన్‌ ఫారెస్ట్ బ్యాక్‌ డ్రాప్‌లో సాగే యాక్షన్ థ్రిల్లర్‌ అని చెప్పారు. దీంతో జక్కన్న ఈ సారి గ్లోబల్ రేంజ్‌లో ప్లాన్ చేస్తున్నారన్న కంక్లూజన్‌కు వచ్చేశారు ఫ్యాన్స్‌.
ప్రస్తుతానికి మహేష్ మూవీకి సంబంధించిన ఏ విషయం కూడా అఫీషియల్‌గా ఎనౌన్స్‌ కాలేదు. అన్నింటికీ మహేష్ బర్త్‌ డే సందర్భంగా ఆగస్టు 9న సమాధానం వస్తుందన్న నమ్మకంతో ఉన్నారు అభిమానులు. ఒక్కో సినిమాతో తన బౌండరీస్‌ తానే పుష్ చేసుకుంటూ వస్తున్న రాజమౌళి, మహేష్ మూవీని ఖచ్చితంగా గ్లోబల్ రేంజ్‌లోనే ప్లాన్ చేస్తున్నారన్న విషయంలో మాత్రం ఫుల్‌ కాన్ఫిడెంట్‌గా ఉన్నారు.
ఆల్రెడీ కల్కి సినిమాతో తెలుగు సినిమాకు గ్లోబల్ రేంజ్ చూపించారు నాగ్ అశ్విన్‌. ఇక హాలీవుడ్‌లో మన జెండా ఎగరేసే బాధ్యతను పూర్తిగా తీసుకోబోతున్నారు రాజమౌళి. మహేష్ మూవీ రిలీజ్ తరువాత హాలీవుడ్ స్టార్స్ కూడా మన సినిమాల్లో కనిపించేందుకు ఇంట్రస్ట్ చూపిస్తారన్న నమ్మకంతో ఉన్నారు. అయితే జక్కన్న నెక్ట్స్ మూవీ ఆడియన్స్‌ ముందుకు వచ్చేది ఎప్పుడన్నది తెలియాలంటే మాత్రం ఇంకొద్ది రోజులు వెయిట్ చేయాల్సిందే.
