ఇండియన్ 2 తరువాత జూలై నెలలో చెప్పుకోదగ్గ రిలీజ్‌ లేవీ లేవు. కానీ వచ్చే నెలలో మాత్రం ఇంట్రస్టింగ్ సినిమాలు ఆడియన్స్ ముందుకు వచ్చేందుకు రెడీ అవుతున్నాయి. ఆగస్టు నెలలో ఆడియన్స్ ముందుకు రాబోయే సినిమాల విషయంలో మరో ఇంట్రస్టింగ్ డిస్కషన్ కూడా జరుగుతోంది. ఏంటా డిస్కషన్ అనుకుంటున్నారా..? అయితే వాచ్ దిస్‌ స్టోరీ.
ఆగస్టు 15కు సిల్వర్‌ స్క్రీన్ మీద హెవీ రష్ కనిపిస్తోంది. ఈ డేట్‌కు ఆడియన్స్ ముందుకు వచ్చేందుకు ఇంట్రస్టింగ్ సినిమాలు క్యూ కట్టాయి. వీటిలో కాస్త ఎక్కువ బజ్‌ క్రియేట్ చేస్తున్న సినిమా డబుల్ ఇస్మార్ట్. ఈ సినిమాతో ఎలాగైన హిట్ కొట్టాల్సిన కంపల్సరీ సిచ్యుయేషన్‌లో ఉన్నారు దర్శకుడు పూరి జగన్నాథ్‌, హీరో రామ్.
ఇస్మార్ట్ శంకర్‌ లాంటి సూపర్ హిట్ కాంబోనే అయినా… ప్రజెంట్ పూరి, రామ్ వరుస ఫ్లాపులతో ఇబ్బందుల్లో ఉన్నారు. అందుకే ఈ సినిమాతో ఎలాగైన హిట్ కొట్టాలని గట్టిగా ట్రై చేస్తున్నారు. అందుకే సక్సెస్ ఫార్ములాను రిపీట్ చేస్తూ ఆడియన్స్ ముందుకు వస్తున్నారు.
ఇండిపెండెన్స్‌ డేకే వస్తున్న విక్రమ్ పరిస్థితి కూడా ఇలాగే ఉంది. విక్రమ్ సక్సెస్ చూసి చాలా కాలం అవుతుంది. ఈ టైమ్‌లో తంగలాన్ లాంటి డిఫరెంట్ మూవీతో ఆడియన్స్ ముందుకు వస్తున్నారు. ఈ సినిమాతో సక్సెస్ కొట్టి తిరిగి ఫామ్‌లోకి రావాలని కష్టపడుతున్నారు చియాన్‌.
నాని హీరోగా తెరకెక్కుతున్న యాక్షన్ థ్రిల్లర్ మూవీ సరిపోదా శనివారం ఆగస్టు 29న ప్రేక్షకుల ముందుకు రానుంది. గతంలో 'అంటే సుందరానికి' సినిమా కోసం కలిసి వర్క్‌ చేసిన నాని, వివేక్ ఆత్రేయ కాంబినేషన్‌లోనే ఈ సినిమా కూడా తెరకెక్కుతోంది. ఆ సినిమాకు ఆశించిన రిజల్ట్ రాలేదు. అందుకే ఈ సారి ఎలాగైన హిట్ కొట్టాలన్న ఉద్దేశంతో సరిపోదా శనివారం సినిమాను రూపొందిస్తున్నారు. మరి ఈ ఆగస్టు అయినా మన హీరోలను ఆదుకుంటుందేమో చూడాలి.